અમિતાભ બચ્ચને જણાવ્યું, કેમ યુવા દર્શકોને તેમનું આ ખાસ પાત્ર પસંદ આવ્યું

બોલિવૂડના દિગ્ગજ અભિનેતા અમિતાભ બચ્ચનનો એક જૂનો વીડિયો સામે આવ્યો છે, જેમાં બિગ બી જણાવી રહ્યા છે કે દર્શકોને તેમનું 'એંગ્રી યંગ મેન' પાત્ર કેમ પસંદ આવ્યું. વાયરલ થઈ રહેલો વીડિયો બ્રિટિશ ટોક શોનો છે. વીડિયોમાં અમિતાભ બચ્ચન તેમના ફેમસ 'એંગ્રી યંગ મેન' પાત્ર વિશે વાત કરતા જોવા મળે છે.

અમિતાભને 'એન્ગ્રી યંગ મેન'ના પાત્રમાં ઘડવાનો શ્રેય પટકથા લેખક જોડી સલીમ-જાવેદને જાય છે. અમિતાભે કહ્યું, "ભારતના યુવાનોના મન અને હૃદયમાં એક પ્રકારનો ગુસ્સો હતો, જે તેઓ ઇચ્છતા હતા. તે વસ્તુઓ ન તો બહાર આવી રહી હતી અને ન તો તેના વિશે વાત કરવામાં આવી રહી હતી. મને લાગે છે કે કદાચ યુવાનોએ તેનું પ્રતિબિંબ જોયું. જે રીતે મારી આ ભૂમિકાઓ બનાવવામાં આવી હતી તે રીતે મારા આ પાત્રે યુવાનોમાં ખૂબ લોકપ્રિયતા મેળવી હતી.

આ પણ વાંચો : 28 વર્ષની આ એક્ટ્રેસે આપી 15 સુપરહિટ, 8 વર્ષમાં આ બ્યુટી બની ગઈ હિટ મશીન

'મહાનાયક ઑફ ધ સેન્ચ્યુરી'એ બ્રિટિશ શોમાં એક કૉલર સાથે વાત પણ કરી હતી, ભારતીય મૂળની મહિલાએ અભિનેતાને પૂછ્યું હતું કે, "શું તમે ફિલ્મ સાઇન કરતા પહેલા તેની સ્ક્રિપ્ટ વાંચો છો? જો નહીં, તો તમે કયા આધારે મૂવી પસંદ કરો?"

આના પર, બિગ બીએ જવાબ આપ્યો હતો, "ઓહ ડિયર! તમે જાણો છો, હું ખરેખર આ વિશેનું રહસ્ય જાહેર કરી રહ્યો છું કારણ કે સામાન્ય રીતે અમને ફિલ્મની સ્ક્રિપ્ટ મળતી નથી. અમારી પાસે ફિલ્મની સ્ક્રિપ્ટ ન હોવાથી તેને વાંચવાનો કોઈ પ્રશ્ન નથી આવતો. મોટાભાગે સ્ક્રિપ્ટ ડિરેક્ટર અને લેખકો પાસે હોય છે, હું ઈચ્છું છુ કે સ્ક્રિપ્ટ મને મળે, હું તેને વાંચું અને તે જ અંદાજમાં સ્વીકાર કરું.