VIDEO / ન ચપ્પલ, ન શુઝ, ઉઘાડા પગે એરપોર્ટ પહોંચ્યો સાઉથનો સુપરસ્ટાર, આ છે કારણ
છેલ્લું અપડેટ : 10 Nov 2024
સાઉથ સિનેમાનો સુપરસ્ટાર રામ ચરણ તેની આગામી ફિલ્મ 'ગેમ ચેન્જર' માટે ચર્ચામાં છે, જેમાં તેની સાથે બોલિવૂડ અભિનેત્રી કિયારા અડવાણી જોવા મળશે. રામ ચરણના ફેન્સ તેની ફિલ્મની આતુરતાથી રાહ જોઈ રહ્યા છે. ફિલ્મનું પોસ્ટર અને ગીતો રિલીઝ થઈ ગયા છે, જેને જોયા બાદ ફેન્સ ફિલ્મ માટે ઘણા ઉત્સુક છે. ફિલ્મની રિલીઝ પહેલા તાજેતરમાં સાઉથનો સુપરસ્ટાર રામ ચરણ હૈદરાબાદ એરપોર્ટ પર સ્પોટ થયો હતો, જ્યાં તે ઉઘાડા પગે ચાલતો જોવા મળ્યો હતો. તેનો આ વીડિયો સોશિયલ મીડિયા પર ઝડપથી વાયરલ થઈ રહ્યો છે.
આ પણ વાંચો: VIDEO: આલિયાના બોડીગાર્ડે ફેન સાથે કર્યો દુર્વ્યવહાર, પછી થઈ જોવા જેવી
રામ ચરણ ઉઘાડા પગે એરપોર્ટ પહોંચ્યો
શનિવારે સવારે રામ ચરણ હૈદરાબાદ એરપોર્ટ પર જોવા મળ્યા હતા, જ્યાંથી તે લખનૌ જઈ રહ્યો હતો. આ દરમિયાન તે ઓલ બ્લેક લુકમાં જોવા મળ્યો હતો. તેણે કુર્તો અને પેન્ટ પહેર્યા હતા. પરંતુ, આ દરમિયાન તેણે ન તો ચપ્પલ પહેર્યા કે ન તો શુઝ પહેર્યા હતા. અભિનેતા એરપોર્ટ પર ઉઘાડા પગે ચાલતો જોવા મળ્યો હતો અને તેના ફેન્સ સુપરસ્ટારનો આ અવતાર જોઈને આશ્ચર્યચકિત થઈ ગયા હતા. જોકે, આ પહેલીવાર નથી જ્યારે રામ ચરણ આવી રીતે જોવા મળ્યો હોય. આ પહેલા પણ તે આ ઉઘાડા પગે જોવા મળ્યો હતો.
આ પહેલા પણ ઉઘાડા પગે જોવા મળ્યો હતો સુપરસ્ટાર
રામ ચરણ આ પહેલા પણ ઘણી વખત આ ઉઘાડા પગે જોવા મળ્યો છે. આવું કરવા પાછળ એક કારણ છે કે રામ ચરણ દર વર્ષે અયપ્પા દીક્ષા લે છે, જે દક્ષિણ ભારતમાં એક પરંપરા છે. અયપ્પા દીક્ષા હેઠળ, દીક્ષા લેનાર વ્યક્તિએ 41 દિવસ સુધી બ્રહ્મચર્ય પાળવું પડે છે. ભગવાન અયપ્પાના ભક્તો સર્વસ્વનો ત્યાગ કરીને બ્રહ્મચર્યનું પાલન કરે છે અને 41 દિવસ સુધી ઉઘાડા પગે રહે છે. અગાઉ, જ્યારે રામ ચરણ ઓસ્કર 2023 માટે રવાના થયો હતો, ત્યારે પણ તે ઉઘાડા પગે જોવા મળ્યો હતો.
રામ ચરણનું વર્ક ફ્રન્ટ
રામ ચરણની આગામી ફિલ્મ 'ગેમ ચેન્જર' વિશે વાત કરીએ તો, તે આવતા વર્ષે પર સિનેમાઘરોમાં આવશે. આ એક પોલિટિકલ થ્રિલર છે, જે 10 જાન્યુઆરી, 2025ના રોજ સિનેમાઘરોમાં રિલીઝ થશે. આ ફિલ્મમાં રામ ચરણ IAS ઓફિસર રામ મદનનું પાત્ર ભજવતો જોવા મળશે. ફિલ્મમાં કિયારા અડવાણી તેની ગર્લફ્રેન્ડ અને IAS ઓફિસરના રોલમાં જોવા મળશે.
