ક્રિકેટર બનવા માંગતો હતો આ એક્ટર, નસીબે એવો યુ-ટર્ન લીધો કે બની ગયો ફિલ્મ સ્ટાર

આજના સમયમાં પણ ઘણા લોકો પોતાની જાતને ફિલ્મી પડદા પર કે ટેલીવિઝનમાં જોવા માંગે છે. ઘણા લોકો બોલીવૂડમાં મોટા સ્ટાર બનવા માંગે છે. આ જ સપના સાથે હજારો લોકો મુંબઈ પણ પહોંચી જાય છે. પરંતુ બોલીવૂડનો એક એક્ટર એવો છે જે એક્ટર નહીં પણ ક્રિકેટર બનવા માંગતો હતો. પરંતુ તેના નસીબે એવો યુ-ટર્ન લીધો કે તે આજે એક ફેમસ ફિલ્મ સ્ટાર છે. અમે અપારશક્તિ ખુરાનાની વાત કરી રહ્યા છીએ.

આ પણ વાંચો: VIDEO: પટણાના ગાંધી મેદાનમાં પુષ્પા-2નું ટ્રેલર રિલીઝ, અલ્લુ અર્જૂન ફરી પુષ્પારાજ બની મચાવશે ધમાલ

એક્ટર બનતા પહેલા અપારશક્તિ ખુરાનાએ ભારતીય ટીમમાં સ્ટાર ક્રિકેટર બનવાનું સપનું જોયું હતું. ચંદીગઢમાં જન્મેલા અપારશક્તિને અભ્યાસમાં ઓછો અને ક્રિકેટ રમવામાં વધુ રસ હતો. તે હરિયાણાની અંડર-19 ક્રિકેટ ટીમનો કેપ્ટન હતો, પરંતુ તેના નસીબમાં કંઈક બીજું જ લખાયેલું હતું. તેણે ચંદીગઢમાં શાળાનો અભ્યાસ પૂર્ણ કર્યો અને પછી લોમાં ગ્રેજ્યુએશન કર્યું. રેડિયો જોકી અને ટેલિવિઝન હોસ્ટ બની ચૂકેલા આયુષ્માન ખુરાનાના નાના ભાઈને આજે કોઈ ઓળખની જરૂર નથી, પરંતુ તેણે આ જગ્યા સુધી પહોંચવા માટે ઘણી મહેનત કરી છે.

કોચનું અપમાન કરવા બદલ માર પડ્યો હતો

એક ઇન્ટરવ્યુમાં અપારશક્તિએ કહ્યું કે જ્યારે તેના કોચે તેને ટીમ માટે કેટલાક સિનિયર ખેલાડીઓની પસંદગી કરવાનું કહ્યું ત્યારે તે પોતાની કેપ્ટનશિપને લઈને અસુરક્ષિત અનુભવવા લાગ્યો હતો. આ દરમિયાન તેણે એ પણ કહ્યું હતું કે તેના પિતાએ એક વખત તેને ક્રિકેટ બેટથી માર્યો હતો કારણ કે તેણે તેના કોચનું અપમાન કર્યું હતું, જેના કારણે તેના પિતા ખૂબ ગુસ્સે થઈ ગયા હતા. અભિનેતા બન્યા પહેલા અપારશક્તિનું સપનું ભારતીય ટીમમાં સ્ટાર ક્રિકેટર બનવાનું હતું અને આ માટે તે ક્રિકેટ એકેડમીમાં પણ જોડાયો હતો.

ક્રિકેટર બનવાનું સપનું તૂટી ગયું

અપારશક્તિ અન્ય ખેલાડીઓથી અસુરક્ષિત હોવાથી તેણે એવો પ્લાન બનાવ્યો કે અન્ય ટીમના કોચ ટીમને ખેલાડીઓ આપવા સામે વિરોધ કરે, પરંતુ બંને કોચને આ પ્લાનની જાણ થઈ અને બીજા દિવસે જ્યારે અપારશક્તિ પ્રેક્ટિસ માટે પહોંચી ત્યારે તેને બેન્ચ પર બેસાડવામાં આવ્યો. અભિનેતાએ આગળ કહ્યું, 'તે જ દિવસે મારા પિતા પણ અચાનક એકેડમી પહોંચ્યા અને મને બેઠેલો જોઈને ઘણા પ્રશ્નો પૂછ્યા પછી, તેઓ મારા કોચ પાસે ગયા અને તેમણે બધું જણાવ્યું અને પછી મારા પિતાએ મને બેટથી મારતા મારતા એકેડમીથી ઘરે લઈ ગયા. મારું ક્રિકેટર બનવાનું સપનું અધૂરું રહી ગયું.'

પહેલી જ ફિલ્મથી પ્રખ્યાત થઈ ગયો

અપારશક્તિ ખુરાનાએ 2016માં ફિલ્મ 'દંગલ'થી એક્ટિંગની શરૂઆત કરી હતી. પહેલી જ ફિલ્મથી તે લોકો વચ્ચે પ્રખ્યાત થઈ ગયો હતો. તેની શાનદાર ફિલ્મોમાં 'બદ્રીનાથ કી દુલ્હનિયા' (2017), 'સ્ત્રી' (2018), 'જબરિયા જોડી' (2019), 'લુકા છુપી', 'પતિ, પત્ની ઔર વો', 'ભેડિયા' (2022) અને 'સ્ત્રી 2'નો સમાવેશ થાય છે. એક્ટર-સિંગર અપારશક્તિ ખુરાનાએ રેમો ડિસોઝાની ડાન્સ ફિલ્મ 'સ્ટ્રીટ ડાન્સર 3D' માં પણ કામ કર્યું છે જે 2015ની ડાન્સ ફિલ્મ 'ABCD 2' ની સ્પિન-ઓફ છે.