ધ એકેડમીએ શેર કર્યો દીપિકા પાદુકોણના ગીત ‘દીવાની મસ્તાની’નો VIDEO, રણવીર સિંહે પણ આપી પ્રતિક્રિયા
બોલિવૂડ અભિનેત્રી દીપિકા પાદુકોણે પડદા પર ઘણી ફિલ્મોમાં કામ કર્યું છે અને પોતાના પાત્ર
બોલિવૂડ અભિનેત્રી દીપિકા પાદુકોણે પડદા પર ઘણી ફિલ્મોમાં કામ કર્યું છે અને પોતાના પાત્રથી લોકોના દિલમાં ખાસ છાપ છોડી છે. આમાંનું એક મસ્તાનીનું પાત્ર પણ છે. તેણે વર્ષ 2015માં રિલીઝ થયેલી ફિલ્મ ‘બાજીરાવ મસ્તાની’માં આ ભૂમિકા ભજવી હતી.
ફિલ્મ રિલીઝ થયાને 9 વર્ષ વીતી ગયા હોવા છતાં પણ દીપિકાનું આ પાત્ર ઘણા લોકોની પહેલી પસંદ છે. આવી સ્થિતિમાં, એકેડમી એવોર્ડ્સે દીપિકાને સરપ્રાઈઝ આપી છે, જેના પર તેના પતિ રણવીર સિંહે પણ પ્રતિક્રિયા આપી છે.
દીપિકાના દીવાની મસ્તાની ગીતે ઈતિહાસ રચી દીધો
ઓસ્કાર એવોર્ડ આપતી સંસ્થાના ઓફિશિયલ ઈન્સ્ટાગ્રામ એકાઉન્ટ પર ફિલ્મ ‘બાજીરાવ મસ્તાની’નું ‘દીવાની મસ્તાની’ ગીત શેર કરતી વખતે લખ્યું હતું – ‘દીપિકા પાદુકોણ ફિલ્મ બાજીરાવ મસ્તાનીના શ્રેયા ઘોસાલ દ્વારા ગવાયેલ ગીત દીવાની મસ્તાની પર પર્ફોમ કરી રહી છે. ફિલ્મ સંજય લીલા ભણસાલી દ્વારા નિર્દેશિત અને રણવીર સિંહ, દીપિકા પાદુકોણ અને પ્રિયંકા ચોપરા જોનાસ દ્વારા અભિનિત છે.
રણવીર સિંહે પ્રતિક્રિયા આપી
દીપિકા પાદુકોણના પતિ રણવીર સિંહે પણ આ વીડિયોના કોમેન્ટ બોક્સમાં કોમેન્ટ કરી છે. તેણે લખ્યું- Mesmeric (મંત્રમુગ્ધ). આ સિવાય ફેન્સ પણ પ્રતિક્રિયા આપતા જોવા મળે છે. એક યુઝરે લખ્યું – “મને નથી લાગતું કે અન્ય કોઈ અભિનેત્રી તેની જેમ પાત્ર કરી શકશે. તે હિન્દી સિનેમાના અત્યાર સુધીના શ્રેષ્ઠ ગીતોમાંના એક તરીકે ગણાશે.” અન્ય યુઝરે લખ્યું- “મસ્તાનીના રૂપમાં દીપિકા હંમેશા આઇકોનિક રહેશે.”
દીપિકા માતા બનવા જઈ રહી છે
દીપિકા પાદુકોણ અને રણવીર સિંહે 29 ફેબ્રુઆરીએ ચાહકો સાથે તેમના સૌથી મોટા સારા સમાચાર શેર કર્યા હતા. આ કપલે ઈન્સ્ટાગ્રામ પર પોસ્ટ કરી હતી કે તેઓ આ વર્ષે પેરેન્ટ્સ બનવાના છે. દંપતીએ તેમની પોસ્ટમાં ડિલિવરીનો મહિનો પણ જાહેર કર્યો હતો. દીપિકા આ વર્ષે સપ્ટેમ્બરમાં બાળકને જન્મ આપશે. જો કે હજુ સુધી તારીખ જાહેર કરવામાં આવી નથી. હાલમાં દીપિકા પાદુકોણ 4 મહિનાની ગર્ભવતી છે.
