સુશાંત સિંહ રાજપૂતની ચોથી પુણ્યતિથિ પર લાચાર દેખાયા પિતા, બહેને કહ્યું...

14 જૂન એટલે કે આજે સુશાંત સિંહ રાજપૂતના મૃત્યુને 4 વર્ષ થઈ ગયા છે. આ વર્ષે સુશાંતની ચોથી પુણ્યતિથિ છે. આ અવસર પર બોલિવૂડથી લઈને ટેલિવિઝન સુધીના ઘણા સ્ટાર્સે અભિનેતા સાથે તેમની જૂની તસવીરો શેર કરી અને તેને યાદ કર્યો. હવે સુશાંતની બહેન શ્વેતા સિંહે તેના ભાઈ માટે એક લાંબી પોસ્ટ લખી છે. અભિનેતાના મૃત્યુનું રહસ્ય જાણવાની પણ ચર્ચા છે.

જૂનો વીડિયો શેર કર્યો

સુશાંત સિંહનો પરિવાર અભિનેતાના મૃત્યુના રહસ્યને ઉકેલવા માટે સતત પ્રયાસ કરી રહ્યો છે. ભાઈના મૃત્યુની ચોથી વર્ષગાંઠ પર બહેન શ્વેતાએ તેના એકાઉન્ટમાંથી બે વીડિયો શેર કર્યા છે. એક વીડિયોમાં સુશાંત તેની બહેનો સાથે છે અને બીજો વીડિયો હાલનો છે. જેમાં તેની સ્મૃતિમાં પ્રાર્થના સભાનું આયોજન કરવામાં આવ્યું હતું.

https://twitter.com/shwetasinghkirt/status/1801444535136043061

ભાવુક થઈ શ્વેતા

આ વીડિયો પોસ્ટ કરીને શ્વેતાએ લખ્યું- 'ભાઈ, તને ગયાને 4 વર્ષ થઈ ગયા છે. 14 જૂન, 2020ના રોજ શું થયું તે અમને હજુ પણ ખબર નથી. તારું મૃત્યુ હજુ પણ રહસ્ય છે. હું સત્ય માટે પ્રયાસ કરી રહી છું પણ આજે છેલ્લી વાર હું એ બધાને પૂછું છું. કોણ મદદ કરી શકે. શું અમને જાણવાનો હક નથી કે અમારા ભાઈ સુશાંતને શું થયું હતું?

https://www.instagram.com/reel/C8MPMC1ofJi/

ફ્રેન્ડે પણ કર્યો પ્રશ્ન

શ્વેતા સિંહ ઉપરાંત સુશાંત સિંહ રાજપૂતના મિત્ર મહેશ શેટ્ટીએ પણ ન્યાયની માગ કરી છે. આટલું જ નહીં, પોસ્ટમાં એ પણ પૂછવામાં આવ્યું છે કે, કેટલો સમય રાહ જોવી પડશે. મહેશ શેટ્ટીએ લખ્યું- 'કેટલી રાહ જોવી... વધુ એક વર્ષ વીતી ગયું. તેઓ કહે છે કે, તે સમય સાથે સરળ થઈ જાય છે. સમય બધા જખમો ભરી દે છે. હું દેશના કાયદામાં મારો વિશ્વાસ જાળવી રાખું છું પણ મને જાણવાનો હક છે. આ પોસ્ટમાં હેશટેગ સાથે જસ્ટિસ ફોર સુશાંત પણ લખ્યું છે.