Box Office Collection: 'સ્ત્રી 2'એ કમાણીનાં તમામ રેકોર્ડ તોડ્યા, ચોથા દિવસે પણ કરી બમ્પર કમાણી
શ્રદ્ધા કપૂર અને રાજકુમાર રાવની હોરર-કોમેડી ફિલ્મ
શ્રદ્ધા કપૂર અને રાજકુમાર રાવની હોરર-કોમેડી ફિલ્મ 'સ્ત્રી 2' આ વર્ષની મચઅવેટેડ ફિલ્મોમાંની એક હતી, જે 15 ઓગસ્ટે થિયેટરોમાં આવી હતી. ફિલ્મને મોટા પડદા પર રિલીઝ થયાને ચાર દિવસ થઈ ગયા છે અને ફિલ્મનો જાદુ લોકોના દિલ સુધી પહોંચી રહ્યો છે, જેનો અંદાજ ફિલ્મની જોરદાર કમાણી પરથી લગાવી શકાય છે. આ ફિલ્મે બમ્પર ઓપનિંગ સાથે બોક્સ ઓફિસ પર શરૂઆત કરી હતી, ત્યારબાદ ફિલ્મે માત્ર ત્રણ દિવસમાં 100 કરોડ રૂપિયાનો આંકડો પાર કરી લીધો હતો.
એટલું જ નહીં, આ ફિલ્મે વીકએન્ડમાં બોક્સ ઓફિસ પર દબદબો જમાવ્યો હતો. 'સ્ત્રી 2'ની સાથે ઘણી સાઉથ અને હિન્દી ફિલ્મો થિયેટરમાં રિલીઝ થઈ હતી, પરંતુ 'સ્ત્રી 2' એ કમાણીના મામલામાં બધાને માત આપી દીધી અને બોક્સ ઓફિસ પર જોરદાર કલેક્શન કરવામાં વ્યસ્ત છે. લોકોમાં ફિલ્મનો કેટલો ક્રેઝ છે તેનો અંદાજ ફિલ્મની ચોથા દિવસની કમાણી પરથી લગાવી શકાય છે. રવિવારે પણ, ફિલ્મ બમ્પર કમાણી સાથે 200 કરોડ રૂપિયાની ખૂબ નજીક પહોંચી ગઈ છે અને એક-બે દિવસમાં આ આંકડો પાર કરશે.
'સ્ત્રી 2'એ ચોથા દિવસે કરી બમ્પર કમાણી
'સ્ત્રી 2' એ તેનો પહેલો ભાગ ચાર દિવસમાં પાછળ છોડી દીધો. 'સ્ત્રી 2' શ્રદ્ધા કપૂરના કરિયરની સૌથી મોટી હિટ ફિલ્મ સાબિત થઈ. આ ફિલ્મે પહેલા જ દિવસે ઘણા રેકોર્ડ બનાવ્યા છે. છેલ્લા ત્રણ દિવસમાં ફિલ્મે શાનદાર કમાણી કરી છે અને ઘણી ફિલ્મોના રેકોર્ડ તોડી નાખ્યા છે. ફિલ્મે રિલીઝના દિવસે 60.3 કરોડ રૂપિયાની કમાણી કરી હતી. શુક્રવારે 31.4 કરોડની કમાણી કરી હતી, જેમાં ત્રીજા દિવસે લગભગ 40 ટકાનો ઉછાળો જોવા મળ્યો હતો. શનિવારે, ફિલ્મે 43.85 કરોડ રૂપિયાની સુંદર કમાણી કરી હતી અને સેક્નિલ્કના અહેવાલ મુજબ, તેણે ચોથા દિવસે એટલે કે, રવિવારે 55 કરોડ રૂપિયાથી વધુનું કલેક્શન કર્યું હતું. આ સ્થિતિમાં ફિલ્મની કુલ કમાણી 190.55 કરોડ થઈ ગઈ છે.
'વેદા' અને 'ખેલ ખેલ મેં'એ દમ તોડ્યો
શ્રદ્ધા કપૂર અને રાજકુમાર રાવની આ હોરર-કોમેડી ફિલ્મની સાથે જોન અબ્રાહમની એક્શન ફિલ્મ 'વેદા' અને અક્ષય કુમારની કોમેડી 'ખેલ ખેલ મેં' પણ રિલીઝ થઈ હતી, પરંતુ બંને ફિલ્મોએ માત્ર ત્રણ દિવસમાં જ દમ તોડી દીધો છે. 'વેદા'એ ત્રણ દિવસમાં કુલ 10.50 કરોડ રૂપિયાની કમાણી કરી હતી, જ્યારે 'ખેલ ખેલ મેં' ત્રણ દિવસમાં માત્ર 8.5 કરોડ રૂપિયાની કમાણી કરી હતી. ઉલ્લેખનીય છે કે, 'સ્ત્રી 2'ની સાથે ઘણી સાઉથની ફિલ્મો પણ રિલીઝ થઈ હતી, પરંતુ હાલમાં 'સ્ત્રી 2' એકલી બધી જ ફિલ્મો પર છવાયેલી છે, જેમાં શ્રદ્ધા અને રાજકુમાર સિવાય અભિષેક બેનર્જી, અપારશક્તિ ખુરાના અને પંકજ ત્રિપાઠી પણ જોવા મળે છે.
