સોનાક્ષી સિન્હા-ઝહીર ઈકબાલના લગ્ન પૂર્ણ, રિસેપ્શન પાર્ટીમાં પહોંચ્યા આ બૉલીવુડ સ્ટાર્સ
અભિનેત્રી સોનાક્ષી સિન્હા અને ઝહીર ઈકબાલ હવે સત્તાવાર રીતે લ
અભિનેત્રી સોનાક્ષી સિન્હા અને ઝહીર ઈકબાલ હવે સત્તાવાર રીતે લગ્ન કરી ચૂક્યા છે. બંનેએ આજે લગ્ન કર્યા હતા. છેલ્લા સાત વર્ષથી ડેટિંગ કરી રહેલા આ કપલે મુંબઈમાં સોનાક્ષીના ઘરે સ્પેશિયલ મેરેજ એક્ટ હેઠળ લગ્ન કર્યા હતા. તેઓએ લગ્નની ઔપચારિકતાઓ પૂર્ણ કરી છે અને હવે સત્તાવાર રીતે પતિ-પત્ની છે.
હુમા કુરેશીનો ભાઈ સાકિબ સલીમ પણ સોનાક્ષી સિન્હા અને ઝહીર ઈકબાલના લગ્ન પછીના સેલિબ્રેશનનો ભાગ બનવા પહોંચ્યો છે. નિયોન અને સફેદ કુર્તા-પાયજામામાં અભિનેતા ખૂબ જ સ્માર્ટ લાગતો હતો.
શત્રુઘ્ન સિન્હાએ દીકરી સોનાક્ષી સિંહાએ પોતાની પસંદના છોકરા સાથે લગ્ન કરવા વિશે ખુલીને વાત કરી હતી. શત્રુઘ્ન સિન્હાએ એક ઈન્ટરવ્યુમાં કહ્યું, '44 વર્ષ પહેલા મેં પૂનમ સિંહા સાથે લગ્ન કર્યા, જે મારી પસંદની ખૂબ જ સફળ, ખૂબ જ સુંદર, ખૂબ જ પ્રતિભાશાળી છોકરી હતી. હવે સોનાક્ષીનો વારો છે કે તે પોતાની પસંદના છોકરા સાથે લગ્ન કરે.
રિતેશ-જેનેલિયા સામેલ થશે
સોનાક્ષી સિન્હા અને ઝહીર ઈકબાલના લગ્નની પાર્ટીમાં ઘણા સ્ટાર્સ હાજરી આપશે. તબ્બુએ પહેલા જ કન્ફર્મ કરી દીધું હતું કે તે અને અજય દેવગન પાર્ટીમાં હાજરી આપશે. આ સિવાય રિતેશ દેશમુખ અને જેનેલિયા દેશમુખ પણ લગ્નની પાર્ટીમાં હાજરી આપવાના સમાચાર સામે આવી રહ્યા છે.
