સોનાક્ષી સિંહાના ઉછેર પર મુકેશ ખન્નાએ કહી હતી આ મોટી વાત, હવે એક્ટ્રેસે આપ્યો જવાબ

'શક્તિમાન'ના નામથી પ્રખ્યાત મુકેશ ખન્ના વિવિધ વિવાદો અને મુદ્દાઓને કારણે હંમેશા ચર્ચામાં રહે છે. તે દરેક વિષય પર ખુલીને પોતાનો અભિપ્રાય વ્યક્ત કરતો રહ્યો છે. તાજેતરમાં તેણે સોનાક્ષી સિન્હાના ઉછેર પર ટિપ્પણી કરી હતી. તેણે 'કૌન બનેગા કરોડપતિ'નો એક જૂનો એપિસોડ યાદ કર્યો, જેમાં સોનાક્ષી 'રામાયણ' સંબંધિત પ્રશ્નનો જવાબ નહતી આપી શકી. આ પછી મુકેશ ખન્નાએ તેના ઉછેર પર સવાલ ઉઠાવીને તેને ટ્રોલ કરી હતી. હવે બોલિવૂડ સોનાક્ષી સિંહાએ મુકેશને જવાબ આપ્યો છે. એવું લાગે છે કે બંને વચ્ચે સોશિયલ મીડિયા વોર શરૂ થઈ ગઈ છે.

આ પણ વાંચો: 'મહાભારત' બનાવવાથી કેમ ડરે છે આમિર ખાન? ડ્રીમ પ્રોજેક્ટને લઈને કરી મહત્ત્વની વાત

સોનાક્ષી સિંહા મુકેશ ખન્ના પર ગુસ્સે થઈ ગઈ

સોનાક્ષી સિંહાએ તેના ઉછેર અને પિતા શત્રુઘ્ન સિંહાને આ બાબતમાં લાવવા બદલ મુકેશ ખન્નાની ટીકા કરી હતી. તેણે ઇન્સ્ટાગ્રામ સ્ટોરી પર લખ્યું, "મેં તાજેતરમાં તમારું એક નિવેદન વાંચ્યું, જેમાં કહેવામાં આવ્યું હતું કે મારા પિતાની ભૂલ છે કે મેં થોડા વર્ષો પહેલા એક શોમાં રામાયણ વિશેના પ્રશ્નનો સાચો જવાબ નહતો આપ્યો. સૌ પ્રથમ, હું તમને યાદ અપાવી દઉં કે તે દિવસે હોટ સીટ પર બે મહિલાઓ હતી, જે એક જ પ્રશ્નનો જવાબ નહતી જાણતી, પરંતુ તમે મારું નામ જ લીધું અને તેનું કારણ હું જાણું છું." એક્ટ્રેસે આગળ કહ્યું, '"હા, તે દિવસે હું ભૂલી ગઈ હતી, આ એક માનવીય ભૂલ છે. હું ભૂલી ગઈ હતી કે સંજીવની બુટી કોના માટે લાવવામાં આવી હતી, પરંતુ તમે માફીના પાઠ પણ ભૂલી ગયા છો અને ભગવાન રામ દ્વારા શીખવેલી કેટલીક બાબતો ભૂલી ગયા છો."

સોનાક્ષીએ શક્તિમાન એક્ટરને રામાયણનો પાઠ ભણાવ્યો

સોનાક્ષીએ આગળ કહ્યું, "જો ભગવાન રામ મંથરાને માફ કરી શકે છે, જો તે કૈકેયીને માફ કરી શકે છે... જો તે યુદ્ધ પછી રાવણને માફ કરી શકે છે તો તમે આટલી નાની ભૂલને માફ કરી શકો છો.' .. એવું નથી કે મને તમારી માફીની જરૂર છે." ચાલો તમને એ સવાલ જણાવીએ જેના કારણે આ વિવાદ શરૂ થયો. સોનાક્ષીને પૂછવામાં આવ્યું કે હનુમાન કોના માટે સંજીવની બુટ્ટી લાવ્યા હતા? એક્ટ્રેસ આ સરળ પ્રશ્નનો જવાબ આપવા માટે લાઈફલાઈનનો ઉપયોગ કરવો પડ્યો હતો. હવે મુકેશ ખન્નાએ આ વિશે વાત કરતા એક ઇન્ટરવ્યુમાં તેના પિતા શત્રુઘ્ન સિંહા પર તેની પુત્રીને સંસ્કાર ન આપવાનો આરોપ લગાવ્યો હતો.

સોનાક્ષીએ મુકેશ ખન્નાને ચેતવણી આપી

આ પોસ્ટમાં વધુમાં, એક્ટ્રેસે તેને ચેતવણી પણ આપી છે કે આગલી વખતે જ્યારે તે તેના ઉછેર પર પ્રશ્ન કરશે તો તે ચૂપ નહીં રહે. તેણીએ કહ્યું, "હું ઈચ્છું છું કે તમે આને ભૂલી જાઓ અને એક જ ઘટનાનું વારંવાર પુનરાવર્તન કરવાનું બંધ કરો. જેથી હું અને મારો પરિવાર સમાચારમાં ન આવે. આગલી વખતે તમે મારા પિતા વિશે વાત કરતા પહેલા વિચારજો. મહેરબાની કરીને યાદ રાખો કે તેમના દ્વારા આપવામાં આવેલા સંસ્કારને કારણે મેં જે પણ કહ્યું તે સન્માનપૂર્વક કહ્યું છે."