જન્માષ્ટમી પર કાન્હા બની શોભિતા ધૂલીપાલા, લોકોએ કહ્યું- કૃષ્ણ અધર્મ અને અન્યાય નથી કરતા

સાઉથ અભિનેત્રી શોભિતા ધુલીપાલા શોબિઝની જાણીતી અભિનેત્રીઓમાંની એક છે. એક્ટ્રેસનો લુક તેના ફેન્સને ઘણી વાર આશ્ચર્યમાં મૂકે છે. શોભિતા હાલમાં તેના અંગત જીવનને લઈને ઘણી ચર્ચામાં છે. તેણે 8 ઓગસ્ટ, 2024ના રોજ નાગા ચૈતન્ય સાથે સગાઈ કરી હતી. તાજેતરમાં, નેટીઝન્સ તેને નિશાન બનાવી રહ્યા છે અને સતત નાગા ચૈતન્યની પૂર્વ પત્ની સામંથા રૂથ પ્રભુનો પક્ષ લઈ રહ્યા છે. ફરી એકવાર આવું જ કંઈક થયું છે, જ્યારે શોભિતાએ જન્માષ્ટમીના ખાસ અવસર પર એક ફોટો શેર કર્યો અને લોકોએ તેના પર નિશાન સાધ્યું.

શોભિતા ધુલીપાલાએ તાજેતરમાં જ તેના ઇન્સ્ટા હેન્ડલ પર પોતાનો એક ફોટો શેર કર્યો છે, જેમાં તેણે 'કૃષ્ણ'નો આઉટફિટ પહેર્યો છે. ઉલ્લેખનીય છે કે, શોભિતાના ભગવાન 'કૃષ્ણ'નો આ ગેટઅપ ફિલ્મ 'પોનીયિન સેલ્વન 1'માં બતાવવામાં આવ્યો હતો. ફોટામાં, શોભિતા વાદળી બ્લાઉઝમાં સુંદર લાગી રહી હતી અને તેણે નીચેના ભાગ માટે બનારસી આઉટફિટ પસંદ કર્યું હતું. ડ્યુઅલ ટોન ઓઢણી અને મોતીનો હાર, બંગડીઓ, બાજુબંધ, કમરબંધ, કાનની બુટ્ટીઓ અને પાઘડી સાથે મોતી સ્ટેડેડ હેર એક્સેસસરીઝ સહિત સ્ટેટમેન્ટ જ્વેલરી સાથે શોભિતાએ તેનો લુક કમ્પ્લીટ કર્યો હતો.

Instagram પર જુઓ

કૃષ્ણ બનીને લોકોના નિશાને આવી શોભિતા

અભિનેત્રીએ ફિલ્મ 'પોનિયન સેલ્વન 1' માં તેની નાની પરંતુ પ્રભાવશાળી ભૂમિકાથી તેના ફેન્સને રોમાંચિત કર્યા. તેથી, તેણે ફોટો પોસ્ટ કરતાની સાથે જ નેટીઝન્સ નોસ્ટાલ્જિક થઈ ગયા. જોકે, વધારે લોકો શોભિતાની પોસ્ટથી ગુસ્સે થયા અને નાગા ચૈતન્ય સાથેની તેની સગાઈનો વિષય ઉઠાવીને તેની ટીકા કરી.

લોકોએ શોભિતાને આપ્યો ઠપકો

એક યુઝરે લખ્યું- કૃષ્ણ અધર્મ અને અન્યાયનું સમર્થન કરતા નથી. એક યુઝરે લખ્યું- તમે રાધા છો કે, રુક્મિણી??? ત્રીજા યુઝરે કોમેન્ટ કરી - સેમ હંમેશા રાધા માટે યોગ્ય છે. જોકે, શોભિતાના ફેન્સે ટ્રોલ્સની ટીકા કરી અને તેનું સમર્થન કર્યું.

શોભિતા ધુલીપાલા અને નાગા ચૈતન્યની સગાઈ

શોભિતા ધુલીપાલા અને નાગા ચૈતન્યની સગાઈ 8 ઓગસ્ટ, 2024ના રોજ થઈ હતી. આ દિવસે બંનેએ મનીષ મલ્હોત્રાના ડિઝાઇન કરેલા આઉટફિટ પસંદ કર્યા હતા. બ્લશ પિંક કલરની સાડીમાં શોભિતા સૌથી સુંદર દેખાતી હતી, જે કમળ અને આંધ્ર પ્રદેશના પરંપરાગત ફૂલના મિશ્રણથી પ્રેરિત હતી અને ડિઝાઇન તેગુલુ કલાકાર બાપુથી પ્રેરિત હતી.