શૂરા ખાને શેર કર્યો અરબાઝનો ફની ડાન્સ વીડિયો, પતિને જન્મદિવસ પર શુભેચ્છા પાઠવતા વરસાવ્યો પ્રેમ

બોલિવૂડ એક્ટર અરબાઝ ખાન આજે 57 વર્ષનો થઈ ગયો છે. ફિલ્મ ઈન્ડસ્ટ્રીના ઘણા લોકોએ તેને તેના જન્મદિવસ પર શુભેચ્છા પાઠવી હતી પરંતુ તેમની પત્ની શૂરા ખાને તેમને અલગ રીતે શુભેચ્છા પાઠવી હતી. શૂરા ખાને અરબાઝના અલગ-અલગ ડાન્સ વીડિયોને મર્જ કરીને એક વીડિયો શેર કર્યો છે. આ સાથે તેણે તેના પતિ અરબાઝને જન્મદિવસની શુભેચ્છા પાઠવી હતી. અરબાઝ ખાન અને શૂરા ખાને 2023 ડિસેમ્બરમાં લગ્ન કર્યા હતા અને બંને એકસાથે ખૂબ જ ખુશ છે. અરબાઝ ખાનને તેના જન્મદિવસ પર શુભેચ્છા પાઠવતા શૂરા ખાને હંમેશા તેની સાથે રહેવાનું વચન પણ આપ્યું છે. અરબાઝ ખાનનો ફની ડાન્સ વીડિયો સોશિયલ મીડિયામાં ખૂબ વાયરલ થઈ રહ્યો છે.

અરબાઝ ખાનનો ડાન્સ વીડિયો

ડાન્સ વીડિયો શેર કરતી વખતે શૂરા ખાને લખ્યું, 'હેપ્પી બર્થ ડે અરબાઝ...જ્યારે હું તમારી સાથે હોઉં, ત્યારે ક્યારેય નીરસ દિવસ નથી હોતો, તમારા જોક્સ, તમારું ગાંડપણ, તમારા હિલેરિયસ ડાન્સિંગ મૂવ્સ હંમેશા સારા લાગે છે. તમારી સાથે પ્રાર્થના કરવી, લડવું, દરેક ક્ષણ જીવવું, બધું જ ખાસ છે. મને હંમેશા તમારી વફાદારી, તમારો પ્રેમ અને તમારું સમર્પણ ગમે છે. તમારા ડિમ્પલથી તમારા રિંકલ્સ સુધી, હું તમારી સાથે રહીશ. લવ યુ મિસ્ટર ખાન, મારો અનંત પ્રેમ તમારી સાથે છે.

https://www.instagram.com/arbaazkhanofficial/

આ વીડિયોમાં તમે જોઈ શકો છો કે, અરબાઝ ખાનના અલગ-અલગ ડાન્સ વીડિયો છે, જેને મર્જ કરીને શૂરાએ એક વીડિયો બનાવ્યો છે અને સોશિયલ મીડિયામાં શેર કર્યો છે. આ વીડિયોમાં અરબાઝ ખૂબ જ ફની અંદાજમાં ડાન્સ કરતો જોવા મળે છે. આ પહેલા પણ અરબાઝ ખાનના ડાન્સ પર મીમ્સ બનાવવામાં આવ્યા છે અને આ વીડિયોમાં ડાન્સ મૂવ્સ જોઈને તમે ચોક્કસ હસશો.

અરબાઝ ખાનનું ફિલ્મી કરિયર

અરબાઝ ખાને 1996માં આવેલી ફિલ્મ ‘દરાર’થી બોલિવૂડમાં પોતાના એક્ટિંગ કરિયરની શરૂઆત કરી હતી. આ પછી અરબાઝે 'જય વીરુ', 'ફેશન', 'હેલો બ્રધર', 'શૂટઆઉટ એટ વડાલા', 'માલામાલ વીકલી', 'હલચલ', 'ભાગમ ભાગ', 'જબ પ્યાર કિયા તો ડરના ક્યા', 'ગર્વ' કરી. તેણે ઘણી ફિલ્મો કરી પરંતુ તેનું એક્ટિંગ કરિયર ફ્લોપ રહ્યું. હવે અરબાઝ ખાન વેબ સીરિઝમાં કામ પણ કરે છે અને ડિરેક્ટર તરીકે ઈન્ડસ્ટ્રીમાં પણ એક્ટિવ છે.