શાહરુખના દીકરા આર્યન ખાનની પહેલી સીરિઝ 'સ્ટારડમ'નુ શૂટિંગ થયું પૂરું, જાણો ક્યારે થશે રિલીઝ
બોલિવૂડ સુપરસ્ટાર શાહરૂખ ખાનનો દીકરો આર્યન ખાન તેની ડેબ્યૂ સીરિઝ 'સ્ટારડ
બોલિવૂડ સુપરસ્ટાર શાહરૂખ ખાનનો દીકરો આર્યન ખાન તેની ડેબ્યૂ સીરિઝ 'સ્ટારડમ'ને લઈને લાંબા સમયથી ચર્ચામાં છે. તાજેતરમાં જ તેણે તેની સીરિઝનું શૂટિંગ પૂરું કર્યું છે, જેના સેલિબ્રેશન માટે તેણે એક પાર્ટી પણ હોસ્ટ કરી હતી. પાર્ટીના ઘણા ફોટા અને વીડિયો પણ સોશિયલ મીડિયા પર વાયરલ થયા હતા, જેમાં આર્યન કેક કાપતો જોવા મળ્યો હતો. હવે તેના ફેન્સ તેની સીરિઝની આતુરતાથી રાહ જોઈ રહ્યા છે.
તાજેતરમાં આર્યન ખાન સાથે કામ કરી રહેલા સિનેમેટોગ્રાફર જય ઓઝાએ ખુલીને વાત કરી અને જણાવ્યું કે આ સીરિઝ કેવી રહેશે. આર્યન ખાન આ સીરિઝ સાથે ડાયરેક્શનની દુનિયામાં એન્ટ્રી કરવા જઈ રહ્યો છે. એવું પણ કહેવામાં આવી રહ્યું છે કે, આ સીરિઝમાં બોલિવૂડ સ્ટાર્સ પોતપોતાની ભૂમિકા ભજવતા જોવા મળશે. આ સીરિઝ સંઘર્ષ કરતા લોકોના એક જૂથના જીવન પર આધારિત હશે જેઓ ટિન્સેલ ટાઉનમાં પોતાનું નામ બનાવવાનો પ્રયાસ કરી રહ્યા છે. એક રિપોર્ટ અનુસાર આ સીરિઝ પણ કોમેડીથી ભરપૂર હશે.
આર્યન ખાનની પહેલી સીરિઝ કેવી હશે?
આર્યન ખાન સાથે કામ કરી રહેલા સિનેમેટોગ્રાફર જય ઓઝાએ કહ્યું, “રમન રાઘવ 2.0 જેવી ફિલ્મ, અમે બધા જાણતા હતા કે અમે શું બનાવી રહ્યા છીએ. સ્ટોરીનો નેચર એ જ છે, પરંતુ હું આર્યન સાથે જે સીરિઝ કરી રહ્યો છું તેમાં હું 'રમણ રાઘવ' જેવો વ્યુ અપનાવી શકતો નથી, કારણ કે તેમાં કોમેડી અને મનોરંજનનું એક નિશ્ચિત સ્તર છે. આર્યન અંગત રીતે વસ્તુઓને બ્રાઇટ રીતે જોવા અને પ્રસ્તુત કરવા માગે છે. મારે તેના અનુકૂળ ઢળવું પડશે અને તે જે ઇચ્છે છે તે આપવું પડશે.
આર્યન ખાને પૂરું કર્યું સીરિઝનું શૂટિંગ
'સ્ટારડમ' આર્યન ખાનની પહેલી સીરિઝ છે. તે શરૂઆતથી જ દિગ્દર્શક તરીકે પોતાની કારકિર્દી શરૂ કરવા માગતો હતો. મિડ-ડે અનુસાર, આર્યન આખો એપ્રિલ મહિનો 'સ્ટારડમ'ના શૂટિંગમાં વ્યસ્ત હતો, જેનું શૂટિંગ મુંબઈના અંધેરી ઈસ્ટથી મડ આઈલેન્ડ સુધીના સ્ટુડિયોમાં કરવામાં આવ્યું છે. આ મહિનાની શરૂઆતમાં, તેણે ગોરેગાંવમાં રોયલ પામ્સમાં સીરિઝના પાંચમા શેડ્યૂલનું શૂટિંગ પૂરું કર્યું. જોકે, તેણે હજી સુધી તેની રિલીઝ અંગે કોઈ ઓફિશિયલ સ્ટેટમેન્ટ નથી આપ્યું.
