શાહરૂખ ખાન દીકરી સુહાના સાથે કરશે સ્ક્રીન શેર, આ એક્શન ફિલ્મમાં સાથે જોવા મળશે

શાહરૂખ ખાનના ફેન્સ માટે એક સારા સમાચાર આવી રહ્યા છે. બોલિવૂડનો કિંગ ખાન ટૂંક સમયમાં જ તેની પુત્રી સુહાના ખાન સાથે સિલ્વર સ્ક્રીન પર જોવા મળશે. નિર્દેશક સુજોય ઘોષ આ ફિલ્મનું નિર્દેશન કરશે. સુજોય ઘોષ સિદ્ધાર્થ આનંદની પ્રોડક્શન કંપની માર્ફ્લિક્સ પિક્ચર્સ સાથે મળીને દર્શકો માટે ‘કિંગ’ ફિલ્મ લાવી રહ્યાં છે.

સ્ક્રિપ્ટમાં કરવામાં આવેલ ફેરફારો

પિંગ મૂનના સમાચાર મુજબ, પહેલા શાહરૂખ ખાન આ ફિલ્મમાં કેમિયો કરવા જઈ રહ્યો હતો, પરંતુ હવે સમાચાર છે કે શાહરૂખ આ ફિલ્મમાં પુત્રી સુહાના સાથે મુખ્ય ભૂમિકામાં જોવા મળશે. સૂત્રોના જણાવ્યા અનુસાર, શાહરૂખ ખાનની આ ફિલ્મને છેલ્લા ઘણા મહિનામાં ઘણી વખત લખવામાં આવી છે, ઘણી વખત પોલિશ કરવામાં આવી છે અને હવે આ ફિલ્મની સ્ક્રિપ્ટમાં એવી રીતે ફેરફાર કરવામાં આવ્યો છે કે શાહરૂખ તેની પુત્રી સાથે મુખ્ય ભૂમિકામાં જોવા મળશે.

ફિલ્મનું પ્રી-પ્રોડક્શન મે મહિનામાં શરૂ થશે

આ માહિતી ફિલ્મ સાથે જોડાયેલા સૂત્રો દ્વારા માહિતી સામે આવી છે કે, શાહરૂખ ખાન આ ફિલ્મમાં સુહાનાના પિતાની ભૂમિકા ભજવશે નહીં. આ ફિલ્મમાં શાહરૂખ સુહાનાના મેન્ટર તરીકે જોવા મળશે. આ ફિલ્મનું પ્રી-પ્રોડક્શન મે મહિનામાં શરૂ થશે. તે જ સમયે, ઓગસ્ટ અથવા સપ્ટેમ્બરમાં શૂટિંગ શરૂ થઈ શકે છે. જો ફિલ્મની રિલીઝની વાત કરીએ તો હજુ સુધી કોઈ તારીખ જાહેર કરવામાં આવી નથી, પરંતુ આ ફિલ્મ 2025 માં રિલીઝ થઈ શકે છે.

સુહાના ખાને હાલમાં જ ‘ધ આર્ચીઝ’થી બોલિવૂડમાં ડેબ્યુ કર્યું છે. આ ફિલ્મ નેટફ્લિક્સ પર રિલીઝ કરવામાં આવી હતી. જોકે, હવે સુહાના ખાન ફિલ્મ ‘કિંગ’થી થિયેટરમાં ડેબ્યૂ કરવા જઈ રહી છે. આ ફિલ્મ એક્શન-ડ્રામા ફિલ્મ હશે.