VIDEO / ગણેશ વિસર્જન પર સલમાન ખાને 'રજ્જો' સાથે કર્યો ડાન્સ, ઝહીર ઈકબાલ પણ જોવા મળ્યો
છેલ્લું અપડેટ : 29 Aug 2025
ગઈકાલે સાંજે બોલિવૂડ સ્ટાર્સના ઘરે ગણેશ વિસર્જનનો જ માહોલ હતો. કેટલાકે ભીની આંખોથી બાપ્પાને વિસર્જન કર્યું, તો કેટલાકે ડાન્સ કરીને આ તહેવારની ઉજવણી કરી. સલમાન ખાન પણ તેમાંથી એક છે. દર વર્ષે સલમાન ખાનની બહેન અર્પિતા ખાન શર્મા બાપ્પાને પોતાના ઘરે લાવે છે અને દોઢ દિવસમાં તેમનું વિસર્જન કરે છે. ગઈકાલે સાંજે ગણેશ વિસર્જન હતું અને સલમાને આ પ્રસંગને વધુ ખાસ બનાવવાનું કામ કર્યું હતું.
સલમાન ખાને કર્યો ડાન્સ
સલમાન ખાન ગણેશ વિસર્જનમાં ખૂબ નાચ્યો. તેનો એક વીડિયો પણ સામે આવ્યો છે, જેમાં તે તેના પરિવાર સાથે ઢોલના તાલ પર નાચતો જોવા મળે છે. આ દરમિયાન, તેની બહેન અર્પિતા, તેના બાળકો ઉપરાંત, દબંગની રજ્જો સોનાક્ષી સિંહા અને તેનો પતિ ઝહીર ઈકબાલ પણ હાજર હતા. આ દરમિયાન સ્ટાર કપલ પણ ખૂબ નાચતું જોવા મળ્યું હતું.
ગણેશ વિસર્જન દરમિયાન સલમાન કેઝ્યુઅલ લુકમાં દેખાયો. તેણે મિડ-શોટ જીન્સ અને ગ્રે ટી-શર્ટ પહેર્યું હતું. વીડિયોમાં તે તેના ભાણેજના કાન પણ બંધ કરતો જોવા મળ્યો હતો. અગાઉ સલમાન ખાને ગણેશ ચતુર્થીનો એક વીડિયો શેર કર્યો હતો. ક્લિપમાં તે તેના માતા-પિતા સાથે આરતી કરતો જોવા મળ્યો હતો. આ ઉજવણીમાં આખો ખાન પરિવાર હાજર રહ્યો હતો.
સલમાન ખાનનું વર્ક ફ્રન્ટ
59 વર્ષીય સલમાન ખાન છેલ્લે ફિલ્મ 'સિકંદર' માં જોવા મળ્યો હતો, જેની આકરી ટીકા થઈ હતી. ફિલ્મની વાર્તા જ નહીં, સલમાનની એક્ટિંગ પણ દર્શકોને પસંદ નહતા આવ્યા. હવે સલમાન ફરીથી પડદા પર વાપસી કરવા માટે સખત મહેનત કરી રહ્યો છે. તે અપૂર્વ લાખિયાની આગામી ફિલ્મ 'બેટલ ઓફ ગલવાન' માં જોવા મળશે. તે ફિલ્મમાં કર્નલ સંતોષ બાબુની ભૂમિકા ભજવશે. આ પહેલીવાર હશે જ્યારે સલમાન વાસ્તવિક જીવનના હીરોની ભૂમિકામાં જોવા મળશે.