Video: 25 વર્ષ બાદ સલમાન ખાન અને સંજય દત્ત ફરી જોવા મળશે સાથે, સાઉદી ફિલ્મ '7 Dogs'નું ટ્રેલર રિલીઝ

સાઉદી એક્શન ફિલ્મ '7 Dogs' નું ટ્રેલર તાજેતરમાં રિલીઝ કરવામાં આવ્યું છે, જેમાં બોલિવૂડ સુપરસ્ટાર સલમાન ખાન અને સંજય દત્ત  કેમિયો રોલમાં જોવા મળી રહ્યા છે. આ જોઈને સોશિયલ મીડિયા પર ચાહકોની ખુશીનો પાર નથી રહ્યો.

મંગળવારે રિલીઝ થયેલા આ ટ્રેલરે અત્યારથી જ સોશિયલ મીડિયા પર ધૂમ મચાવી દીધી છે. 'બેડ બોયઝ ફોર લાઈફ' ફેમ ડાયરેક્ટર આદિલ અલ અર્બી અને બિલાલ ફલ્લાહ દ્વારા નિર્દેશિત આ ફિલ્મ હાઈ-ઓક્ટેન એક્શનથી ભરપૂર હોવાનું જણાય છે.

ટ્રેલરની ખાસ ઝલક

જોકે મેકર્સે સલમાન અને સંજયના રોલ વિશે વધુ વિગતો જાહેર કરી નથી, પરંતુ ટ્રેલર જોઈને લાગે છે કે આ માત્ર નાનકડી ઝલક નહીં પણ મહત્ત્વના રોલ હશે.

ફિલ્મ વિશે વધુ માહિતી

મુખ્ય કલાકારો: ઇજિપ્તના કલાકારો કરીમ અબ્દેલ-અઝીઝ અને અહેમદ એઝ મુખ્ય ભૂમિકામાં છે. ઈટાલિયન સ્ટાર મોનિકા બેલુચિ પણ આ ફિલ્મનો ભાગ છે.
વાર્તા: આ ફિલ્મ મધ્ય પૂર્વમાં ફેલાઈ રહેલા એક ખતરનાક ડ્રગને રોકવાના મિશન પર આધારિત છે. તેની વાર્તા તુર્કી અલ-શેખ દ્વારા લખવામાં આવી છે.
શૂટિંગ: સલમાન અને સંજયે ગયા વર્ષે ફેબ્રુઆરીમાં આ ફિલ્મનું શૂટિંગ પૂર્ણ કર્યું હતું.

આંતરરાષ્ટ્રીય દિગ્દર્શકો અને મલ્ટી-સ્ટારર કાસ્ટ સાથેની આ ફિલ્મ આ વર્ષના અંતમાં રિલીઝ થવાની શક્યતા છે.