હૃતિક રોશનને ડેટ કરવામાં સબા આઝાદને થયું મોટું નુકસાન, 2 વર્ષથી નથી મળ્યું કામ 

બોલિવૂડ સુપરસ્ટાર હૃતિક રોશન છેલ્લ કેલાક વર્ષોથી અભિનેત્રી-ગાયિકા સબા આઝાદના પ્રેમમાં છે. આ ક્યૂટ કપલ એકબીજા પ્રત્યેના પ્રેમની અભિવ્યક્તિ કરતા ક્યારેય ડરતું નથી. બંને ઇન્ડસ્ટ્રીમાં સૌથી વધુ ચર્ચિત કપલ્સમાંથી એક છે. બંને છેલ્લા કેટલાક વર્ષોથી એકબીજાને ડેટ કરી રહ્યા છે અને સોશિયલ મીડિયા પર પણ એકબીજા પર પ્રેમ વરસાવે છે. પરંતુ, આની સબા આઝાદની કારકિર્દી પર ખૂબ જ અવળી અસર પડી. આ વાતનો ખુલાસો ખુદ અભિનેત્રીએ કર્યો છે. સબા આઝાદે સોશિયલ મીડિયા પર જણાવ્યું છે કે કેવી રીતે એક સફળ અભિનેતાને ડેટ કરવાને કારણે તેને કામ મળતું બંધ થઈ ગયું. કારણ કે, લોકોને લાગવા માંડ્યું છે કે હવે તેઓ જે કામ કરતા હતા તે કરવાની જરૂર નથી.

સબાને 2 વર્ષથી VOનું કામ મળ્યું નથી

જો કે સબા આઝાદે ઘણી ફિલ્મો અને OTT શોમાં કામ કર્યું છે, અભિનેત્રી અને ગાયિકા હોવા ઉપરાંત, તે વોઈસ ઓવર આર્ટિસ્ટ પણ છે. પરંતુ, રિતિક રોશન સાથે રિલેશનશિપમાં આવ્યા બાદ તેણે વોઈસ ઓવર વર્ક મળવાનું બંધ થઈ  ગયું છે. સબાએ તેની ઈન્સ્ટાગ્રામ સ્ટોરી પર રેકોર્ડિંગ સ્ટુડિયોમાંથી તેનો વીડિયો શેર કર્યો છે, જેની સાથે તેણે લાંબું કેપ્શન લખ્યું છે. 

Saba એ પોસ્ટ શેર કરી

સબાએ લખ્યું- 'મેં ક્યારેય કોઈને કહ્યું નથી કે હું મારી નોકરી છોડી રહી છું, મેં ક્યારેય નથી કહ્યું કે મને તેમાં રસ નથી, મેં ક્યારેય મારી સેશન ફીમાં ફેરફાર કર્યો નથી, મારી બાજુથી કંઈ અલગ નથી? હું સંપૂર્ણપણે અજાણ હતી. તો, મને એક મહિના પહેલા સુધી કંઈપણ ખબર ન હતી. જ્યારે હું મુંબઈ પાછી ફરી, ત્યારે હું એક એવા દિગ્દર્શકને મળી જેની સાથે હું નિયમિત રીતે કામ કરતી હતી.  હું તેમને આ પ્રશ્ન પૂછવાથી મારી જાતને રોકી શકી નહીં.  અને સીધો જ તેને પૂછ્યું - "તમે લોકો હવે મને VO માટે કૉલ નથી કરતા? શું થયું?" અને પછી જે જવાબ આવ્યો તેનાથી મારુ મગજ ચકરાવે ચઢી ગયું. તેમણે કહ્યું - 'ઓહ, અમે વિચાર્યું હતું કે તમે હવે વૉઇસ ઓવર જેવું કંઈ કરવા માંગતા નથી.'

સબાએ આગળ શું લખ્યું?

સબા આઝાદે લોકોની આ માનસિકતા પર વધુ સવાલ ઉઠાવ્યા અને લખ્યું - 'શું આપણે હજી પણ તે અંધકારમાં જીવી રહ્યા છીએ, જ્યાં અમે માનીએ છીએ કે એક સફળ જીવનસાથી સાથે સંબંધમાં રહેતી છોકરી પોતાના ખોરાક અને જરૂરિયાતોના ખર્ચ ની ચિંતા કરવાની જરૂર નથી. અથવા તેણે તેના અન્ય બીલ કે ભાડાની પણ ચિંતા કરવાની જરૂરિયાત કેમ નથી. શું તેને તેના પરિવારની કાળજી લેવાની અથવા પોતાના કામ પર ગર્વ લેવાની જરૂર નથી. આ કેવી પછાત માનસિકતા છે? 

સબા આઝાદ 'રોકેટ બોયઝ'માં પણ જોવા મળી હતી

સબા એક એક્ટ્રેસ-સિંગર હોવાની સાથે સાથે વોઈસ ઓવર આર્ટિસ્ટ પણ છે. જોકે, સબા કહે છે કે જ્યારથી ઈન્ડસ્ટ્રીના લોકોને ખબર પડી કે તે હૃતિક રોશનને ડેટ કરી રહી છે, ત્યારે તેણે વોઈસ ઓવર કામ મળવાનું બંધ થઇ ગયું હતું. કારણ કે લોકોને લાગવા માંડ્યું કે તેને હવે આ કામ કરવાની જરૂર નથી. સબાએ દિલ કબડ્ડી, મુઝસે ફ્રેન્ડશીપ કરોગે, હોમ સ્ટોરીઝ જેવી ફિલ્મોમાં પણ કામ કર્યું છે. 2022માં તે વેબ સિરીઝ 'રોકેટ બોયઝ'માં તેના રોલ માટે પણ ચર્ચામાં હતી.