રોહિત શેટ્ટીએ 'ગોલમાલ 5' પર ફેન્સને આપ્યું મોટું અપડેટ, કહ્યું- એવું તો શક્ય જ નથી કે ન બને

રોહિત શેટ્ટી બોલિવૂડના એક્શન ડિરેક્ટર્સમાંથી એક છે. તેની ફિલ્મોમાં જેટલું એક્શન હોય છે એટલી જ મસ્તી પણ હોય છે. હાલમાં, તે 'સિંઘમ અગેન'ની રિલીઝ માટે સતત ચર્ચામાં છે. પરંતુ હવે તેણે તેની બીજી ફ્રેન્ચાઈઝી ફિલ્મ વિશે મોટું અપડેટ આપ્યું છે. દરેકની ફેવરિટ ફિલ્મ 'ગોલમાલ'ની પાંચમી સિક્વલ અંગે તેણે એક ઈન્ટરવ્યુમાં જણાવ્યું છે કે, ગોલમાલ 5 આવશે કે નહીં.

રોહિત શેટ્ટીને વારંવાર પૂછવામાં આવે છે કે 'ગોલમાલ 5' આવશે કે નહીં? અને તેના પાંચમા ભાગ વિશે અફવા ત્યારે શરૂ થઈ જ્યારે 2018માં સિમ્બાના ગીત 'આંખ મારે'એ 'ગોલમાલ' સીરિઝની પાંચમી ફિલ્મ તરફ ઈશારો કર્યો. હવે ડિરેક્ટરે ફેન્સને કહ્યું છે કે 'ગોલમાલ 5' પાઈપલાઈનમાં છે. એક ઈન્ટરવ્યુમાં રોહિત શેટ્ટીને પૂછવામાં આવ્યું કે શું તે 'ગોલમાલ 5'ને લગતી કોઈ અપડેટ આપી શકે છે? તો તેણે કહ્યું કે હાલ આવનારી ફિલ્મ પર કામ ચાલી રહ્યું છે. અને તે સમય લેશે.

'ગોલમાલ 5' પર રોહિત શેટ્ટીએ શું કહ્યું?

રોહિત શેટ્ટીએ કહ્યું, 'હવે સમય આવી ગયો છે. ગોલમાલ સીરિઝ બનતી રહેશે. ફિલ્મ ન બને તે શક્ય નથી. પરંતુ તે સમય લેશે. રોહિત શેટ્ટીએ તેની કારકિર્દીમાં જે બ્રહ્માંડ બનાવ્યું છે તેના વિશે તેણે કહ્યું કે, તે તેના હૃદયની ખૂબ નજીક છે. 'મને તેનો ખૂબ ગર્વ છે. પછી તે ગોલમાલ સીરિઝ હોય કે કોપ યુનિવર્સ.

રોહિત શેટ્ટીની આગામી ફિલ્મ

રોહિત શેટ્ટીની 'ગોલમાલ' વર્ષ 2006માં રિલીઝ થઈ હતી અને ત્યારબાદ તેના વધુ ત્રણ ભાગ રિલીઝ થયા હતા. હવે ફેન્સ પાંચમા ભાગની રાહ જોઈ રહ્યા છે. હાલ તેની આગામી ફિલ્મ 'સિંઘમ અગેન' દિવાળી પર રિલીઝ થશે. તે 27 જુલાઈથી ટીવી પર પણ જોવા મળશે કારણ કે 'ખતરો કે ખિલાડી 14' શરૂ થવા જઈ રહી છે, જેનું શૂટિંગ રોમાનિયામાં કરવામાં આવ્યું છે.