Rajesh Khanna Birth Anniversary / 'કાકા'ના તે 6 મોટા રેકોર્ડ, જેણે તેમને બનાવ્યા બોલિવૂડના પહેલા સુપરસ્ટાર

હિન્દી સિનેમાના પ્રથમ સુપરસ્ટાર રાજેશ ખન્નાને તેમના ફેન્સ આજે પણ 'કાકા' તરીકે ઓળખે છે. ભલે તે આજે આપણી વચ્ચે નથી, પરંતુ તે આજે પણ ઈન્ડસ્ટ્રીના સૌથી મોટા સ્ટાર્સની યાદીમાં ટોપ પર ગણાય છે. તેમની એક્ટિંગ, સ્ટારડમ અને તેમના ફેન્સ તેમના માટેની દિવાનગીએ ભારતીય ફિલ્મ ઉદ્યોગને એક નવું સ્થાન આપ્યું. તેમની ફિલ્મો અને શાનદાર એક્ટિંગને લોકો આજે પણ યાદ કરે છે, પરંતુ શું તમે જાણો છો કે રાજેશ ખન્નાના નામે 6 મોટા રેકોર્ડ છે, જેમાંથી કેટલાક આજ સુધી કોઈ તોડી શક્યું નથી.

આ પણ વાંચો: સાઈ પરાંજપ્યેને મળશે પદ્મપાણી લાઈફ ટાઈમ અચીવમેન્ટ એવોર્ડ, ભારતીય સિનેમામાં આપ્યું છે અમૂલ્ય યોગદાન

બોલિવૂડના પહેલા 'સુપરસ્ટાર' રાજેશ ખન્ના

રાજેશ ખન્નાએ પોતાના કરિયરની શરૂઆત 1966માં ફિલ્મ 'આખરી ખત'થી કરી હતી. તેમની 46 વર્ષની કરિયરમાં તેમણે 180થી વધુ ફિલ્મોમાં કામ કર્યું. 1969 અને 1976 વચ્ચે તેમનું સ્ટારડમ ચરમસીમા પર હતું. તેમની લોકપ્રિયતાનો અંદાજ એ વાત પરથી લગાવી શકાય છે કે લોકોએ તેમની કારમાંથી ઉડેલી ધૂળને પણ કિસ કરતા હતા. ઘણી મહિલા ફેન્સ તેમને પોતાના લોહીથી પત્ર લખતી હતી. ચાલો તમને જણાવીએ તેમના એવા 6 રેકોર્ડ, જેને કોઈ તોડી નથી શક્યું.

સૌથી વધુ ફી લેનાર એક્ટર

એવું કહેવાય છે કે રાજેશ ખન્ના 1969થી 1987 સુધી બોલિવૂડના સૌથી વધુ ફી લેનાર એક્ટર હતા. 1980થી 1987 સુધી તેમણે આ રેકોર્ડ અમિતાભ બચ્ચન સાથે જાળવી રાખ્યો હતો. તે સમયે બિગ બી સિવાય તેમનો રેકોર્ડ કોઈ તોડી નહતું શક્યું. 'આરાધના'ની સફળતા પછી, તેમણે તેમની ફી વધારીને 4.5 લાખ રૂપિયા કરી દીધી, જે તે સમયે ઘણી મોટી રકમ માનવામાં આવતી હતી.

પહેલી જ ફિલ્મ ઓસ્કાર માટે નોમિનેટ થઈ 

અમે તમને ઉપર જણાવ્યું છે કે રાજેશ ખન્નાએ 1966માં આવેલી ફિલ્મ 'આખરી ખત'થી પોતાના કરિયરની શરૂઆત કરી હતી અને ખાસ વાત એ છે કે તેમની પહેલી જ ફિલ્મ ઓસ્કાર માટે મોકલવામાં આવી હતી. આ ફિલ્મ શ્રેષ્ઠ વિદેશી ભાષાની ફિલ્મ કેટેગરીમાં ઓસ્કાર માટે મોકલવામાં આવી હતી. આ ફિલ્મને દર્શકો અને વિવેચકોએ ખૂબ વખાણી હતી. આ તેમની પ્રથમ હિટ ફિલ્મ હતી.

મુમતાઝ સાથે રેકોર્ડ

આજે પણ રાજેશ ખન્ના અને મુમતાઝની જોડીને બોલિવૂડની સૌથી સફળ રોમેન્ટિક જોડી માનવામાં આવે છે. બંનેએ 8થી વધુ ફિલ્મોમાં સાથે કામ કર્યું છે જે પોતાનામાં એક મોટો રેકોર્ડ છે. ખાસ વાત એ છે કે બંનેએ જે ફિલ્મોમાં સાથે કામ કર્યું છે તે તમામ ફિલ્મો હિટ અથવા સુપરહિટ રહી છે. 

ગોલ્ડન અને સિલ્વર જ્યુબિલી હિટ્સ

આ સિવાય હિન્દી સિનેમાના પ્રથમ સુપરસ્ટાર રાજેશ ખન્નાએ તેમની કરિયરમાં 74 ગોલ્ડન જ્યુબિલી હિટ અને 22 સિલ્વર જ્યુબિલી હિટ ફિલ્મો આપી હતી. આના પરથી તેમના સ્ટારડમનો અંદાજ લગાવી શકાય છે. તેમની ગોલ્ડન જ્યુબિલી ફિલ્મોમાં 'આરાધના', 'આનંદ', 'અમર પ્રેમ', 'કટી પતંગ', 'સફર' અને સિલ્વર જ્યુબિલી હિટ ફિલ્મોમાં 'ડોલી', 'ઈત્તેફાક' અને 'છોટી બહુ'નો સમાવેશ થાય છે.

સળંગ હિટ ફિલ્મોનો રેકોર્ડ

રાજેશ ખન્નાએ પોતાના કરિયરમાં 180થી વધુ ફિલ્મોમાં કામ કર્યું. આ સિવાય તેમણે ટીવી શોમાં પણ કામ કર્યું હતું. તેમણે તેમની કારકિર્દીમાં સતત 17 હિટ ફિલ્મો આપી, જેમાંથી 15 સોલો અને 2 મલ્ટિસ્ટારર હતી. ઈન્ડસ્ટ્રીમાં આમ તો ઘણા સ્ટાર્સ આવ્યા અને ગયા, પરંતુ ખાસ વાત એ છે કે આ રેકોર્ડ આજ સુધી કોઈ તોડી નથી શક્યું. આજે પણ તેની ફિલ્મો ખૂબ જ પસંદ કરવામાં આવે છે.

સોલો હીરો તરીકે સફળતા

રાજેશ ખન્નાના નામે ઘણા ખાસ રેકોર્ડ છે. આમાંનો એક રેકોર્ડ તેની સોલો હીરો ફિલ્મોનો પણ છે. તેમની કરિયરમાં તેમણે સોલો હીરો તરીકે કુલ 106 ફિલ્મોમાં કામ કર્યું હતું. આ એક મોટી અને વિશેષ સિદ્ધિ ગણાય છે. રાજેશ ખન્ના ભલે આજે આપણી વચ્ચે નથી, પરંતુ તેમનું યોગદાન હંમેશા યાદ રહેશે. તેમના રેકોર્ડ અને સ્ટારડમે હિન્દી સિનેમાને એક નવો આયામ આપ્યો છે.