'પુષ્પા 2'એ રિલીઝ પહેલાં જ કાઢી લીધું અડધું બજેટ! કરોડોમાં વેચાયા ફિલ્મના OTT રાઇટ્સ
'પુષ્પા- ધ રાઇઝ'ની જબરદસ્ત સફળતા બાદ દર્શકો આ ફિલ્મની સ
'પુષ્પા- ધ રાઇઝ'ની જબરદસ્ત સફળતા બાદ દર્શકો આ ફિલ્મની સિક્વલની રાહ જોઈ રહ્યા છે. અલ્લુ અર્જુનની મોસ્ટ અવેટેડ ફિલ્મ 'પુષ્પા 2' આ વર્ષે સ્ક્રીન પર આવવા જઈ રહી છે. 'પુષ્પા 2' આ વર્ષે 6 ડિસેમ્બરે થિયેટરમાં રિલીઝ થશે. પરંતુ ફિલ્મના ઓટીટી રાઇટ્સ તેની રિલીઝના ઘણા મહિના પહેલા વેચી દેવામાં આવ્યા છે અને 'પુષ્પા 2' એ આ ડીલ સાથે તેનું અડધું બજેટ પણ કાઢી લીધું છે.
'પુષ્પા 2' ના OTT રાઇટ્સ ડિજિટલ પ્લેટફોર્મ Netflix દ્વારા ખરીદવામાં આવ્યા છે. ફિલ્મના મેકર્સ અને નેટફ્લિક્સ વચ્ચે કરોડોની ડીલ સાઈન કરવામાં આવી છે. એક અહેવાલ અનુસાર, અલ્લુ અર્જુન અભિનીત આ મોસ્ટ અવેટેડ સિક્વલ ફિલ્મ માટે નેટફ્લિક્સે નિર્માતાઓને રૂ. 270 કરોડ ચૂકવ્યા છે. આ રીતે, 'પુષ્પા 2' ડિજિટલ અધિકારોના સંદર્ભમાં સૌથી મોંઘી ભારતીય ફિલ્મોની યાદીમાં સામેલ થઈ ગઈ છે.
ફિલ્મનું અડધું બજેટ કાઢ્યું
'પુષ્પા 2' એ OTT રાઇટ્સ રૂ. 270 કરોડમાં વેચીને તેનું અડધાથી વધુ બજેટ કાઢી લીધું છે. વાસ્તવમાં, ઘણા મીડિયા રિપોર્ટ્સ અનુસાર, ફિલ્મનું બજેટ લગભગ 500 કરોડ રૂપિયા છે.
OTT પર વેચાયેલી ચોથી સૌથી મોંઘી ફિલ્મ બની
અલ્લુ અર્જુનની 'પુષ્પા 2' OTT પર વેચાયેલી ચોથી સૌથી મોંઘી ભારતીય ફિલ્મ બની ગઈ છે. આ પહેલા 'KGF ચેપ્ટર-2' ત્રીજા નંબર પર છે, જેના રાઇટ્સ પ્રાઇમ વીડિયોએ 320 કરોડ રૂપિયામાં ખરીદ્યા હતા. ફિલ્મ 'કલ્કિ 2898 એડી' બીજા નંબર પર છે. પ્રભાસની ફિલ્મને બે OTT પ્લેટફોર્મ Netflix (175 કરોડ) અને પ્રાઇમ વિડિયો (200 કરોડ) દ્વારા સંયુક્ત રીતે રૂ. 375 કરોડમાં ખરીદી હતી. નંબર વન પર 'RRR' છે જેના રાઇટ્સ નેટફ્લિક્સ, ઝી5 અને હોટસ્ટારે રૂ. 385 કરોડમાં ખરીદ્યા હતા.
'પુષ્પા 2'ના બે ગીતો થયા રિલીઝ
સુકુમારના નિર્દેશનમાં બનેલી 'પુષ્પા 2' અગાઉ 15 ઓગસ્ટે થિયેટરમાં રિલીઝ થવાની હતી. જોકે, બાદમાં ફિલ્મની રિલીઝ ડેટ મોકૂફ રાખવામાં આવી હતી. ફિલ્મનું ટાઈટલ સોંગ અને 'અંગારો' રિલીઝ થઈ ગયું છે, જેને દર્શકોએ ખૂબ પસંદ કર્યું છે. હવે દર્શકો આ ફિલ્મની રિલીઝની રાહ જોઈ રહ્યા છે.
