'પુષ્પા 2'એ 32મા દિવસે રચ્યો ઈતિહાસ, 1200 કરોડને પાર કરનાર પ્રથમ ફિલ્મ બની

અલ્લુ અર્જુનની 'પુષ્પા 2' થિયેટરમાં ધૂમ મચાવી રહી છે. આ ફિલ્મને રિલીઝ થયાને એક મહિનાથી વધુ સમય થઈ ગયો છે પરંતુ તે હજુ પણ કરોડોની કમાણી કરી રહી છે. આ ફિલ્મે તેની રિલીઝના પાંચમા વીકએન્ડમાં પણ ઈતિહાસ રચ્યો છે અને એક બેન્ચમાર્ક સેટ કર્યો છે જેને પાર કરવો આવનારી ફિલ્મો માટે ખૂબ જ મુશ્કેલ હશે. ચાલો જાણીએ કે ફિલ્મે રિલીઝના 32મા દિવસે કેટલું કલેક્શન કર્યું છે.

આ પણ વાંચો: જામીન મળ્યાના 2 દિવસ બાદ પોલીસ સ્ટેશન પહોંચ્યો અલ્લુ અર્જુન, કોર્ટે આપ્યા આ 3 આદેશ

'પુષ્પા 2' એ 32મા દિવસે કેટલી કમાણી કરી?

'પુષ્પા 2' ગયા વર્ષે 5 ડિસેમ્બરે થિયેટરમાં રિલીઝ થઈ હતી. ત્યારથી લઈને આજ સુધી આ ફિલ્મ બોક્સ ઓફિસ પર રાજ કરી રહી છે. દરમિયાન, ઘણી ફિલ્મો આવી અને ગઈ પરંતુ કોઈ 'પુષ્પા 2'નું સિંહાસન નથી હલાવી શક્યું. વરુણ ધવનની તાજેતરની રિલીઝ 'બેબી જોન'ની પણ અલ્લુ અર્જુનની 'પુષ્પા 2' સામે હાર થઈ. રસપ્રદ વાત એ છે કે 'પુષ્પા 2' એ તેની રિલીઝના પાંચમા વીકએન્ડમાં પણ જોરદાર કમાણી કરી અને ફરી એકવાર ઇતિહાસ રચ્યો chhe. ફિલ્મના કલેક્શન વિશે વાત કરીએ તો

• 'પુષ્પા 2' એ પહેલા અઠવાડિયામાં 725.8 કરોડ રૂપિયાની કમાણી કરી હતી.
• બીજા સપ્તાહમાં ફિલ્મનું કલેક્શન 264.8 કરોડ રૂપિયા હતું.
• ત્રીજા સપ્તાહમાં 'પુષ્પા 2'નો બિઝનેસ 129.5 કરોડ રૂપિયા હતો.
• ચોથા સપ્તાહમાં 'પુષ્પા 2'એ 69.65 કરોડ રૂપિયાનું કલેક્શન કર્યું હતું.
• ફિલ્મે 30મા દિવસે 3.75 કરોડ રૂપિયાની કમાણી કરી હતી અને 31મા દિવસે 5.5 કરોડ રૂપિયાનો બિઝનેસ કર્યો હતો.
• હવે ફિલ્મની રિલીઝના 32મા દિવસની કમાણીના પ્રારંભિક આંકડા આવી ગયા છે.
• સેકનિલ્કના પ્રારંભિક ટ્રેન્ડ રિપોર્ટ અનુસાર, 'પુષ્પા 2' એ તેની રિલીઝના 32મા દિવસે 7.00 કરોડ રૂપિયાની કમાણી કરી છે.
• આ સાથે 'પુષ્પા 2'ની 32 દિવસની કુલ કમાણી હવે 1206 કરોડ રૂપિયા પર પહોંચી ગઈ છે.

'પુષ્પા 2'એ 32મા દિવસે ઈતિહાસ રચ્યો

'પુષ્પા 2' પહેલાથી જ દેશની સૌથી વધુ કમાણી કરનારી ફિલ્મ બની ગઈ છે. આ ફિલ્મ માટે 32મો દિવસ પણ ઐતિહાસિક હતો. 'પુષ્પા 2' એ ભારતીય સિનેમાના ઈતિહાસમાં એટલી મોટી સિદ્ધિ હાંસલ કરી છે કે દરેકને આશ્ચર્ય થયું છે. આ ફિલ્મ 1200 કરોડની ફિલ્મ બની ગઈ છે અને આ ક્લબ શરૂ કરનાર પ્રથમ ફિલ્મ પણ છે. હવે જોવાનું એ રહે છે કે પાંચમા અઠવાડિયે આ ફિલ્મ હજુ કેટલી કમાણી કરે છે.