પવિત્રા પુનિયા પર ધર્મ બદલવા માટે દબાણ કરી રહ્યો હતો એજાઝ ખાન? એક્ટ્રેસનો ખુલાસો- 'બ્રેકઅપ પછી...'

પવિત્રા પુનિયા અને એજાઝ ખાન એક સમયે નાના પડદાના સૌથી ફેવરિટ કપલ્સમાં ગણવામાં આવતા હતા, પરંતુ ચાર વર્ષ સુધી ડેટિંગ કર્યા બાદ બંને અલગ થઈ ગયા હતા. આ વર્ષની શરૂઆતમાં, પવિત્રા અને એજાઝે અચાનક તેમના અલગ થવાની જાહેરાત કરીને ફેન્સને દંગ કરી દીધા હતા. હવે મહિનાઓ પછી પવિત્રાએ જણાવ્યું કે તેના પર ધર્મ બદલવાનું દબાણ હતું.

આ પણ વાંચો: પિતાની જીદ પર આ અભિનેતાએ ફિલ્મ કરી સાઈન, કરિયર ડૂબવાનો હતો ડર, જાણો કેવી રીતે બની ગયો રાતોરાત સ્ટાર

પવિત્રા પુનિયાએ બ્રેકઅપ બાદ ઘણી વખત એજાઝ ખાન સાથેના સંબંધો વિશે વાત કરી છે. એક્ટ્રેસે પહેલા કહ્યું હતું કે તેમના વિચારો મેળ ખાતા નથી જેના કારણે તેઓએ અલગ થવાનો નિર્ણય લીધો હતો અને હવે તેણે ખુલાસો કર્યો છે કે તેના પર દબાણ કરવામાં આવી રહ્યું હતું.

પવિત્રા પુનિયાએ ધર્મ પરિવર્તન પર વાત કરી

એક ઇન્ટરવ્યુમાં પવિત્રા પુનિયાએ જણાવ્યું કે તેણે પહેલા જ દિવસે એજાઝ ખાનને સ્પષ્ટ કહી દીધું હતું કે તે કોઈપણ કિંમતે પોતાનો ધર્મ નહીં બદલે. એક્ટ્રેસે કહ્યું, "મેં તેમને પહેલેથી જ કહ્યું હતું કે હું મારો ધર્મ નહીં બદલું. મને કોઈ વાતથી કોઈ વાંધો નથી. હું હિંદુ-મુસ્લિમ પર ડીબેટ નથી કરતી. "

પવિત્રાએ આગળ કહ્યું, "હું એટલું જ કહી રહી છું કે જો કોઈ મુસ્લિમ છોકરી હિંદુ ઘરમાં આવે તો પણ હિંદુને તેને બદલવાનો કોઈ અધિકાર નથી અને જો કોઈ હિંદુ છોકરી મુસ્લિમ ઘરમાં જાય તો તેને પણ તેને બદલવાનો કોઈ અધિકાર નથી. જો કોઈ વ્યક્તિ જે જન્મથી તેના ધર્મને વફાદાર ન રહી શકે અને તેને છોડી દીધો, શું તે તમારી સાથે રહેશે? તે તમારા પ્રત્યે પણ વફાદાર નહીં રહે."

બ્રેકઅપ પછી કામ મળવાનું બંધ થઈ ગયું

પવિત્રા પુનિયાએ ખુલાસો કર્યો છે કે એજાઝ ખાન સાથેના બ્રેકઅપ બાદ તેને ઈન્ડસ્ટ્રીમાં કામ મળતું બંધ થઈ ગયું છે. લોકો તેને પાર્ટીઓમાં પણ બોલાવતા નથી. પવિત્રાએ વધુમાં જણાવ્યું કે તેના પર રિલેશનશિપમાં દબાણ હતું અને સમસ્યા શરૂઆતથી જ હતી, પરંતુ તે બધુ ઠીક કરવાનો પ્રયાસ કરી રહી હતી. જોકે, બાદમાં તે કંટાળી ગઈ હતી અને તેણે અલગ થવાનો નિર્ણય કર્યો હતો.