સલમાન કે શાહરુખ નહીં 'ધૂમ 4'માં થઈ સાઉથના આ સુપરસ્ટારની એન્ટ્રી, વિલન બનીને અભિષેક બચ્ચનને આપશે ટક્કર
હિન્દી સિનેમાની સૌથી લોકપ્રિય ફ્રેન્ચાઇઝી ફિલ્
હિન્દી સિનેમાની સૌથી લોકપ્રિય ફ્રેન્ચાઇઝી ફિલ્મ 'ધૂમ'ના ત્રણ ભાગ આવી ગયા છે. અને હવે તેના ચોથા ભાગના આગમનના સમાચાર તેજ થયા છે. 'ધૂમ 4' એ તાજેતરમાં જ હલચલ મચાવી દીધી હતી જ્યારે અભિષેક બચ્ચનનો એક ફોટો વાયરલ થયો હતો, જેમાં તે એકદમ અલગ અવતારમાં જોવા મળ્યો હતો. સેલેબ્સના હેરસ્ટાઈલિસ્ટ આલીમ હકીમે આ ફોટો ઈન્સ્ટાગ્રામ પર શેર કર્યો હતો. તેમજ હવે સોશિયલ મીડિયા પર સાઉથ એક્ટર સૂર્યાની તેમાં હાજરી હોવાની ચર્ચાઓ ચાલી રહી છે. લોકો અનુમાન લગાવી રહ્યા છે કે, તે આ ફિલ્મમાં જોવા મળશે.
યશરાજ ફિલ્મ્સના બેનર હેઠળ બનેલી 'ધૂમ'ના ત્રણેય ભાગમાં અભિષેક બચ્ચન અને ઉદય ચોપરા હતા. તેમની જગ્યા કોઈ લઈ શક્યું નથી. પરંતુ જે કલાકારોની પાછળ તે આખી ફિલ્મમાં દોડતા જોવા મળે છે તેમાં દર વખતે નવા કલાકારો જોવા મળે છે. હવે જોન અબ્રાહમ-બિપાશા બાસુ, હ્રિતિક રોશન-ઐશ્વર્યા રાય અને આમિર ખાન-કેટરિના કૈફ પછી સુર્યાનું નામ લેવામાં આવી રહ્યું છે.
સૂર્યા 'ધૂમ 4'માં હોવાની અટકળો
મીડિયા રિપોર્ટ્સ અનુસાર, આદિત્ય ચોપરા 'ધૂમ 4'માં અયાન મુખર્જી, વિજય કૃષ્ણ આચાર્ય અને શ્રીધર રાઘવન સાથે કામ કરી રહ્યો છે. જોકે, આ અંગે કોઈ નક્કર માહિતી નથી. પરંતુ એક અહેવાલ અનુસાર, સૂર્યા YRFની મોસ્ટ અવેટેડ ફિલ્મ ‘ધૂમ 4’માં વિલનની ભૂમિકામાં જોવા મળી શકે છે. સૂત્રોને ટાંકીને લખવામાં આવ્યું છે કે, 'મેકર્સે એક રોલ માટે અભિનેતાનો સંપર્ક કર્યો છે અને હજુ વાતચીત ચાલી રહી છે.'
અભિષેક બચ્ચનના નવા લુકને કારણે દાવા કરવામાં આવ્યા
જ્યારે અભિષેક બચ્ચનની તસવીર સામે આવી, ત્યારે કેટલાક લોકોએ કહ્યું કે, તેણે આ લુક ફિલ્મ 'કિંગ' માટે લીધો છે અને કેટલાકે દાવો કર્યો કે તે 'ધૂમ 4' માટે છે. જોકે, લોકોને તેનો નવો અવતાર ઘણો પસંદ આવ્યો. બધાએ દિલ ખોલીને વખાણ કર્યા. હવે ઇન્ટરનેટ પર સૂર્યાના ફિલ્મમાં હોવાના સમાચારથી ફેન્સ ખૂબ જ ખુશ છે. તેઓએ ઇન્ટરનેટ પર આની ઉજવણી પણ શરૂ કરી દીધી છે. લોકોએ ફિલ્મ 'વિક્રમ'ના સૂર્યાના પાત્રની ક્લિપ શેર કરી છે અને કહ્યું છે કે, હવે રોલેક્સ ભાઈ એસીપી જય દીક્ષિતને પડકાર આપશે.
'ધૂમ'ના ત્રણેય ભાગની કમાણી
આ દરમિયાન એવા પણ સમાચાર હતા કે આ ફિલ્મમાં શાહરૂખ ખાન પણ હશે, પરંતુ આ દાવાઓને ફગાવી દેવામાં આવ્યા હતા. 'ધૂમ' 2004માં રિલીઝ થઈ હતી, જેણે ભારતમાં રૂ. 31.45 કરોડ અને વિશ્વભરમાં રૂ. 50.5 કરોડનું કલેક્શન કર્યું હતું. જ્યારે 'ધૂમ 2' 2006માં રિલીઝ થઈ હતી, જેણે ભારતમાં 147.9 કરોડ રૂપિયા અને વિશ્વભરમાં 80.91 કરોડ રૂપિયાની કમાણી કરી હતી. આ સિવાય 'ધૂમ 3' 2013માં રિલીઝ થઈ હતી. તેણે ભારતમાં રૂ. 558 કરોડ અને વિશ્વભરમાં રૂ. 284.27 કરોડનું બોક્સ ઓફિસ કલેક્શન કર્યું હતું, જેણે તેની અગાઉની બે ફિલ્મોના રેકોર્ડ તોડી નાખ્યા હતા. પહેલા બે ભાગ વચ્ચે 2 વર્ષનું અંતર હતું પરંતુ ફ્રેન્ચાઇઝીનો ત્રીજો ભાગ લાવવામાં નિર્માતાઓને 7 વર્ષનો સમય લાગ્યો હતો. હવે તે 11 વર્ષ બાદ તેનો ચોથો ભાગ લાવવાનું વિચારી રહ્યા છે.
