VIDEO / હાર્દિક પંડ્યા સાથે ડિવોર્સના સમાચાર વચ્ચે, પુત્ર સાથે એરપોર્ટ પર જોવા મળી નતાશા સ્ટેનકોવિક

હાર્દિક પંડ્યા અને નતાશા સ્ટેનકોવિક વચ્ચે બધુ બરાબર નથી. આ કપલ ઘણા સમયથી સાથે જોવા મળ્યું નથી. તેમજ બંને એકબીજા વિશે વાત પણ નથી કરતા. જેના કારણે લોકોને લાગે છે કે આ કપલ અલગ થવા જઈ રહ્યું છે.

નતાશા અને હાર્દિક બંનેએ તેમના સંબંધો પર મૌન જાળવી રાખ્યું છે. ઘણા સમયથી તેમના અલગ થવાના સમાચાર આવી રહ્યા છે પરંતુ બંનેએ હજુ સુધી આ અંગે કોઈ પ્રતિક્રિયા આપી નથી.

હાર્દિક સાથે ડિવોર્સના સમાચાર વચ્ચે નતાશા તેના પુત્ર અગસ્ત્ય સાથે ફરવા નીકળી છે. તે પોતાના પુત્ર સાથે એરપોર્ટ પર જોવા મળી હતી. નતાશા એરપોર્ટ પર પુત્ર અગસ્ત્યનો હાથ પકડીને જોવા મળી હતી. તેણે બીજા હાથે બેગ પકડી રાખી હતી.

એરપોર્ટ જતા પહેલા નતાશાએ ઇન્સ્ટાગ્રામ પર ક્યાંક જવાની હિંટ આપી હતી. તેની ઇન્સ્ટાગ્રામ સ્ટોરી પર બેગનો ફોટો શેર કરતા તેણે લખ્યું - આ વર્ષનો તે સમય છે.

નતાશા અને અગસ્ત્યને મુંબઈ છોડતા જોઈને લોકોને લાગી રહ્યું છે કે બંને સર્બિયા ગયા છે. જોકે, નતાશાએ હજુ સુધી સ્પષ્ટતા કરી નથી કે તે તેના પુત્રને ક્યાં લઈ જઈ રહી છે.

તાજેતરમાં જ હાર્દિકે વર્લ્ડ કપ જીતીને પરત ફર્યા બાદ પુત્ર અગસ્ત્ય સાથેની તસવીરો શેર કરી હતી. આ તસવીરોમાં નતાશા ક્યાંય જોવા મળી ન હતી. છેલ્લા કેટલાક દિવસોથી નતાશા સોશિયલ મીડિયા પર કેટલીક એવી પોસ્ટ શેર કરી રહી છે જેમાં તે આડકતરી રીતે સંબંધો કે લોકો વિશે વાત કરતી જોવા મળે છે.