છૂટાછેડા પછી નતાશા સ્ટેનકોવિકે તેના લુકથી કર્યા આશ્ચર્યચકિત, લોકોએ કહ્યું- 'હાર્દિકની નવી ગર્લફ્રેન્ડ કરતાં પણ વધુ..'
નતાશા સ્ટેનકોવિક અને હાર્દિક પંડ્યાના છૂટાછેડાને લ
નતાશા સ્ટેનકોવિક અને હાર્દિક પંડ્યાના છૂટાછેડાને લાંબો સમય નથી થયો. આ દરમિયાન હવે હાર્દિક પંડ્યા ફરી એકવાર ચર્ચામાં આવ્યો છે. અગાઉ, સોશિયલ મીડિયા પર છૂટાછેડા પછી, ક્રિકેટરને ફેન્સ તરફથી સહાનુભૂતિ મળી રહી હતી અને નતાશા ટ્રોલનો સામનો કરી રહી હતી. હવે દ્રશ્ય ઊલટું દેખાય છે. જ્યારથી હાર્દિકના નવા રિલેશનશિપના સમાચાર સામે આવી રહ્યા છે, ત્યારથી અચાનક સ્થિતિ બદલાઈ ગઈ છે. ઘણા મીડિયા રિપોર્ટ્સ અનુસાર, અત્યારે ભારતીય ક્રિકેટ સ્ટાર હાર્દિક પંડ્યા અને બ્રિટિશ સિંગર જાસ્મિન વાલિયા એકબીજાને ડેટ કરી રહ્યા છે. પરંતુ તેમના ડેટિંગના સમાચારો વચ્ચે નતાશાએ પણ પોતાના નવા લુકથી બધાનું ધ્યાન ખેંચ્યું છે. અહીં તેના નવા વાયરલ લુક પર એક નજર કરીએ.
નતાશાના નવા લુકે મચાવી દીધી હલચલ
નતાશા હવે તેના સોશિયલ મીડિયા હેન્ડલ પર આઇસ બ્લૂ કલરની શોર્ટ ડ્રેસમાં તબાહી મચાવતી જોવા મળે છે. લોકો માને છે કે, હાર્દિકના સંબંધોની અફવાઓ પછી આ ફોટા શેર કરવા એ ખૂબ જ સારી રીતે વિચારેલી વ્યૂહરચના છે. હજુ સુધી આ અફવાઓ અંગે હાર્દિક કે નતાશા તરફથી કંઈ બહાર આવ્યું નથી.
છૂટાછેડા બાદ હાર્દિકને મળ્યો નવો પ્રેમ?
હાર્દિક અને જાસ્મિન ગ્રીસમાં એકસાથે રજાઓ માણતા જોવા મળી રહ્યા છે. તેમની સાથેની તસવીરો સામે આવી છે, જેના પગલે તેમના સંબંધો કેવા છે તે અંગે અટકળો ચાલી રહી છે. લોકોનું માનવું છે કે, હાર્દિક અને જાસ્મિને એક જ પૂલની તસવીરો ઈન્સ્ટાગ્રામ પર શેર કરી છે, જેમાં બેકગ્રાઉન્ડમાં સુંદર ગ્રીક લેન્ડસ્કેપ દેખાય છે. આ તસવીરો પછી તેમના સંબંધોને લઈને ઘણી અફવાઓ ઉડવા લાગી છે.
