નાગા ચૈતન્યએ શોભિતા ધુલીપાલા સાથે કર્યા ગુપચુપ લગ્ન!! વીડિયો થયો વાયરલ
સાઉથ ઈન્ડસ્ટ્રીના સુપરસ્ટાર નાગા ચૈતન્યએ તાજેતરમાં જ તેની ગર્લફ્રેન્ડ અને
સાઉથ ઈન્ડસ્ટ્રીના સુપરસ્ટાર નાગા ચૈતન્યએ તાજેતરમાં જ તેની ગર્લફ્રેન્ડ અને અભિનેત્રી શોભિતા ધુલીપાલા સાથે સગાઈ કરી છે. આ સમયગાળા દરમિયાનના ફોટા આજે પણ સોશિયલ મીડિયા પર લોકપ્રિય છે. ઉલ્લેખનીય છે કે, નાગા ચૈતન્ય અને શોભિતા ધુલીપાલાની જોડી ફેન્સને ઘણી પસંદ છે. આ દરમિયાન નાગા ચૈતન્યનો એક વીડિયો સામે આવ્યો છે, જે ઈન્ટરનેટ પર દરેક જગ્યાએ વાયરલ થઈ રહ્યો છે. આ ક્લિપ જોયા બાદ લોકો કહી રહ્યા છે કે, નાગા ચૈતન્યએ શોભિતા સાથે ગુપચુપ લગ્ન કર્યા છે.
નાગા ચૈતન્ય અને શોભિતા ધુલીપાલાના થયા લગ્ન
નાગા ચૈતન્ય સોશિયલ મીડિયા પર લોકોમાં ચર્ચાનો વિષય બન્યો છે. બધાની નજર તેના એક વીડિયો પર અટકી ગઈ છે. આ ક્લિપમાં નાગા ચૈતન્ય વરરાજા બનેલો જોવા મળી રહ્યો છે. તે પરંપરાગત પોશાકમાં ખુલ્લી કારમાં બેઠો છે અને તેની સાથે જાન પણ નીકળી રહી છે. આ ક્લિપ જોયા બાદ ઘણા લોકો કહી રહ્યા છે કે, નાગાએ કોઈને કહ્યા વગર શોભિતા ધૂલીપાલા સાથે લગ્ન કરી લીધા છે. ઘણા લોકો કહે છે કે, નાગા ફિલ્મનું શૂટિંગ કરી રહ્યા છે. જોકે, હજુ સુધી કંઈ સ્પષ્ટ કરવામાં આવ્યું નથી.
આ અભિનેત્રીને આપ્યા છૂટાછેડા
અભિનેત્રી શોભિતા ધુલીપાલા પહેલા નાગા ચૈતન્યએ સામંથા રૂથ પ્રભુ સાથે સાત ફેરા લીધા હતા. નાગા અને સામંથાના લગ્ન વર્ષ 2017માં થયા હતા. જોકે, થોડા વર્ષો પછી બંનેએ એકબીજાથી અલગ થવાનો નિર્ણય લીધો હતો. એક તરફ નાગા ચૈતન્ય પોતાના જીવનમાં આગળ વધી ગયો છે. તો સામંથા રૂથ પ્રભુ હજુ પણ પોતાને સમય આપી રહી છે. ઉલ્લેખનીય છે કે, સામંથા રૂથ પ્રભુ સુંદરતાના મામલે બોલિવૂડથી લઈને સાઉથ સુધીની તમામ અભિનેત્રીઓને ટક્કર આપે છે.
