વરુણ ધવનના બર્થડે પર ફેન્સને મળ્યું સરપ્રાઈઝ, સામે આવ્યું ‘બેબી જોન’નું નવું પોસ્ટર
એક્ટર વરુણ ધવન તેની અપકમિંગ ફિલ્મ 'બેબી જોન' માટે પૂરા દિલથી તૈયારી કરી રહ્યો છે. આ ફ
એક્ટર વરુણ ધવન તેની અપકમિંગ ફિલ્મ 'બેબી જોન' માટે પૂરા દિલથી તૈયારી કરી રહ્યો છે. આ ફિલ્મ ઘણા સમયથી ચર્ચામાં છે અને વરુણ ધવનના બર્થડે પર મેકર્સે આ ફિલ્મને લઈને ફેન્સને મોટું સરપ્રાઈઝ આપ્યું છે. વરુણ ધવનના બર્થડે પર ફિલ્મનું નવું પોસ્ટર રિલીઝ કરવામાં આવ્યું છે.
મુરાદ ખેતાનીએ વરુણ ધવન, દિગ્દર્શક એટલી અને પ્રિયા મોહનને ટેગ કરીને 'બેબી જોન'નું નવું પોસ્ટર રિલીઝ કર્યું છે. આ પોસ્ટરમાં વરુણ ધવનનો ખૂબ જ ખતરનાક લુક બતાવવામાં આવ્યો છે. લેટેસ્ટ પોસ્ટરમાં વરુણ ખૂબ જ ગુસ્સામાં અને વરસાદમાં ભીનો થતો જોવા મળી રહ્યો છે. વરુણ ધવનનું આ પોસ્ટર દેખાવાની થોડી જ મિનિટોમાં વાયરલ થઈ ગયું છે. આ પોસ્ટરમાં વરુણ ધવનનો લુક ફેન્સને ખૂબ જ પસંદ આવી રહ્યો છે.
કીર્તિ સુરેશ અને વામિકા ગબ્બી પણ આ ફિલ્મનો એક ભાગ
ઉલ્લેખનીય છે કે, ડાયરેક્ટર એટલી અને વરુણ ધવનની 'બેબી જોન' 31 મે 2024ના રોજ થિયેટરમાં દર્શકોની સામે આવશે. આ ફિલ્મમાં વરુણ ધવન ઉપરાંત કીર્તિ સુરેશ અને વામિકા ગબ્બી પણ મુખ્ય ભૂમિકામાં છે. અગાઉ, જ્યારે ફિલ્મના ટાઇટલની એનાઉન્સમેન્ટ કરવામાં આવી હતી, ત્યારે 'બેબી જોન' તરીકે વરુણ ધવનની ઝલક માત્ર બતાવવામાં આવી હતી. હવે લેટેસ્ટ પોસ્ટરમાં તેનો સંપૂર્ણ લુક સામે આવ્યો છે.
કીર્તિ સુરેશની હિન્દી ફિલ્મ ડેબ્યૂ
સાઉથ સિનેમાની સુપરસ્ટાર એક્ટ્રેસ કીર્તિ સુરેશ પણ 'બેબી જોન'થી હિન્દી ફિલ્મમાં ડેબ્યૂ કરવા જઈ રહી છે. ફિલ્મમાં જેકી શ્રોફ અને રાજપાલ યાદવ પણ જોવા મળશે. મુરાદ ખેતાની, પ્રિયા મોહન અને જ્યોતિ દેશપાંડે શાહરૂખ ખાનની 'જવાન' ફેમ ડિરેક્ટર એટલી કુમારની આ ફિલ્મનું નિર્માણ કરી રહ્યા છે. એક ઈન્ટરવ્યૂમાં વરુણ ધવને ફિલ્મ વિશે કહ્યું હતું કે, “હું એટલું જ કહીશ કે, આ એક એક્શન એન્ટરટેઈનમેન્ટ ફિલ્મ છે. ફિલ્મમાં ઘણું મનોરંજન છે, જે મને પણ ગમે છે. અને હું તેને મારું સર્વસ્વ આપીશ.”
