સિરીઝના એક સીનને શૂટ કરવામાં લાગી હતી 3 રાત અને 100થી વધુ કટ, મિર્ઝાપુર એક્ટરે કર્યો ખુલાસો

મિર્ઝાપુર એક એવી વેબ સિરીઝ છે, જેની દરેક સિઝનની દર્શકો આતુરતાથી રાહ જુએ છે. હવે આ સિરીઝનો ત્રીજો ભાગ પણ આવી ગયો છે. OTT પ્લેટફોર્મ એમેઝોન પ્રાઈમ વીડિયો પર સ્ટ્રીમ થયેલી સુપરહિટ વેબ સિરીઝ 'મિર્ઝાપુર 3' લોકોને પણ પસંદ આવી રહી છે.

મિર્ઝાપુરમાં કાર્પેટનો ધંધો દર્શાવવામાં આવ્યો છે. સિરીઝનું મોટાભાગનું શૂટિંગ પણ ભદોહીમાં થયું છે. આખી સિરીઝમાં મિર્ઝાપુરમાં ભ્રષ્ટાચાર, અપરાધ, ગેરકાયદેસર હથિયારો અને કાર્પેટના વેપારને દર્શાવવામાં આવ્યા છે. આ સિરીઝની પહેલી બે સિઝન લોકોના દિલ જીતી ચૂકી છે અને હવે તેની ત્રીજા સિઝનને લઈને લોકોનો ઉત્સાહ ઓછો થયો નથી. હવે આ સિરીઝ સાથે જોડાયેલા એક એક્ટરે સિરીઝ સાથે જોડાયેલી એક કિસ્સો શેર કર્યો છે.

રાજેશ તૈલંગે શેર કર્યો કિસ્સો

'મિર્ઝાપુર' સાથે સંકળાયેલા એક્ટર રાજેશ તૈલાંગે શોની પહેલી સીઝન સાથે જોડાયેલ એક રસપ્રદ કિસ્સો શેર કર્યો. આ સિરીઝમાં રાજેશે રમાકાંત નામના વકીલની ભૂમિકા ભજવી છે. રાજેશ તૈલંગે પ્રથમ અને બીજી સિઝનમાં અદ્ભુત કામ કર્યું હતું અને ત્રીજી સિઝનમાં પણ તેણે પોતાના અભિનયથી બધાના દિલ જીત્યા છે.

જ્યારે એક સીન શૂટ કરવા માટે 3 રાત લાગી 

રાજેશ તૈલાંગે પહેલી સિઝનના એ સીન વિશે જણાવ્યું, જેમાં મુન્ના ત્રિપાઠી પંડિત પરિવારના ઘરમાં ઘૂસીને તેમને મારવા માટે જાય છે. કહેવાય છે કે આ સીનને સંપૂર્ણ રીતે શૂટ કરવામાં ત્રણ રાત લાગી અને 100થી વધુ કટ કરવા પડ્યા હતા. આ સીન વારાણસીમાં શૂટ કરવામાં આવ્યો હતો. રાજેશે કહ્યું, 'પહેલો સીન ઘરમાં શૂટ થયો હતો, જ્યાં મુન્ના ત્રિપાઠી આવે છે અને ગોળીબાર થાય છે. આ સીનનું શૂટિંગ કરવામાં ત્રણ રાત અને લગભગ 103-107 કટ લાગ્યા હતા, તે એક નાનો સીન હોવા છતાં એક મજાનો અનુભવ હતો.

પોતાના પાત્રો વિશે વાત કરતા રાજેશે કહ્યું, 'જ્યારે તમે ઓડિશન આપો છો, ત્યારે તમને પાત્ર અને તેમની દુનિયા વિશે ખબર પડે છે, પરંતુ આખી વાત પછી જ સામે છે. શરૂઆતમાં મને ખબર ન હતી કે ‘મિર્ઝાપુર’ આટલી મોટી હિટ બનશે અને પોપ કલ્ચરનો હિસ્સો બની જશે.