પુત્ર ગૌતમના દીક્ષાંત સમારોહમાં પિતા મહેશ બાબુ જોવા મળ્યા, અભિનેતાનો નવો લૂક થયો વાયરલ
સાઉથના સુપરસ્ટાર મહેશ બાબુ ફરી ચર્ચામાં છે. તાજેતરમાં જ તેઓ તેમના પ્રિય પુત્ર ગૌતમના દીક્ષાંત
સાઉથના સુપરસ્ટાર મહેશ બાબુ ફરી ચર્ચામાં છે. તાજેતરમાં જ તેઓ તેમના પ્રિય પુત્ર ગૌતમના દીક્ષાંત સમારોહમાં જોવા મળ્યા હતા. તે સમારંભની તસવીરો ઈન્ટરનેટ પર વાયરલ થઈ રહી છે. મહેશ બાબુએ તેમના ઇન્સ્ટાગ્રામ પર તેમના પુત્ર ગૌતમના દીક્ષાંત સમારોહની શુભેચ્છા પાઠવતા લખ્યું, મારું હૃદય ગર્વથી છલકાય છે.
નવો લુક તેની આગામી ફિલ્મથી પ્રેરિત
મહેશ બાબુની નવી તસવીર ઇન્ટરનેટ પર ધૂમ મચાવી રહી છે. અભિનેતાએ પુત્ર ગૌતમ સાથે પોતાની એક તસવીર શેર કરી છે. એવું માનવામાં આવે છે કે મહેશ બાબુનો આ લુક તેની આગામી ફિલ્મથી પ્રેરિત છે. તેના આ ફોટોને સોશિયલ મીડિયા પર થોડા જ સમયમાં લાખો લોકો જોઈ ચૂક્યા છે.
મહેશ બાબુ પોતાના પુત્ર સાથે ખૂબ જ ખુશ દેખાય છે. તસવીરોમાં, એક્ટર લાંબા વાળ અને વધેલી દાઢી સાથે ખૂબ જ સુંદર દેખાઈ રહ્યો છે. મહેશ બાબુ ડાર્ક કલરના ટી-શર્ટમાં અદ્ભુત લાગી રહ્યા છે. પુત્રના ગ્રેજ્યુએશનની ખુશી તેમના ચહેરા પર સ્પષ્ટ દેખાઈ રહી છે. પોતાના પુત્ર સાથેની તસવીર પોસ્ટ કરતા અભિનેતાએ લખ્યું, 'આજે મારું હૃદય ગર્વથી ભરેલું છે. તમારા ગ્રેજ્યુએશન બદલ અભિનંદન'.
મહેશ બાબુએ આગળ લખ્યું, 'દીકરા, હવે તારે તારા જીવનનું આગલું પ્રકરણ લખવાનું છે અને મને ખાતરી છે કે તું તેમાં વધુ સફળ થઈશ. તમે ચોક્કસપણે તમારા સપના સાકાર કરશો. આજે હું ખૂબ જ ગર્વ અનુભવું છું.
મહેશ બાબુનો નવો લૂક જોઈને તેના ચાહકો અનુમાન લગાવી રહ્યા છે કે કદાચ અભિનેતા એસએસ રાજામૌલીની આગામી ફિલ્મમાં આ જ લૂકમાં જોવા મળશે. તેઓ સતત મહેશ બાબુને તેમની તસવીર પર કોમેન્ટ કરીને સવાલ પૂછી રહ્યાં છે. પુત્રનું ગ્રેજ્યુએશન પૂરું થવા પર ઘણા ચાહકો તેને અભિનંદન પણ આપી રહ્યા છે.
