મહાદેવ બેટિંગ એપ કેસ: અભિનેતા સાહિલ ખાનની મુંબઈ પોલીસની SIT દ્વારા કરાઈ ધરપકડ

અભિનેતા સાહિલ ખાનને લઈને એક મોટા સમાચાર સામે આવ્યા છે. મહાદેવ બેટિંગ એપ કેસમાં મુંબઈ પોલીસ એસઆઈટી દ્વારા તેની ધરપકડ કરવામાં આવી છે. ખાન 'ધ લાયન બુક એપ' નામની સટ્ટાબાજીની એપ સાથે જોડાયેલો હતો, જે મહાદેવ બેટિંગ એપ નેટવર્કનો પણ એક ભાગ છે. આ કેસમાં મુંબઈ પોલીસ એસઆઈટીએ અગાઉ તેની પૂછપરછ કરી હતી. અભિનેતાએ જામીન માટે કોર્ટનો સંપર્ક કર્યો હતો, પરંતુ તેની જામીન અરજી ફગાવી દેવામાં આવી હતી.

અભિનેતા સાહિલ ખાનની ધરપકડ

હવે મહાદેવ બુક સટ્ટા કેસમાં ઘણા કલાકારોના નામ સામે આવ્યા છે. હવે આ યાદીમાં સાહિલ ખાનનું નામ પણ સામેલ થઈ ગયું છે. અભિનેતાને છત્તીસગઢમાં કસ્ટડીમાં લેવામાં આવ્યો છે, જ્યાંથી તેને મુંબઈ લાવવામાં આવી રહ્યો છે. તે લોટસ બુક 24/7 નામની બેટિંગ એપ્લિકેશન વેબસાઇટમાં ભાગીદાર છે, જે મહાદેવ સટ્ટાબાજી એપ્લિકેશન નેટવર્કનો ભાગ છે.

અભિનેતા પર લાયન બુક એપને પ્રમોટ કરવાનો અને તેના કાર્યક્રમોમાં હાજરી આપવાનો આરોપ છે. લાયન બુકને પ્રમોટ કર્યા પછી, તેણે ભાગીદાર તરીકે લોટસ બુક 24/7 એપ લોન્ચ કરી હતી.