દિવાળી પર ધૂમ મચાવશે કાર્તિક આર્યનની ‘ભૂલ ભુલૈયા 3’, પહેલા પોસ્ટર સાથે એનાઉન્સ કરી રિલીઝ ડેટ

બોલિવૂડ એક્ટર કાર્તિક આર્યને લગભગ 13 વર્ષની કારકિર્દીમાં ઘણી શાનદાર ફિલ્મો આપી છે અને હવે તેની ગણતરી હિન્દી સિનેમાના ટોચના સ્ટાર્સમાં થાય છે. કાર્તિક આર્યનએ પોતાના અભિનય અને લુકથી ફેન્સને દિવાના બનાવી દીધા છે. કાર્તિક આર્યન છેલ્લે ફિલ્મ 'ચંદુ ચેમ્પિયન'માં મોટા પડદા પર જોવા મળ્યો હતો. આ ફિલ્મ બોક્સ ઓફિસ પર સફળ રહી ન હતી પરંતુ કાર્તિક આર્યનનું કામ અને તેની એક્ટિંગની ખૂબ પ્રશંસા કરવામાં આવી હતી. હવે કાર્તિકના ફેન્સ તેની અપકમિંગ ફિલ્મ 'ભૂલ ભુલૈયા 3'ની આતુરતાથી રાહ જોઈ રહ્યા છે. આ ફિલ્મ ટૂંક સમયમાં રિલીઝ થવા જઈ રહી છે. આ પહેલા કાર્તિકે ફિલ્મનું પહેલું પોસ્ટર સોશિયલ મીડિયા પર શેર કર્યું છે.

કાર્તિક આર્યને કહ્યું- આ દિવાળીએ ખુલશે દરવાજો

કાર્તિક આર્યનની ફિલ્મ 'ભૂલ ભુલૈયા 3'ની દર્શકો આતુરતાથી રાહ જોઈ રહ્યા છે. કાર્તિક આર્યનની ‘ભૂલ ભુલૈયા 2’ સુપરહિટ સાબિત થઈ હતી. આ પછી, ‘ભૂલ ભૂલૈયા 3’ને લઈને પણ ઘણી ચર્ચા છે. કાર્તિકે ફિલ્મના નવા પોસ્ટરની ઝલક ઈન્સ્ટાગ્રામ પર શેર કરી છે. તેણે ઈન્સ્ટાગ્રામ પર જે પોસ્ટર શેર કર્યું છે તેમાં એક મોટો દરવાજો દેખાઈ રહ્યો છે અને તે લોક છે. એક્ટરે આ સાથે એક ફની કેપ્શન પણ આપ્યું છે. કાર્તિકે પોસ્ટ સાથે લખ્યું છે, 'આ દિવાળીએ ખુલશે દરવાજો, ભૂલ ભૂલૈયા 3.'

Instagram પર જુઓ

ફેન્સે આ રીતે આપી પ્રતિક્રિયા

કાર્તિકની આ પોસ્ટ પર ફેન્સ પણ ઘણી કોમેન્ટ કરી રહ્યા છે. એક યુઝરે લખ્યું છે કે, "રુહ બાબા જલ્દી આવી રહ્યા છે." એક યુઝરે લખ્યું, 'ટ્રેલરની રાહ જોઈ રહ્યો છું.' એકે કોમેન્ટ કરી, 'રૂહ બાબા પરત આવી રહ્યા છે.' એક યુઝરે લખ્યું, 'હજી વધુ રાહ જોઈ શકતો નથી.' અન્ય એક યુઝરે લખ્યું, 'આખરે તમે પોસ્ટ કર્યું, અમે તેની આતુરતાથી રાહ જોઈ રહ્યા છીએ.'

દિવાળી પર રિલીઝ થશે ‘ભૂલ ભુલૈયા 3’

ઉલ્લેખનીય છે કે, કાર્તિક આર્યનની ફિલ્મ ‘ભૂલ ભુલૈયા 3’ આ દિવાળી પર ધૂમ મચાવવા આવી રહી છે. બોક્સ ઓફિસ પર તેનું ક્લેશ અજય દેવગણની ‘સિંઘમ 3’ સાથે થશે. ફિલ્મમાં કાર્તિકની સાથે તૃપ્તિ ડિમરી અને વિદ્યા બાલન પણ મહત્ત્વની ભૂમિકામાં છે. આ ફિલ્મનું નિર્માણ T-Series Films અને Cine 1 Studio દ્વારા સંયુક્ત રીતે કરવામાં આવ્યું છે. જ્યારે તેનું નિર્દેશન અનીસ બઝમીએ કર્યું છે.