બોક્સ ઓફિસ પર કલ્કિએ કમાણીના પહેલા જ દિવસ તોડ્યા KGF 2 સહિતના ઘણા રેકોર્ડ, જાણો કલેક્શન

ભારતીય સિનેમાની સૌથી મોંઘી ફિલ્મ ‘કલ્કિ 2898 એડી’ થિયેટર્સમાં રિલીઝ થઈ ગઈ છે અને પહેલા દિવસે રેકોર્ડ બ્રેક કમાણી કરવા જઈ રહી છે. પ્રભાસ, દીપિકા પાદુકોણ અને અમિતાભ બચ્ચન સ્ટારર આ ફિલ્મ માત્ર દેશમાં જ નહીં પરંતુ વિદેશમાં પણ એડવાન્સ બુકિંગમાં રેકોર્ડ તોડી રહી છે. આવો તમને જણાવીએ કે આ ફિલ્મ પહેલા દિવસે કેટલી કમાણી કરી શકે છે.

‘કલ્કિ 2898 એડી’ના પહેલા દિવસનું બોક્સ ઓફિસ કલેક્શન

કમાણીના આંકડા જાહેર કરતી વિશ્વસનીય વેબસાઈટ Sacnilk અનુસાર, ‘કલ્કિ 2898 એડી’ પહેલા દિવસે વિશ્વભરમાં લગભગ 200 કરોડ રૂપિયાની કમાણી કરી શકે છે. ‘કલ્કિ 2898 એડી’ ભારતમાં રૂ. 120-140 કરોડની ઓપનિંગ મેળવી શકે છે. આંધ્રપ્રદેશ અને તેલંગાણા જેવા તેલુગુ રાજ્યોમાં આ ફિલ્મની કમાણી 90-100 કરોડ રૂપિયા થઈ શકે છે. તેમજ ઉત્તર ભારતમાં આ ફિલ્મ અંદાજે 20 કરોડ રૂપિયાની કમાણી કરી શકે છે. આ ફિલ્મ કર્ણાટક, તમિલનાડુ અને કેરળમાં પણ 15 કરોડ રૂપિયાથી વધુની કમાણી કરી શકે છે.

200 કરોડની કમાણી કરીને કયા રેકોર્ડ તોડ્યા?

જો ‘કલ્કિ 2898 એડી’ 200 કરોડ રૂપિયાની કમાણી કરવામાં સફળ થાય છે, તો તે સૌથી વધુ ઓપનિંગ કરનારી ફિલ્મોમાં ત્રીજા સ્થાને આવી જશે. અત્યાર સુધી, ‘RRR’ પહેલા દિવસે સૌથી વધુ કમાણીનો રેકોર્ડ ધરાવે છે. આ ફિલ્મે પહેલા દિવસે 223.5 કરોડની કમાણી કરી હતી. તેમજ પ્રભાસની ફિલ્મ ‘બાહુબલી 2’ સૌથી મોટી ઓપનરમાં બીજા સ્થાને છે. આ ફિલ્મે 214 કરોડની કમાણી કરી હતી.

પહેલા દિવસે સૌથી વધુ કમાણી કરનારી ફિલ્મો

RRR- 223.5 કરોડ
બાહુબલી 2- 214 કરોડ
KGF 2- 164 કરોડ
આદિપુરુષ - 136.8 કરોડ
સાહો- 125 કરોડ
2.0- 105.6 કરોડ
પઠાણ- 104.8 કરોડ
જેલર- 91.2 કરોડ
કબાલી- 90.5 કરોડ
PS1- 83.6 કરોડ

કલ્કિ 2898 એડી ઘરેલું બોક્સ ઓફિસ પર પહેલા દિવસનું કલેક્શન

- Sacnilk અનુસાર, આ ફિલ્મે સ્થાનિક બોક્સ ઓફિસ એટલે કે ભારતીય બોક્સ ઓફિસ પર સવારના શોથી લગભગ 53 કરોડની કમાણી કરી છે. આ આંકડા શરૂઆતના દિવસના અંતિમ આંકડા નથી.

- ટ્રેડ વિશ્લેષકોનો અંદાજ છે કે આ ફિલ્મ ભારતીય બોક્સ ઓફિસ પર 120-140 કરોડ રૂપિયાની કમાણી કરી શકે છે. જો આ ફિલ્મ આટલી કમાણી કરવામાં સફળ રહેશે તો તે ભારતની સૌથી મોટી ઓપનર બની જશે.

ભારતમાં પહેલા દિવસે સૌથી વધુ કલેક્શન કરનારી ફિલ્મ

RRR- 133 કરોડ (તેલુગુ: 103.13 કરોડ, હિન્દી 20.07 કરોડ, તમિલ 6.5 કરોડ, મલયાલમ 3.1 કરોડ, કન્નડ 0.2 કરોડ)
બાહુબલી 2- 121 કરોડ (તેલુગુ: 58.00, હિન્દી 41 કરોડ, તમિલ 17, મલયાલમ 5 કરોડ)
KGF 2- 116 કરોડ (તેલુગુ: 26.4 કરોડ, હિન્દી 53.95 કરોડ, તમિલ 7.9, મલયાલમ 4.9 કરોડ, કન્નડ 22.85 કરોડ)
સલાર 1- 90.7 કરોડ (તેલુગુ: રૂ. 66.75, હિન્દી રૂ. 15.75 કરોડ, તમિલ રૂ. 3.75, મલયાલમ રૂ. 3.55 કરોડ, કન્નડ રૂ. 0.9 કરોડ)
સાહો- 89 કરોડ (તેલુગુ: 60.40 કરોડ, હિન્દી 24.40 કરોડ, તમિલ 3.20 કરોડ, મલયાલમ 1.00 કરોડ)