‘મોતને હાથતાળી આપીને આવી છું’, કાંટા લગા ગર્લ શેફાલી જરીવાલાએ જણાવ્યું 15 વર્ષની ઉંમરે કર્યો હતો મુશ્કેલીઓનો સામનો
અભિનેત્રી શેફાલી જરીવાલા કાંટા લગા ગર્લ તરીક
અભિનેત્રી શેફાલી જરીવાલા કાંટા લગા ગર્લ તરીકે જાણીતી છે. તેણે આ ગીતથી સનસનાટી મચાવી દીધી હતી. બધે શેફાલીની ચર્ચા હતી. જોકે, આ પછી તે આ ખ્યાતિ જાળવી શકી નહીં. લાંબા સમય બાદ શેફાલી જરીવાલા બિગ બોસ 13માં જોવા મળી હતી. હવે તાજેતરમાં જ એક્ટ્રેસે પારસ છાબરાના પોડકાસ્ટમાં તેના અંગત જીવન સાથે જોડાયેલી વાતો શેર કરી છે.
શેફાલી મુશ્કેલ સમયમાંથી પસાર થઈ
કાંટા લગા ગીત વિશે શેફાલીએ કહ્યું- 'કલાકારો પોતાની ઓળખ બનાવવા માટે સખત મહેનત કરે છે. મને આ ઓળખ કાંટા લગાથી મળી છે. આ મારો પહેલો પ્રોજેક્ટ હતો અને તે જોરદાર હિટ રહ્યો હતો. હું ઈચ્છું છું કે આજે પણ લોકો મને એ ગીત દ્વારા યાદ કરે. જ્યારે કાંટા લગા રિલીઝ થયું ત્યારે અમે આર્થિક મુશ્કેલ સમયમાંથી પસાર થઈ રહ્યા હતા. મારા પપ્પાએ બધા પૈસા ગુમાવી દીધા હતા. મારી મમ્મી બેંકમાં નોકરી કરતી હતી. મારી બહેન કોલેજમાં ભણતી હતી અને કોલેજની ફી ઘણી વધારે હતી. મારી મમ્મીએ ફી ભરવા માટે તેની બંગડીઓ ગિરવે મૂકીને ઉધાર લીધો હતો. તે દિવસે મેં નક્કી કર્યું કે, હું મારી મમ્મી માટે એટલી બધી બંગડીઓ લાવીશ કે, તે કઈ પહેરવી તે નક્કી કરી શકશે નહીં.
‘વાઈ’ના એટેક થતા હતા
આ સિવાય શેફાલીએ જણાવ્યું કે, તેને ‘વાઈ’ના એટેક આવતા હતા. તેણે કહ્યું- એપીલેપ્સી ન્યુરોલોજિકલ સમસ્યા છે. આ આનુવંશિક પણ હોઈ શકે છે. તેમાં હુમલાના લક્ષણો છે. જ્યારે તમારું મગજ તણાવને હેન્ડલ કરવામાં અસમર્થ હોય ત્યારે અતિશય તણાવને કારણે આવું થાય છે. જ્યારે હું 15 વર્ષની હતી ત્યારે મને પહેલો એટેક આવ્યો હતો. બોર્ડની પરીક્ષાઓને કારણે હું વધારે તણાવમાં હતી. આજના સમયમાં દવાઓ અને સારા ડૉક્ટરો છે. હવે મને 20 વર્ષથી હુમલા થયા નથી. હું હવે દવાઓ લેતી નથી. જીવનશૈલીમાં ફેરફાર જેવા કે આહાર, વ્યાયામ અને માનસિક કાર્ય દ્વારા તેને મેનેજ કરી શકાય છે. જ્યારે તમને આંચકી આવે છે ત્યારે તમે તમારી જીભ પણ કચડી શકો છો. જ્યારે મને ‘વાઈ’નો એટેક આવ્યો ત્યારે હું બાલ્કનીમાં ઉભી હતી હું બાલ્કનીમાંથી નીચે પડીને મરી શકતી હતી. તમને ખબર નથી કે આંચકી ક્યારે આવશે.
એક દીકરીને દત્તક લેવા માગે છે શેફાલી
આ સિવાય શેફાલીએ જણાવ્યું કે, તે એક દીકરીને દત્તક લેવા માગે છે. શેફાલીએ કહ્યું- બાળકને દત્તક લેવાની પ્રક્રિયા ઘણી લાંબી હોય છે. પરિવારને સમજાવવું પડે છે અને કાયદાકીય પ્રક્રિયાના કારણે સમય લાગી રહ્યો છે. અમે અમારા શ્રેષ્ઠ પ્રયાસો કર્યા છે. અમે અમારી દીકરીના ઘરે આવવાની રાહ જોઈ રહ્યા છીએ.
