VIDEO / મુંબઈ પહોંચ્યો જસ્ટિન બીબર, અનંત-રાધિકાના સંગીતમાં પરફોર્મ કરવા માટે આટલા કરોડની ફી લેશે
12 જુલાઈ, 2024ના રોજ યોજાનાર અનંત અંબાણી અને રાધિકા મર્ચન્ટના લગ્ન એક મોટી ઈવેન્ટ છે, જ
12 જુલાઈ, 2024ના રોજ યોજાનાર અનંત અંબાણી અને રાધિકા મર્ચન્ટના લગ્ન એક મોટી ઈવેન્ટ છે, જેમાં લગ્ન પહેલા ઘણા ફંક્શન થશે. જેમ અંબાણીના તમામ લગ્નમાં થાય છે તેમ તેમના નાના પુત્રના લગ્ન પહેલા પોપ સિંગર જસ્ટિન બીબર તેના પ્રી-વેડિંગ ફંક્શનમાં પરફોર્મ કરશે. પોપ સિંગર જસ્ટિન બીબર આજે (4 જુલાઈ) સવારે મુંબઈ પહોંચી ગયો હતો.
અનંત-રાધિકાના સંગીત માટે આવ્યો જસ્ટિન બીબર
જસ્ટિન બીબર શુક્રવાર, 5 જુલાઈના રોજ કપલના સંગીતમાં પરફોર્મ કરશે. અનંત અંબાણી અને રાધિકા મર્ચન્ટના સંગીત સમારોહમાં જસ્ટિન બીબર ઉપરાંત બાદશાહ અને કરણ ઔજલા પણ પરફોર્મ કરે તેવી શક્યતા છે. અગાઉ એક મીડિયા રિપોર્ટમાં એવું કહેવામાં આવ્યું હતું કે અંબાણી પરિવાર આગામી વેડિંગ ફંક્શનમાં પરફોર્મ કરવા માટે એડેલ, ડ્રેક અને લાના ડેલ રે સાથે ચર્ચા કરી રહ્યા છે.
અનંત અંબાણી અને રાધિકા મર્ચન્ટના મિત્રો એક મ્યુઝિકલ ડ્રામા પણ રજૂ કરશે જેમાં તેઓ કપલની લવ સ્ટોરી દર્શાવશે.
જસ્ટિન બીબરની ફી કેટલી છે?
જસ્ટિન બીબર સૌથી પ્રખ્યાત સિંગર્સમાંથી એક છે અને ફેન્સ તેના કોન્સર્ટમાં હાજરી આપવા માટે લાખો રૂપિયા ખર્ચે છે. અહેવાલો અનુસાર જસ્ટિનની ફી રૂ. 50 કરોડ સુધીની છે પરંતુ અંબાણીના કિસ્સામાં તે વધુ હોવાની શક્યતા છે કારણ કે તે ફૂડ, મુસાફરી, રહેઠાણ અને અન્ય ખર્ચાઓ પણ ચૂકવી રહ્યા છે.
12 જુલાઈએ અનંત-રાધિકા કરશે લગ્ન
એશિયાના સૌથી ધનિક વ્યક્તિ મુકેશ અંબાણીનો સૌથી નાનો પુત્ર અનંત અંબાણી 12 જુલાઈના રોજ રાધિકા મર્ચન્ટ સાથે મુંબઈમાં મુકેશ અંબાણીના જિયો વર્લ્ડ સેન્ટરમાં લગ્ન કરશે. લગ્ન સમારોહનું આયોજન પરંપરાગત હિન્દુ વૈદિક વિધિ મુજબ કરવામાં આવશે. આ કપલના લગ્નનું રિસેપ્શન 14 જુલાઈના રોજ યોજાશે.
