ઈન્ટરનેશનલ સિંગર જસ્ટિન બીબર અનંત-રાધિકાના સંગીત સેરેમનીમાં પરફોર્મ કરવા આવ્યો ભારત

મુકેશ અંબાણીના નાના પુત્ર અનંત અંબાણીની સંગીત સેરેમની 5મી જુલાઈ એટલે કે આજે છે. આ પ્રસંગે પરફોર્મ કરવા માટે જસ્ટિન બીબર મુંબઈ પહોંચી ગયો છે. જસ્ટિન બીબર લોસ એન્જલસથી અનંત અંબાણી અને રાધિકા મર્ચન્ટના મ્યુઝિકલ ફંક્શનમાં પરફોર્મ કરવા આવ્યો છે. મુંબઈ એરપોર્ટ પરથી બહાર આવતા ઈન્ટરનેશનલ સિંગરની ઘણી તસવીરો સોશિયલ મીડિયા પર વાયરલ થઈ રહી છે.

રીહાન્ના અને કેટી પેરીથી લઈને બેકસ્ટ્રીટ બોયઝ સુધી, ઘણા હોલીવુડ ગાયકો અનંત અંબાણી અને રાધિકા મર્ચન્ટના પ્રી-વેડિંગ ફંક્શનમાં પરફોર્મ કરી ચૂક્યા છે. હવે આંતરરાષ્ટ્રીય ગાયક જસ્ટિન બીબર શુક્રવારે અનંત-રાધિકાના સંગીત ફંક્શનમાં પરફોર્મ કરવા માટે લોસ એન્જલસથી આવ્યો છે.

મુંબઈ એરપોર્ટ પરથી બહાર આવતા ઈન્ટરનેશનલ સિંગર જસ્ટિન બીબરની ઘણી તસવીરો સોશિયલ મીડિયા પર વાયરલ થઈ રહી છે. તસવીરોમાં જસ્ટિન કેઝ્યુઅલ લુકમાં જોવા મળ્યો હતો. જસ્ટિન બીબર ગુલાબી ટી-શર્ટ સાથે બ્લુ ડેનિમ પહેરેલો જોવા મળ્યો હતો. તેમજ જસ્ટિન રેડ કલરની કેપમાં ખૂબ જ હેન્ડસમ લાગી રહ્યો હતો.

આ તસવીરોમાં જોઈ શકાય છે કે જસ્ટિન બીબર જ્યારે કાલીના એરપોર્ટથી નીકળી રહ્યો હતો ત્યારે ત્યાં ઘણી સુરક્ષા હતી. તેમજ તેને જોવા માટે ચાહકોની ભારે ભીડ ઉમટી પડી હતી.

રિપોર્ટ્સ અનુસાર, ભારતમાં જસ્ટિનનું પહેલું મ્યુઝિકલ ફંક્શન 2017માં થયું હતું. જસ્ટિન 2022માં ફરી ભારતમાં પરફોર્મ કરવાનો હતો પરંતુ તબિયત ખરાબ હોવાને કારણે તેણે કોન્સર્ટ રદ કરી દીધો હતો.

આ પહેલા રિહાન્નાએ ગુજરાતના જામનગરમાં અનંત-રાધિકાની પ્રી-વેડિંગ પાર્ટીમાં પરફોર્મ કર્યું હતું. અનંત અને રાધિકા 12 જુલાઈના રોજ લગ્ન કરવા જઈ રહ્યા છે. બુધવારે રાધિકાની મામેરુ વિધિ થઈ હતી. હવે આજે કપલનું એક મોટું ફંક્શન થવાનું છે, જેમાં માનવામાં આવી રહ્યું છે કે જસ્ટિન બીબર પરફોર્મ કરી શકે છે.

અહેવાલ મુજબ, જસ્ટિન બીબર અનંત અને રાધિકાના સંગીતમાં પોતાનો જાદુ બતાવવા માટે લગભગ 10 મિલિયન ડોલર એટલે કે ભારતીય ચલણમાં લગભગ 83 કરોડ રૂપિયા ચાર્જ કરી રહ્યા છે.

દુનિયાભરમાં પોપ સિંગિંગ માટે પ્રખ્યાત જસ્ટિન બીબર પોતાના શાનદાર અંગ્રેજી ગીતોથી પોતાના ચાહકોના દિલ પર રાજ કરે છે. પ્રખ્યાત પોપ સ્ટાર જસ્ટિન બીબરની નેટવર્થની વાત કરીએ તો તેમની પાસે કરોડોની નહીં પણ અબજોની સંપત્તિ છે.