કેન્સરની સારવાર લઈ રહેલી હિના ખાન બની દુલ્હન, લાલચટક ડ્રેસમાં લાગી ગજબની સુંદર
ફેમસ ટીવી એક્ટ્રેસ હિના ખાને આ વર્ષે જૂનમાં તેના ઇન્સ્ટાગ્રામ પર તેના તમામ ફેન્સ
ફેમસ ટીવી એક્ટ્રેસ હિના ખાને આ વર્ષે જૂનમાં તેના ઇન્સ્ટાગ્રામ પર તેના તમામ ફેન્સને ચોંકાવનારા સમાચાર આપ્યા હતા અને જણાવ્યું હતું કે, તેને સ્ટેજ 3 બ્રેસ્ટ કેન્સર છે. તેણે તેના ફેન્સને ખાતરી પણ આપી કે, તે આ બીમારી સામે લડવા માટે સંપૂર્ણ રીતે તૈયાર છે અને તેની સારવાર ચાલી રહી છે. એક્ટ્રેસ હંમેશા તેના ફેન્સ સાથે તેના સ્વાસ્થ્ય અને કીમોથેરાપી સેશન સંબંધિત અપડેટ્સ શેર કરતી રહે છે. આ દરમિયાન હિનાએ તેના ઈન્સ્ટાગ્રામ પર એક ખૂબ જ ક્યૂટ વીડિયો શેર કર્યો છે.
વીડિયોમાં હિના લાલ કલરના બ્રાઈડલ આઉટફિટમાં ખૂબ જ સુંદર લાગી રહી છે. કેન્સરની સારવાર લઈ રહેલી હિના ખાન હિંમત હારી નથી અને પોતાનું કામ કરી રહી છે. જેનો પુરાવો આ વીડિયો છે, જે સોશિયલ મીડિયા પર વાયરલ થઈ રહ્યો છે. જેમાં તે પૂરા આત્મવિશ્વાસ સાથે રેમ્પ વૉક કરતી જોવા મળી રહી છે. હિનાના આ વીડિયો પર તેના ફેન્સ પણ તેની હિંમત અને લુક્સના વખાણ કરી રહ્યા છે. આ વીડિયો શેર કરતી વખતે હિનાએ એક સુંદર કેપ્શન પણ શેર કર્યું છે, જે ફેન્સને પસંદ આવી રહ્યું છે.
લાલ ડ્રેસ પહેરીને દુલ્હન બની હિના ખાન
પોતાનો આ ક્યૂટ વીડિયો શેર કરતા હિના ખાને કેપ્શનમાં લખ્યું છે કે, 'મારા પિતા હંમેશા કહેતા હતા કે, અરે પપ્પાની મજબૂત દીકરી, રડવાનું બંધ કરો, તમારી સમસ્યાઓ વિશે ક્યારેય ફરિયાદ ન કરો, તમારા જીવનની જવાબદારી લો, હિંમતથી તેનો સામનો કરો. તેથી મેં પરિણામની ચિંતા કરવાનું છોડી દીધું અને ફક્ત મારા હાથમાં શું હતું તેના પર ધ્યાન કેન્દ્રિત કર્યું. બાકીનું બધું અલ્લાહ પર છોડી દો, તે તમારી મહેનત જુએ છે, તમારી પ્રાર્થનાઓ સાંભળે છે અને તમારા દિલની વાત જાણે છે. તે સહેલું ન હતું, પણ મેં મારી જાતને વારંવાર કહ્યું, હિના આગળ વધતી રહે, ક્યારેય અટકીશ નહીં. ગત રાત્રે ઘણા સમય બાદ તે દુલ્હનના ગેટઅપમાં આવી હતી.
વીડિયોમાં હિનાના ચાર્મને લઈને ફેન્સ ક્રેઝી થયા
આટલું જ નહીં, વીડિયોમાં હિના ખાન પોતાના લુક અને સુંદર સ્મિતથી ફેન્સનું દિલ જીતતી જોવા મળે છે. તેની સ્ટાઈલને લઈને ફેન્સ ક્રેઝી થઈ રહ્યા છે. થોડા સમય પહેલા, તેની ઇન્સ્ટાગ્રામ સ્ટોરી પર તેની કેટલીક તસવીરો શેર કરતી વખતે, હિનાએ કીમોથેરાપીની આડઅસરો વિશે વાત કરી હતી. તેણે કહ્યું હતું કે, કીમોથેરાપીની સૌથી મોટી આડ અસર વારંવાર પરસેવો આવે છે. દર દસ મિનિટે તેનો ચહેરો પરસેવાથી ભરાઈ જાય છે. આ સિવાય હિના તેના કીમોથેરાપી સેશન પણ શેર કરતી રહે છે.
