Independence Day: આ છે આઝાદ ભારતની પહેલી ફિલ્મ, રિલીઝ થતાંની સાથે રચ્યો હતો બોક્સ ઓફિસ પર ઈતિહાસ

ભારતને આઝાદી મળતાની સાથે જ 'શહનાઈ' નામની ફિલ્મ થિયેટરમાં રિલીઝ થઈ હતી. આ ફિલ્મે બોક્સ ઓફિસ પર સારી કમાણી કરી હતી અને તે વર્ષની પાંચમી સૌથી વધુ કમાણી કરનારી ફિલ્મ બની હતી. આ ફિલ્મનું નામ હિન્દી સિનેમાની સુપરહિટ ફિલ્મોમાં પણ જોવા મળે છે અને તે યાદગાર એટલા માટે પણ છે કારણ કે, તે સ્વતંત્રતા દિવસે રિલીઝ થઈ હતી. 'શહનાઈ' ફિલ્મ 1947માં આખા ભારતમાં રિલીઝ થઈ હતી. આ ફિલ્મે કમાણીના મામલે રેકોર્ડ બનાવ્યો અને તે વર્ષની સૌથી વધુ કમાણી કરનારી ફિલ્મોની યાદીમાં સ્થાન મેળવ્યું. આ ફિલ્મ સિવાય અમે તમને જણાવીએ કે બીજી કઈ કઈ ફિલ્મો છે.

'શહનાઈ' સ્વતંત્રતા દિવસે રિલીઝ થઈ હતી

રાજકુમાર સંતોષીના પિતા પીએલ સંતોષી દ્વારા દિગ્દર્શિત અને નિર્મિત ફિલ્મ 'શહનાઈ' 15 ઓગસ્ટ 1947ના રોજ રિલીઝ થઈ હતી. ફિલ્મમાં સી રામચંદ્ર, ઈન્દુમતી, વીએચ દેસાઈ, નસીર ખાન, રિહાન્ના અને કિશોર કુમાર જેવા કલાકારો જોવા મળ્યા હતા. આ એક રોમેન્ટિક અને ડ્રામા ફિલ્મ હતી જેને દર્શકોએ ખૂબ પસંદ કરી હતી, તમે આ ફિલ્મને યુટ્યુબ પર ફ્રીમાં જોઈ શકો છો.

'શહનાઈ'ની બોક્સ ઓફિસ પર કમાણી

પીએલ સંતોષીની ફિલ્મ 'શહનાઈ' વર્ષ 1947ની પાંચમી સૌથી વધુ કમાણી કરનારી ફિલ્મ હતી. આ લિસ્ટમાં 'જુગનુ'નું નામ સૌથી પહેલા આવે છે, ત્યારબાદ 'દો ભાઈ', 'દર્દ' અને 'મિર્ઝા સાહિબાન'નું નામ આવે છે જેણે ભારે કમાણી કરી હતી. ફિલ્મ 'શહનાઈ'એ કેટલી કમાણી કરી હતી તેનો ડેટા હાલમાં ઉપલબ્ધ નથી, પરંતુ તે વર્ષની જંગી કમાણી કરનારી ફિલ્મોમાં તેનો સમાવેશ થાય છે.