'શૂટિંગના માત્ર એક મહિના પહેલા ફિલ્મ...', ફરહાન અખ્તરે રણવીર સિંહનું નામ લીધા વિના કર્યો કટાક્ષ

બોલિવૂડમાં હાલના દિવસોમાં ડિરેક્ટર ફરહાન અખ્તર અને સુપરસ્ટાર રણવીર સિંહ વચ્ચેનો વિવાદ અટકવાનું નામ નથી લઈ રહ્યો. ફિલ્મ 'ડોન 3' નું શૂટિંગ શરૂ થવાના બરાબર થોડા દિવસો પહેલાં જ રણવીર સિંહ અચાનક પ્રોજેક્ટમાંથી બહાર થઈ જતાં મોટો કાનૂની વિવાદ ઊભો થયો હતો. હવે પોતાની કલ્ટ ક્લાસિક ફિલ્મ 'દિલ ચાહતા હૈ' ના 25 વર્ષ પૂરા થવાના અવસર પર ફરહાન અખ્તરે આ વિવાદ પર મૌન તોડ્યું છે. ફરહાને નામ લીધા વિના રણવીર સિંહ પર એવો વેધક કટાક્ષ કર્યો છે કે આખી ઈન્ડસ્ટ્રીમાં સનસનાટી મચી ગઈ છે.

આ પણ વાંચો :

એઆર રહેમાનના પુત્ર અમીનનો થયો રોડ અકસ્માત, પોતે ચલાવી રહ્યો હતો પોર્શ

‘ઇશ્કનામા’ના સેટ પર શેહનાઝ ગિલ સાથે અકસ્માત, નોઝ રિંગ ગળી જતા ગભરાઈ એક્ટ્રેસ

રણવીર સિંહનું નામ લીધા વિના કર્યો કટાક્ષ

આ પણ વાંચો :

બોલિવૂડની ગ્લેમર લાઈફ છોડી સેનામાં જોડાઈ! જાણો કોણ છે રવિ કિશનની પુત્રી ઈશિતા શુક્લા

સની દેઓલ અને સંજય દત્તની જેમ ગોવિંદા કેમ કમબેક ન કરી શક્યા? આ ભૂલો પડી ભારે

એક ઇન્ટરવ્યુમાં ફરહાન અખ્તર પોતાની પહેલી ડાયરેક્ટોરિયલ ફિલ્મ 'દિલ ચાહતા હૈ' સાથે જોડાયેલો એક જૂનો કિસ્સો સંભળાવી રહ્યો હતો. તેણે જણાવ્યું કે કેવી રીતે શૂટિંગ શરૂ થવાના ગણતરીના દિવસો પહેલાં જ સૈફ અલી ખાન બીજી ફિલ્મની ડેટ્સના કારણે ફિલ્મ છોડવા માંગતો હતો. એ સમયે તેનું દિલ તૂટી ગયું હતું.

આ જ વાતને આગળ વધારતાં ફરહાને અચાનક રણવીર સિંહના 'ડોન 3' માંથી વોકઆઉટ કરવાની ઘટના તરફ ઈશારો કરી દીધો. ફરહાને હસતાં-હસતાં અને રમૂજ અંદાજમાં કહ્યું કે, "શૂટિંગના માત્ર એક મહિના પહેલા ફિલ્મ છોડી દેવી… આજકાલ તો આ એક પેટર્ન બનતી જઈ રહી છે." ફરહાનનો આ કટાક્ષ સાંભળતાં જ ઇન્ટરવ્યુ લેનાર રિપોર્ટર જોર-જોરથી હસવા લાગ્યો.

આ માત્ર મારી સાથે જ નથી રહ્યું

ઇન્ટરવ્યુઅરનું હાસ્ય જોઈને ફરહાન અખ્તરે આગળ કહ્યું કે, "આ માત્ર મારી સાથે જ નથી થઈ રહ્યું. આજકાલ આવી ઘટનાઓ ખૂબ સામાન્ય બની ગઈ છે." ભલે ફરહાને સીધું નામ ન લીધું હોય, પરંતુ તેના આ પેટર્નવાળા નિવેદનને સીધી રીતે રણવીર સિંહની એ હરકત સાથે જોડીને જોવામાં આવી રહ્યું છે, જેના કારણે ફિલ્મ નિર્માતાઓને મોટું નુકસાન વેઠવું પડ્યું હતું.

45 કરોડનું નુકસાન અને FWICE વિવાદ

તમને જણાવી દઈએ કે, રણવીર સિંહના 'ડોન 3' માંથી અચાનક હટી જતાં બોલિવૂડમાં મોટો વિવાદ સર્જાયો હતો. રિપોર્ટ્સ પ્રમાણે રણવીરે પોતાની સાઈનિંગ એમાઉન્ટ પરત કરવાની ઓફર કરી હતી, પરંતુ મેકર્સનું કહેવું હતું કે પ્રી-પ્રોડક્શનમાં તેમને 45 કરોડનું નુકસાન થયું છે, જેની ભરપાઈ થવી જોઈએ.

ત્યારબાદ ફરહાન અખ્તરે ફિલ્મ ફેડરેશન (FWICE) ના દરવાજા ખખડાવ્યા હતા, જેના પગલે ફેડરેશને રણવીર સિંહ સામે અસહકારનું વલણ અપનાવ્યું હતું. જોકે, પાછળથી તેને પરત ખેંચી લેવામાં આવ્યું હતું. બીજી તરફ રણવીર સિંહે પણ પોતાના વકીલ મારફતે લીગલ નોટિસ મોકલી હતી.

20 વર્ષ પછી પણ 'ડોન 3' પર સસ્પેન્સ યથાવત

'ડોન' ફ્રેન્ચાઈઝીના ફેન્સ લાંબા સમયથી 'ડોન 3' ની રાહ જોઈ રહ્યા છે. પહેલા શાહરૂખ ખાનનું આ પ્રોજેક્ટમાંથી અલગ થવું અને ત્યારબાદ હવે શૂટિંગના ઠીક પહેલા રણવીર સિંહના વોકઆઉટ કરવાથી મેકર્સનું પ્લાનિંગ સંપૂર્ણપણે ખોરવાઈ ગયું છે. ફરહાન અખ્તરના આ તાજેતરના નિવેદને ફરી એકવાર બંને વચ્ચેની કડવાશને છતી કરી દીધી છે.