એલ્વિશ યાદવની વધી મુશ્કેલી, કોર્ટે FIR નોંધવાનો આપ્યો આદેશ

એલ્વિશ યાદવ ટીવીના લોકપ્રિય રિયાલિટી શો 'લાફ્ટર શેફ્સ 2' માં ભાગ લઈ રહ્યો છે. આ શો 25 જાન્યુઆરીએ કલર્સ ટીવી પર પ્રીમિયર થવા જઈ રહ્યો છે.

સોશિયલ મીડિયા ઇન્ફ્લુએન્સર અને યુટ્યુબર એલ્વિશ યાદવની મુશ્કેલીઓ વધતી જતી હોય તેવું લાગે છે. તાજેતરમાં, ગાઝિયાબાદ કોર્ટે તેમની સામે FIR નોંધવાનો આદેશ આપ્યો છે. તેમના પર મેનકા ગાંધીના NGO પીપલ ફોર એનિમલ્સ (PFA) ના સભ્ય સૌરભ ગુપ્તાની સોસાયટીમાં બળજબરીથી પ્રવેશવાનો અને તેમનો પીછો કરવાનો આરોપ છે.

મળતી માહિતી મુજબ, સૌરભ ગુપ્તાએ ગાઝિયાબાદ કોર્ટમાં ફરિયાદ દાખલ કરી હતી. ફરિયાદમાં એલ્વિશ યાદવ અને તેના સાથીઓ પર તેમની સોસાયટીમાં બળજબરીથી પ્રવેશવાનો આરોપ મૂકવામાં આવ્યો હતો. આ ઉપરાંત ફરિયાદમાં એવો દાવો કરવામાં આવ્યો હતો કે એલ્વિશ તેની અને તેના ભાઈ ગૌરવ ગુપ્તાની રેકી કરી રહ્યો હતો.

નંદગ્રામ પોલીસ સ્ટેશને ફરિયાદ પર કોઈ કાર્યવાહી કરી ન હતી

આ પહેલા PFA એ નોઈડામાં એલ્વિશ યાદવ વિરુદ્ધ FIR નોંધાવી હતી. જે બાદ તેણે યુટ્યુબર પર આ આરોપો લગાવ્યા છે. આ મામલે ગાઝિયાબાદના નંદગ્રામ પોલીસ સ્ટેશનમાં ફરિયાદ પણ નોંધાઈ છે. જ્યારે સ્થાનિક પોલીસે કાર્યવાહી ન કરી, ત્યારે મામલો કોર્ટમાં પહોંચ્યો. હવે કોર્ટે આ મામલે FIR નોંધવાના નિર્દેશ આપ્યા છે.

'લાફ્ટર શેફ્સ 2' 25 જાન્યુઆરીએ કલર્સ ટીવી પર શરૂ થશે

તમને જણાવી દઈએ કે એલ્વિશ યાદવ ટીવીના લોકપ્રિય રિયાલિટી શો 'લાફ્ટર શેફ્સ 2' માં ભાગ લઈ રહ્યો છે. આ શો 25 જાન્યુઆરીએ કલર્સ ટીવી પર પ્રીમિયર થવા જઈ રહ્યો છે. આ વખતે આ શો ભારતી સિંહ હોસ્ટ કરશે, એલ્વિશ ઉપરાંત, શોમાં મન્નારા ચોપરા, અબ્દુ રોજિક, રૂબીના દિલૈક અને અન્ય કલાકારો પણ જોવા મળશે.