દિલજીત દોસાંઝે રચ્યો ઈતિહાસ, વેનકુવર સ્ટેડિયમમાં પરફોર્મ કરનાર પ્રથમ પંજાબી ગાયક બન્યો
દિલજીત દોસાંઝ મ્યુઝિક ઈન્ડસ્ટ્રીનું જાણીતું નામ છે. પંજાબી સિંગર દિલજીતે
દિલજીત દોસાંઝ મ્યુઝિક ઈન્ડસ્ટ્રીનું જાણીતું નામ છે. પંજાબી સિંગર દિલજીતે ફરી એકવાર નવો ઈતિહાસ રચ્યો છે. અનંત અંબાણી-રાધિકા મર્ચન્ટના પ્રી-વેડિંગ બાદ અભિનેતા-ગાયક દિલજીત દોસાંઝ ફરી એકવાર ચર્ચામાં છે. દર વર્ષની જેમ આ વર્ષે પણ તે ઈન્ટરનેશનલ લાઈવ કોન્સર્ટમાં પરફોર્મ કરતો જોવા મળ્યો હતો, પરંતુ દિલજીત દોસાંઝે કેનેડાના વેનકુવરમાં બીસી પ્લેસ સ્ટેડિયમમાં લાઈવ પરફોર્મન્સ આપનાર પ્રથમ પંજાબી ગાયક બનીને નવો ઈતિહાસ રચ્યો છે. તેઓ પંજાબી સંગીતને પ્રોત્સાહન આપવા માટે જાણીતા છે. કેનેડાના વેનકુવરમાં બીસી પ્લેસ સ્ટેડિયમમાં 55 હજારથી વધુ લોકો વચ્ચે પરફોર્મ કરીને સિંગરે નવી સિદ્ધિ હાંસલ કરી છે. દિલજીતે તેના સોશિયલ મીડિયા હેન્ડલ પર તેના પરફોર્મન્સની ઝલક શેર કરી છે.
દિલજીત દોસાંઝે ઈતિહાસ રચ્યો
સૌથી લોકપ્રિય ગાયક દિલજીત દોસાંઝે તાજેતરમાં કેનેડામાં ધૂમ મચાવી હતી અને ઇમ્તિયાઝ અલીની બાયોપિક 'અમર સિંહ ચમકીલા'માં પણ પોતાના કામથી બધાનું દિલ જીતી લીધું હતું. તેણે વેનકુવરના બીસી પ્લેસ સ્ટેડિયમમાં પોતાના ગીતો વડે દર્શકોને મંત્રમુગ્ધ કર્યા હતા. જ્યાં 54 હજારથી વધુ લોકો પહોંચી ગયા હતા. દિલજીતે એક રેકોર્ડ બનાવ્યો છે, જેના કારણે તે ચર્ચામાં રહે છે. આ ઐતિહાસિક લાઇવ કોન્સર્ટમાં, દિલજીતે બ્લેક આઉટફિટ પહેર્યો હતો અને તેનું હિટ ગીત 'GOAT' ગાતા યાદગાર પરફોર્મન્સ આપ્યું હતું. દિલજીત દોસાંઝ કેનેડાના વેનકુવરમાં બીસી પ્લેસ સ્ટેડિયમમાં પરફોર્મ કરનારો પહેલો પંજાબી સિંગર બન્યો છે.
વેનકુવરમાં પરફોર્મ કરનાર પ્રથમ પંજાબી ગાયક બન્યા
દિલજીતે તેની ઈવેન્ટની તસવીરો પણ ઈન્સ્ટાગ્રામ પર શેર કરી છે, જેમાંથી એકમાં તે સફેદ પેટર્નમાં જોઈ શકાય છે. બીજી તસવીરમાં ગાયકને બ્લેક કલરની હૂડીમાં જોઈ શકાય છે.
'અમર સિંહ ચમકીલા'માં પરિણીતી ચોપરા સાથે જોવા મળ્યો હતો
આ દિવસોમાં સિંગર દિલજીત દોસાંઝ ચર્ચામાં છે. તે હાલમાં જ Netflix ફિલ્મ 'અમર સિંહ ચમકીલા'માં પરિણીતી ચોપરા સાથે જોવા મળ્યો હતો. અભિનેત્રીએ આ ફિલ્મમાં ચમકીલાની પત્ની અમરજોત સિંહની ભૂમિકા ભજવી હતી. પ્રખ્યાત ગાયક અમરસિંહ ચમકીલાની હત્યા કરવામાં આવી હતી. આ ફિલ્મ તેમના જીવન પર આધારિત છે.
