દિલ્હી પોલીસે 500 કરોડના કૌભાંડમાં ફસાયેલા એલ્વિશ યાદવ અને ભારતી સિંહને મોકલ્યા સમન્સ

યુટ્યુબર એલ્વિશ યાદવની મુશ્કેલીઓનો અંત આવવાના કોઈ સંકેત દેખાઈ રહ્યા નથી. હવે દિલ્હી પોલીસે તેને 500 કરોડ રૂપિયાના ફ્રોડ એપ કૌભાંડમાં પૂછપરછ માટે સમન્સ મોકલ્યો છે. માત્ર એલ્વિશ યાદવ જ નહીં, કોમેડિયન ભારતી સિંહ, યુટ્યુબર અભિષેક મલ્હાન અને અન્ય ઘણા સ્ટાર્સ અને સોશિયલ મીડિયા ઇનફ્લુઆન્સર્સને પોલીસે પૂછપરછ માટે બોલાવ્યા છે. HIBOX એ એક મોબાઇલ એપ્લિકેશન છે જે આયોજિત કૌભાંડ હતું. જે ફેબ્રુઆરી 2024માં વધુ વળતર આપવાના વચન સાથે આવ્યો હતો. આ એપમાં 30 હજારથી વધુ લોકોએ રોકાણ કર્યું હતું. દિલ્હી પોલીસે HiBox એપ રોકાણ કૌભાંડનો પર્દાફાશ કર્યો છે. જ્યાં 500થી વધુ ફરિયાદો મળી હતી. તપાસ બાદ દિલ્હી પોલીસના ઈન્ટેલિજન્સ ફ્યુઝન એન્ડ સ્ટ્રેટેજિક ઓપરેશન યુનિટ (IFSO)ને પણ મોટી સફળતા મળી છે. તેઓએ એક મુખ્ય આરોપીની પણ ધરપકડ કરી છે.

ભારતી સિંહ અને એલ્વિશ સહિત આ સ્ટાર્સ પણ ફસાયા

એલ્વિશ યાદવ, અભિષેક મલ્હાન અને ભારતી સિંહ સિવાય પોલીસે હર્ષ લિમ્બાચિયા, લક્ષ્ય ચૌધરી, પુરવ ઝા, આદર્શ સિંહ, દિલજીત સિંહ રાવત, સોશિયલ મીડિયા ઇનફ્લુઆન્સર્સ અને યુટ્યુબર્સ સહિત ઘણા લોકોને સમન્સ મોકલ્યા છે. તેમના પર કપટપૂર્ણ એપ્સને પ્રમોટ કરવાનો આરોપ છે.

માસ્ટરમાઇન્ડ પકડાયો

એક અહેવાલ મુજબ, IFSOએ ચેન્નાઈના એક 30 વર્ષના વ્યક્તિની ધરપકડ કરી છે. આ સિવાય ચાર બેંક ખાતા લોક કરી દેવામાં આવ્યા છે અને 18 કરોડ રૂપિયા પણ વસૂલવામાં આવ્યા છે.

શું છે HiBox એપ ઇન્વેસ્ટમેન્ટ સ્કેમ?

હાઇબોક્સ એક એવી એપ છે જેની ટેગલાઇન છે ‘રીસેલ એન્ડ અર્ન, 100% વિન’. તે ફેબ્રુઆરી 2024માં લોન્ચ કરવામાં આવી હતી. આ એપ્લિકેશન મોટા વળતરનું વચન આપે છે. દાવો કરવામાં આવે છે કે, તમે આનાથી 11 લાખ રૂપિયા સુધીનું ઈનામ જીતી શકો છો. તમે તેમાં ઓછામાં ઓછા 300 રૂપિયાનું રોકાણ કરી શકો છો. છેતરપિંડી કરનારાઓએ યુઝર્સને રોજના 1થી 5 ટકા વ્યાજ આપવાનું વચન આપ્યું હતું.

આ કૌભાંડમાં 30 હજાર લોકો પણ ફસાયા હતા. તેણે મોબાઈલ એપ્સમાં પણ રોકાણ કર્યું હતું. એવું કહેવામાં આવી રહ્યું છે કે, શરૂઆતમાં લોકોને સારું વળતર આપવામાં આવ્યું હતું, પરંતુ જુલાઈ 2024 સુધીમાં તેઓએ ઘણી તકનીકી ખામીઓ, GST અને IT સંબંધિત સમસ્યાઓનું કારણ આપીને પૈસા આપવાનું બંધ કરી દીધું હતું. આ પછી પોલીસને 500થી વધુ ફરિયાદો મળી હતી.