Video: ડેવિડ વોર્નરે બતાવ્યો 'પુષ્પરાજ' સ્વેગ, અલ્લુ અર્જુન પણ ન રોકી શક્યો હસી
સાઉથ સિનેમા અને પાન ઈન્ડિયા લેવલ પર સુપરસ્ટાર તરીકે જાણીતા
સાઉથ સિનેમા અને પાન ઈન્ડિયા લેવલ પર સુપરસ્ટાર તરીકે જાણીતા અલ્લુ અર્જુન 'પુષ્પા 2' માટે જબરદસ્ત ટ્રેન્ડમાં છે. ફિલ્મ રિલીઝ થવામાં હજુ ઘણો સમય બાકી છે, પરંતુ સમયની સાથે લોકોમાં અલ્લુ અર્જુનનો ક્રેઝ વધી રહ્યો છે. અલ્લુ અર્જુનના 'પુષ્પા', 'ફાયર હૈ મેં' અને 'મેં ઝુકેગા નહીં સાલા' જેવા સિગ્નેચર ડાયલોગ્સથી સોશિયલ મીડિયા પર મીમ્સનું પૂર આવ્યું છે.
ડેવિડ વોર્નર પણ થયો અલ્લુ અર્જુનના ડાયલોગ્સનો ફેન
'પુષ્પા'નો ક્રેઝ માત્ર ભારતીયોમાં જ નહીં, વિદેશીઓમાં પણ છે. ઓસ્ટ્રેલિયન ક્રિકેટર ડેવિડ વોર્નર તેનું લેટેસ્ટ ઉદાહરણ છે. તે 'પુષ્પા'થી એટલો પ્રભાવિત છે કે, તે તેની સ્ટાઈલમાં પોતાનો જાદુ બતાવતો જોવા મળ્યો છે. તેનો વીડિયો જોઈને અલ્લુ અર્જુન પોતે પણ હસવાનું રોકી શક્યો નહીં.
અલ્લુ અર્જુને આપી હતી આ પ્રતિક્રિયા
ડેવિડ વોર્નરે એડ કરી છે, જેમાં તે 'પુષ્પરાજ'ની સ્ટાઈલમાં ગુંડાઓને પોતાનો સ્વેગ બતાવતો જોવા મળે છે. વીડિયો સામે આવતાની સાથે જ તેને વાઈરલ થવામાં વધુ સમય નથી લાગ્યો. ડેવિડે તેને ઈન્સ્ટાગ્રામ પર શેર કર્યું, જેને જોઈને અલ્લુ અર્જુન હસવાનું રોકી શક્યો નહીં. તેણે સ્માઇલિંગ ઇમોજી, ફાયર સાઇન અને થમ્બ્સ અપ સાથે ડેવિડ વોર્નરના પર્ફોર્મન્સના વખાણ કર્યા છે.
'પુષ્પા 2'ના ગીતો થયા ફેમસ
તાજેતરમાં જ નિર્માતાઓએ અલ્લુ અર્જુન અને રશ્મિકા મંદાના સ્ટારર ફિલ્મનું બીજું સિંગલ ગીત 'અંગારો' રિલીઝ કર્યું છે. આ ગીતને ખૂબ પસંદ કરવામાં આવી રહ્યું છે. ઘણા ફેન્સ'પુષ્પા' અને 'શ્રીવલ્લી'ની શૈલીમાં એકદમ એવો જ ડાન્સ કરી રહ્યા છે. સુકુમાર દ્વારા નિર્દેશિત 'પુષ્પા 2' આ વર્ષે સ્વતંત્રતા દિવસ એટલે કે 15મી ઓગસ્ટે રિલીઝ થઈ રહી છે.
