VIDEO / કોન્સર્ટ પહેલા ભક્તિના રંગે રંગાયો કોલ્ડપ્લે સિંગર ક્રિસ માર્ટિન, ગર્લફ્રેન્ડ સાથે કર્યા મહાદેવના દર્શન
મુંબઈમાં કોન્સર્ટ પહેલા કોલ્ડપ્લે બેન્ડના સિંગર ક્રિસ માર્ટિને તેની ગર્લફ્રેન્ડ અને અમેરિકન
મુંબઈમાં કોન્સર્ટ પહેલા કોલ્ડપ્લે બેન્ડના સિંગર ક્રિસ માર્ટિને તેની ગર્લફ્રેન્ડ અને અમેરિકન અભિનેત્રી ડકોટા જોહ્ન્સન સાથે બાબુલનાથ મંદિરની મુલાકાત લીધી હતી. જ્યાં આ કપલે મહાદેવના આશીર્વાદ લીધા હતા. મંદિરની મુલાકાત દરમિયાન, ક્રિસ અને ડકોટા બંને પરંપરાગત ભારતીય કપડામાં જોવા મળ્યા હતા. ક્રિસે વાદળી કુર્તો પહેર્યો હતો, જ્યારે ડકોટા એક સાદા પ્રિન્ટેડ સૂટમાં જોવા મળી હતી. ક્રિસે ગળામાં રુદ્રાક્ષની માળા પણ પહેરી હતી અને ડકોટાએ તેનું માથું દુપટ્ટાથી ઢાંક્યું હતું.
આ પણ વાંચો: 'જો સૈફ વચ્ચે ન પડ્યો હોત તો...', કરીનાએ મુંબઈ પોલીસને તેના નિવેદનમાં શું કહ્યું?
ડકોટા જોહ્ન્સને પ્રાર્થના કરી
હિન્દુ પરંપરાને ધ્યાનમાં રાખીને, ક્રિસ માર્ટિને ભગવાન નંદીના કાનમાં કંઈક કહ્યું. ક્રિસ પછી, ડકોટા પણ આવું જ કરતી જોવા મળી. તેનો વીડિયો સોશિયલ મીડિયા પર પણ વાયરલ થઈ રહ્યો છે, જેમાં કપલ પ્રાર્થના કરતા અને પછી નંદીના કાનમાં કંઈક કહેતા જોઈ શકાય છે.
ક્રિસ માર્ટિન અને ડકોટા જોહ્ન્સન 2017થી ડેટ કરી રહ્યા છે
ક્રિસ માર્ટિન અને ડકોટા જોહ્ન્સનના મંદિરમાં એકસાથે આગમનથી તેમના બ્રેકઅપની અફવાઓ પર પૂર્ણવિરામ લાગી ગયો છે. છેલ્લા કેટલાક મહિનાઓથી એવી અફવાઓ ચાલી રહી હતી કે ક્રિસ માર્ટિન અને ડકોટા જોહ્ન્સન અલગ થઈ ગયા છે, પરંતુ હવે બંનેએ સાથે આવીને આ અહેવાલોને ફગાવી દીધા છે. જેઓ નથી જાણતા તેમને જણાવી દઈએ કે ડકોટા અને ક્રિસ 2017થી એકબીજાને ડેટ કરી રહ્યા છે.
કોલ્ડપ્લે કોન્સર્ટ ક્યારે છે?
ક્રિસ માર્ટિન તેના બેન્ડ કોલ્ડપ્લેના મ્યુઝિક ઓફ ધ સ્ફિયર્સ વર્લ્ડ ટૂર માટે ભારતમાં છે. યુકે બેન્ડ 18, 19 અને 21 જાન્યુઆરીએ નવી મુંબઈના ડીવાય પાટિલ સ્ટેડિયમાં પર્ફોર્મ કરશે. ચંદીગઢના એક રહેવાસીએ કાર્યક્રમ દરમિયાન બાળકોની સલામતી અંગે ચિંતા વ્યક્ત કરતી ફરિયાદ નોંધાવ્યા બાદ થાણે જિલ્લા અધિકારીઓએ આયોજકોને નોટિસ ફટકારી છે. નોટિસમાં ચેતવણી આપવામાં આવી છે કે આવા શોમાં સાઉન્ડ લેવલ 120 ડેસિબલથી વધુ ન હોવું જોઈએ. નિયમોનું પાલન ન કરવા બદલ કડક કાર્યવાહી કરવામાં આવશે.
આ દિવસે કોન્સર્ટ સ્ટ્રીમ કરવામાં આવશે
કોલ્ડપ્લે કોન્સર્ટનું લાઈવ સ્ટ્રીમીંગ 26 જાન્યુઆરી, 2025ના રોજ, ડિઝની+હોટસ્ટાર પર કરવામાં આવશે. હોટસ્ટારનો દાવો છે કે કોન્સર્ટનું હાઈ ક્વોલિટીમાં લાઈવ સ્ટ્રીમીંગ કરવામાં આવશે, જેથી લોકો તેનો આનંદ માણી શકે.
