Bigg Boss OTT 3: પતિ અરમાન મલિક અને શૌતન કૃતિકાના લગ્નને યાદ કરીને પહેલી પત્ની પાયલ રડી પડી
Bigg Boss OTT 3: Payal cries remembering Armaan Malik and Kritika's wedding | 'Bigg Boss OTT 3' ની હાલમાં ચારે બાજુ ચર્ચા ચાલી રહી છે. તેમાં થયેલા ખુલ
'Bigg Boss OTT 3' ની હાલમાં ચારે બાજુ ચર્ચા ચાલી રહી છે. તેમાં થયેલા ખુલાસાઓને કારણે પણ શો હેડલાઇન્સમાં છે. આ શોમાં YouTuber ત્રિપુટી, અરમાન મલિક અને તેની બે પત્નીઓ, પાયલ અને કૃતિકા સોશિયલ મીડિયા પર ટીકા થઈ રહી છે, પરંતુ તેમના ખુલાસાઓએ દર્શકોનું ધ્યાન પણ ખેંચ્યું છે. તાજેતરમાં, અરમાન મલિકની પ્રથમ પત્ની પાયલ તેના પતિના બીજા લગ્ન વિશે કૃતિકા મલિક સાથે વાત કરતી વખતે રડતી જોવા મળી હતી.
'Bigg Boss OTT 3'ના નિર્માતાઓ દ્વારા શેર કરવામાં આવેલા એક વીડિયોમાં પાયલ મલિક તેના પતિ અરમાન અને કૃતિકાના લગ્ન વિશે વાત કરતી જોઈ શકાય છે. તે દિવસને યાદ કરતાં તેણે કહ્યું કે કૃતિકા અને અરમાન ક્યાંક સાથે બહાર ગયા હતા અને લગ્ન કરવાનો નિર્ણય લીધો હતો. તેઓ બંને લગ્ન કરી પાછા આવે છે અને પાછળથી પાયલને કોઈ નો ફોન આવે છે અને તેને કોઈ સારા સમાચાર વિશે જાણ કરે છે. તે તરત જ સમજી ગઈ કે અરમાન અને કૃતિકાના લગ્ન થઈ ગયા છે.
પાયલ પરિવારના સભ્યોને પોતાની વાત કહી રહી હતી. આ દરમિયાન અરમાન અને કૃતિકા સોફા પર સાથે બેસીને પાયલની વાત સાંભળતા જોવા મળ્યા હતા. તરત જ, મુનિષા ખટવાણી પાયલને રોકે છે અને તેણીને પૂછે છે કે શું તેણીને લાગે છે કે તેની શ્રેષ્ઠ મિત્રએ તેના પતિ સાથે લગ્ન કરીને તેને દગો આપ્યો છે.
પાયલ મલિક એકદમ રડવા લાગી
જો કે, આ સવાલ પર પાયલને પોતાના આંસુ પર કાબૂ રાખવો મુશ્કેલ થઈ રહ્યો હતો અને પ્રશ્નનો જવાબ આપતા પહેલા જ રડવા લાગી. અરમાન તરત જ તેને સાંત્વના આપવા દોડ્યો, જ્યારે કૃતિકાએ કહ્યું કે જ્યારે પણ તે આ વાત કહે છે ત્યારે પાયલ હંમેશા ભાવુક થઈ જાય છે. બાકીના સ્પર્ધકો પણ પાયલની આસપાસ ભેગા થાય છે અને તેને સાંત્વના આપે છે. પછી અરમાને પાયલને પૂછ્યું- હવે તું ખુશ છે? ઓય, ખુશ છે ? હવે મને લાગે છે કે બંનેના લગ્ન થઈ ગયા છે. હું વચમાં આવી ગયો છું.
