બિગ બોસ સિઝન 18ના હોસ્ટનું નામ થઈ ગયું ફાઈનલ, ટૂંક સમયમાં શૂટ કરશે પ્રોમો

બિગ બોસ ઓટીટી 3 સમાપ્ત થઈ ગયું છે. આ સિઝન સના મકબૂલે જીતી હતી. ત્યારથી, ફેન્સ ટીવી પર તેના વાપસીની રાહ જોઈ રહ્યા છે. આ વિવાદાસ્પદ ટીવી શો વિશે ઘણા સમયથી અફવા ચાલી રહી હતી કે, સલમાન ખાન આ સિઝન હોસ્ટ નહીં કરે. આ પછી, ફેન્સમાં ચોક્કસપણે થોડી નિરાશા જોવા મળી હતી. જોકે, હવે આ બધી અફવાઓ પર પૂર્ણવિરામ મૂકતા ચિત્ર સ્પષ્ટ થઈ ગયું છે. સૂત્રો પાસેથી મળેલી માહિતી મુજબ, સલમાન ખાન આ શોને હોસ્ટ નહીં કરવાના તમામ સમાચાર માત્ર અફવા છે. સલમાન આ શોનો એક ભાગ છે અને તે ક્યાંય જઈ રહ્યો નથી. એવા સમાચાર છે કે, અભિનેતા ટૂંક સમયમાં તેનો પ્રોમો શૂટ કરી શકે છે.

ક્યારે શરૂ થશે બિગ બોસ?

સિઝન 17ના સફળ અંત પછી, અભિનેતા ખૂબ જ જલ્દી સિઝન 18 સાથે પરત ફરી શકે છે. એ વાતને નકારી શકાય નહીં કે, બિગ બોસ માટે સલમાન જેવો બીજો કોઈ હોસ્ટ હોઈ શકે નહીં. શોમાં સ્પર્ધકોને માર્ગદર્શન આપવાની સાથે, સલમાન જ્યારે જરૂર પડે ત્યારે તેમને ઠપકો પણ આપે છે. આ શોમાં સ્પર્ધક તરીકે ભાગ લેવા માટે ઘણા મોટા સેલેબ્સનો સંપર્ક કરવામાં આવ્યો છે. આ શો 5 ઓક્ટોબર, 2024થી પ્રીમિયર થઈ શકે છે.

સ્વાસ્થ્ય સમસ્યાનો સામનો કરી રહ્યો છે સલમાન ખાન

ઉલ્લેખનીય છે કે, ઘણા સમયથી એવા અહેવાલો હતા કે, સલમાન આ વખતે બિગ બોસ સિઝન 18 હોસ્ટ કરશે નહીં. મુંબઈમાં એક ઈવેન્ટ બાદ આ મુદ્દો વધુ વધવા લાગ્યો હતો જેમાં સલમાન ખુરશી પરથી ઊભો થવાનો સખત પ્રયાસ કરતો જોવા મળ્યો હતો. આ મુજબ, ખરાબ તબિયતના કારણે, એવું કહેવામાં આવી રહ્યું હતું કે, અભિનેતા આ વખતે બિગ બોસને હોસ્ટ કરશે નહીં. શોમાં ઈશા કોપીકર, ધીરજ ધૂપર, સોનલ વેંગુર્લેકર, જાન ખાન અને અંજલિ આનંદના નામ સ્પર્ધક તરીકે દેખાઈ રહ્યા છે.