બિગ બોસ ફેમ અબ્દુ રોજિકે UAEમાં કરી સગાઈ, મંગેતર અમીરાની પણ જોવા મળી ઝલક

સલમાન ખાનના લોકપ્રિય શો બિગ બોસમાં જોવા મળેલો અબ્દુ રોજિક દરેકનો ફેવરિટ છે. તે પોતાના વ્યક્તિત્વથી દરેકને પ્રભાવિત કરે છે. બિગ બોસના હોસ્ટ અને બોલિવૂડ સુપરસ્ટાર સલમાન ખાન પોતે તેની ખૂબ જ નજીક છે. તાજેતરમાં જ સલમાન એક ઈવેન્ટમાં અબ્દુને પણ મળ્યો હતો. હવે ભારત સહિત દુનિયાભરના દર્શકોના ફેવરિટ એવા અબ્દુ રોજિકે સગાઈ કરી લીધી છે. તેણે આ દરમિયાનની તસવીરો પણ સોશિયલ મીડિયા પર શેર કરી છે. તેની ભાવિ પત્નીની ઝલક પણ તેમાં જોઈ શકાય છે.

આ પણ વાંચોઃ 77માં કાન્સ ફિલ્મ ફેસ્ટિવલમાં થશે 'ભારત પર્વ'નું આયોજન, સર્જનાત્મક તકો સાથે કરાવાશે પરિચય

અબ્દુએ શેર કરેલા ફોટામાં જોઈ શકાય છે કે, કેવી રીતે અબ્દુ રોજિક બ્લેક આઉટફિટ પહેર્યું છે અને ટ્રેડિશનલ વેરમાં જોવા મળે છે. તેની ભાવિ પત્નીની વાત કરીએ તો તે પણ સફેદ રંગના આઉટફિટમાં જોવા મળે છે. જોકે, અબ્દુએ શેર કરેલા ફોટામાં તેની ભાવિ પત્નીનો ચહેરો નથી બતાવ્યો. ફોટોની સાથે તેણે કેપ્શનમાં લખ્યું- ‘અલહમદુલિલ્લાહ’. આ અવસર પર તેમને ચારે બાજુથી અભિનંદન મળી રહ્યા છે.

Instagram પર જુઓ

મજબૂત છે ફેન ફોલોઈંગ

આ પહેલા તેણે એક વીડિયો પણ શેર કર્યો હતો. આ વીડિયોમાં તે પોતાની સગાઈની જાહેરાત કરતી વખતે ખૂબ જ ઉત્સાહિત દેખાઈ રહ્યો હતો. તેણે વીડિયોની સાથેના કેપ્શનમાં લખ્યું - મેં ક્યારેય વિચાર્યું ન હતું કે હું આટલો ભાગ્યશાળી હોઈશ અને મને કોઈ એવી વ્યક્તિ મળશે જે મારી ખામીઓને નજરઅંદાજ કરશે અને મને પ્રેમ અને સન્માન આપશે. 7મી જુલાઈની તારીખ નક્કી કરો. હું કેટલો ખુશ છું તે શબ્દોમાં વ્યક્ત કરી શકતો નથી. અબ્દુ રોજિકની વાત કરીએ તો તે ગાયક, અભિનેતા, બોક્સર અને બિઝનેસમેન પણ છે. ઇન્સ્ટાગ્રામ પર તેના 8 મિલિયનથી વધુ ફોલોઅર્સ છે, જેમાં ઘણા ભારતીયો પણ સામેલ છે. હવે જોવાનું એ રહે છે કે, ભારતના કયા સ્ટાર્સ તેમના લગ્નમાં હાજરી આપે છે.