સૈફ અલી ખાન પહેલા આ સ્ટાર્સ પર થયો હતો જીવલેણ હુમલા, કોઈ પર જાહેરમાં એટેક, તો કોઈને મારી ગોળી

16 જાન્યુઆરી 2025ના રોજ ગુરુવારે વહેલી સવારે સૈફ અલી ખાન પર જીવલેણ હુમલો થયો હતો. અભિનેતા તેના બાંદ્રાના ઘરમાં પરિવાર સાથે સૂતો હતો ત્યારે ચોરો ઘૂસ્યા. આ સમય દરમિયાન નોકરાણીનો જીવ બચાવવા માટે સૈફ ચોરો સાથે લડ્યો અને ગંભીર રીતે ઘાયલ થયો. ચોરોએ અભિનેતા પર 3 થી 4 વાર ચાકુ વડે હુમલો કર્યો હતો, ત્યારબાદ સૈફને તરત જ લીલાવતી હોસ્પિટલમાં દાખલ કરવામાં આવ્યો. જો કે તે હવે સંપૂર્ણપણે ખતરાની બહાર છે, પરંતુ સૈફ અલી ખાન બોલિવૂડનો પહેલો અભિનેતા નથી કે જેના પર જીવલેણ હુમલો થયો હોય. આ પહેલા પણ આવી ઘણી ઘટનાઓ બની છે જ્યારે સિંગર્સ અને એક્ટર્સનો જીવ જોખમમાં હતો.

આ પણ વાંચો : સૈફ અલી ખાન રહે છે મુંબઈના આ વિસ્તારમાં, સુરક્ષા કડક, તો પછી કેવી રીતે થયો હુમલો?

સલમાન ખાનથી લઈને એપી ઢિલ્લોં સુધી ઘણી એવી હસ્તીઓ છે જેમનો જીવ જોખમમાં છે. સલમાનના ઘર પર ગોળીઓ ચલાવવામાં આવ્યા બાદ તેણે તાજેતરમાં તેના ગેલેક્સી એપાર્ટમેન્ટનું બુલેટ પ્રૂફ કરાવ્યું હતું. ગયા વર્ષે પણ આવા જ હુમલામાં એપી ઢિલ્લોંનો જીવ બચી ગયો હતો.

ગયા વર્ષે સપ્ટેમ્બરમાં કેનેડામાં પંજાબી ગાયક એપી ઢિલ્લોંના ઘર પર 14 ગોળીઓ ચલાવવામાં આવી હતી. આ હુમલામાં કોઈને ઈજા થઈ નથી, પરંતુ ગેંગસ્ટર લોરેન્સ બિશ્નોઈએ તેની જવાબદારી લીધી હતી. તેણે આ હુમલા પાછળ ગાયકની સલમાન ખાન સાથેની નિકટતા ગણાવી હતી.

ગેંગસ્ટર લોરેન્સ બિશ્નોઈએ સોશિયલ મીડિયા પર એક પોસ્ટ દ્વારા હુમલાની સંપૂર્ણ જવાબદારી લીધી અને ગાયકને સલમાન ખાનથી દૂર રહેવાની ચેતવણી આપી. એપી ઢિલ્લોંને સલમાનથી અંતર જાળવવાની સલાહ આપતા બિશ્નોઈએ ભવિષ્યમાં હુમલાની ચેતવણી પણ આપી હતી.

હવે સલમાન ખાનની વાત કરીએ તો તેના ઘર પર ઘણી વખત હુમલા થયા છે. ગેંગસ્ટર લોરેન્સ બિશ્નોઈ સાથે તેની દુશ્મની ઘણા વર્ષો જૂની છે. ગેંગસ્ટરે છેલ્લા બે દાયકામાં અભિનેતા પર અનેક વખત જીવલેણ હુમલા કર્યા છે.

ઉદિત નારાયણનો પુત્ર આદિત્ય નારાયણ અવારનવાર વિવાદોમાં ઘેરાયેલો રહે છે. સ્ટારકીડ તેની ગાયકી કરતાં વિવાદો માટે વધુ જાણીતો છે. તેઓ દરરોજ જાહેરમાં હંગામો મચાવતા રહે છે. આવી જ એક ઘટનામાં એક મહિલાએ ગાયકને થપ્પડ મારી હતી.

મીડિયા રિપોર્ટ્સ અનુસાર, આદિત્ય નારાયણે મહિલા સાથે ખરાબ વર્તન કર્યું હતું જેના કારણે તેને જાહેરમાં થપ્પડ મારવામાં આવી હતી. આ પહેલા પણ તે ઘણી વખત લોકોના ગુસ્સાનો શિકાર બની ચૂક્યો છે.

બોલિવૂડના પ્રખ્યાત વિલન શક્તિ કપૂર પર પણ જાહેરમાં હુમલો થયો છે. અભિનેતા કોલકાતામાં હતો ત્યારે બે લોકોએ તેના પર જાહેરમાં હુમલો કર્યો હતો.

કાસ્ટિંગ ડિરેક્ટર મયંક દીક્ષિત પણ આવા જ એક હુમલાનો શિકાર બન્યો છે. દિલ્હીના લક્ષ્મી નગરમાં છ લોકોએ તેના પર હુમલો કર્યો હતો. ભારે મુશ્કેલીથી જીવ બચાવીને ભાગી છૂટ્યો હતો.