VIDEO: 'તને કૂતરાની જેમ મારત, જીવતી ન ઊભી હોત', આકાંક્ષાએ શ્રેયા કાલરાને જાનથી મારવાની ધમકી આપતા મચ્યો હોબાળો!
છેલ્લું અપડેટ : 11 Jul 2026
'લોક અપ 2' (Lock Upp 2)ના લેટેસ્ટ એપિસોડમાં ભારે હોબાળો મચી ગયો છે, જેની ચર્ચા સોશિયલ મીડિયા પર પણ જોરશોરથી થઈ રહી છે. વાસ્તવમાં, એક ટાસ્ક દરમિયાન આકાંક્ષા ચૌધરીએ શ્રેયા કાલરાને જાનથી મારી નાખવાની ધમકી આપી અને અત્યંત વાંધાજનક ભાષાનો ઉપયોગ કર્યો. આ વાત પર સોશિયલ મીડિયા યુઝર્સ આકાંક્ષા પર ભડક્યા છે, તો બીજી તરફ કિશ્વર મર્ચન્ટ અને રાખી સાવંતે પણ તેને જોરદાર સંભળાવી દીધું છે. યુઝર્સે તો આકાંક્ષા ચૌધરીને 'ડોલી બિન્દ્રાની સસ્તી કોપી' સુધી કહી દીધી છે.
'લોક અપ ૨' ના હાલના એપિસોડમાં મામલો એટલો વધી ગયો કે આકાંક્ષાએ કથિત રીતે પોતાની સાથી કન્ટેસ્ટન્ટને જાનથી મારી નાખવાની ધમકી આપી દીધી. આ ઉગ્ર દલીલ ત્યારે શરૂ થઈ, જ્યારે એક ટાસ્ક દરમિયાન શ્રેયા કાલરાથી ભૂલથી આકાંક્ષાને વાગી ગયું અને તેના નાક પર ઉઝરડો પડી ગયો.
શ્રેયાને આકાંક્ષાએ કહ્યું- તને કૂતરાની જેમ મારત
આકાંક્ષાએ પોતાનો આપો ગુમાવી દીધો અને બોલી, 'જો બહાર હોત તો તને કૂતરાની જેમ મારત.' આ જ બાબતને લઈને ઈન્ટરનેટ પર હંગામો મચી ગયો છે અને યુઝર્સે આકાંક્ષા ચૌધરીને આડે હાથ લીધી છે.
"જો બહાર હોત તો તને કૂતરાની જેમ મારત. કોન્ટ્રેક્ટથી બંધાયેલી છું, નહીંતર તું જીવતી ન ઊભી હોત."
'નહીંતર જીવતી ન ઊભી હોત'
ત્યારબાદ આકાંક્ષા અને શ્રેયા વચ્ચે મામલો થાળે પડી ગયો હતો, પરંતુ થોડી જ મિનિટો પછી તણાવ ફરી વધી ગયો. જ્યાં આકાંક્ષા યોગેશ રાવત સાથે બેઠી હતી, ત્યાં શ્રેયા અન્ય કન્ટેસ્ટન્ટ્સ સાથે વાત કરતી જોવા મળી હતી. આ જોઈને આકાંક્ષા ચૌધરી ફરી એકવાર ભડકી ગઈ અને બોલી, 'કોન્ટ્રેક્ટથી બંધાયેલી છું, નહીંતર તું જીવતી ન ઊભી હોત.' આ પછી આકાંક્ષા લડાઈમાં પર્સનલ થઈ ગઈ અને શ્રેયા કાલરા પર આરોપ લગાવતા કહ્યું, 'તારી બહારની અસલિયત જણાવું કે કેટલા શુગર ડેડી પાળી રાખ્યા છે? તેમના પૈસા પર તું જલસા કરે છે.'
આકાંક્ષા ચૌધરી પર ભડક્યા યુઝર્સ, એક્શનની માંગ
આકાંક્ષા ચૌધરીના આ વર્તન પર યુઝર્સ ગુસ્સે ભરાયા છે અને તેમણે ફરાહ ખાન તથા રિતેશ દેશમુખ પાસે તેની સામે એક્શન લેવાની માંગ કરી છે. સાથે જ તેમણે આકાંક્ષા ચૌધરીને 'લોક અપ ૨' ની સૌથી ખરાબ અને ઝેરીલી કન્ટેસ્ટન્ટ ગણાવી છે. કેટલાક લોકોએ તો એમ પણ કહ્યું કે આકાંક્ષાને માત્ર સલમાન ખાન જ સુધારી શકે છે, ફરાહ કશું જ નહીં કરી શકે.
આકાંક્ષા ચૌધરીએ આપી હતી કરિયર બરબાદ કરવાની ધમકી
આ અગાઉના એપિસોડમાં પણ આકાંક્ષાએ શ્રેયાને ધમકી આપતાં કહ્યું હતું કે, તે એક વ્યક્તિનું કરિયર બરબાદ કરી ચૂકી છે અને તેનું પણ કરી નાખશે. આ બાબતે ફરાહ અને રિતેશે ક્લાસ લીધો હતો, જેનો પ્રોમો હાલમાં જ રિલીઝ કરવામાં આવ્યો છે. આ હંગામો 11 જુલાઈના 'જજમેન્ટ ડે' (Judgment Day) ના એપિસોડમાં બતાવવામાં આવશે.
કિશ્વર મર્ચન્ટ પણ ભડકી- આનું મોં બંધ કરાવો
આકાંક્ષા ચૌધરીનું આવું વર્તન જોઈને અભિનેત્રી કિશ્વર મર્ચન્ટ પણ ગુસ્સે થઈ ગઈ હતી. તેણે એક વીડિયો શેર કર્યો, જેમાં તે બોલી, 'હે ભગવાન, કોઈ એનું મોં બંધ કરાવો. આ આકાંક્ષા ચૌધરીએ ચૂપ થઈ જવું જોઈએ. આટલો નાનો અમથો સ્ક્રેચ (ઉઝરડો) આવ્યો છે અને તેણે આટલો બધો ડ્રામા કર્યો! પ્લીઝ તેનું મોં બંધ કરાવી દો. બાપ રે, બહુ બકવાસ કરે છે. તે બહુ ચીસો પાડે છે અને બદતમીઝ છે. તેની કોઈ જરૂર નથી.'
