VIDEO: ‘બેડ ન્યુઝ’નું ટ્રેલર આઉટ, જાણો વિકી કૌશલ અને તૃપ્તિ ડિમરીની આ ફિલ્મ ક્યારે રિલીઝ થશે?

જો તમને રોમેન્ટિક-કોમેડી ફિલ્મો જોવી ગમે છે તો તૈયાર થઈ જાવ. વિકી કૌશલ, તૃપ્તિ ડિમરી અને એમી વિર્ક સ્ટારર ફિલ્મ ‘બેડ ન્યુઝ’નું ટ્રેલર રિલીઝ થઈ ગયું છે અને બે દિવસ પહેલા વિકીએ ફિલ્મની રિલીઝ ડેટ પણ જાહેર કરી હતી. ફિલ્મ ‘બેડ ન્યુઝ’નું ટ્રેલર ખૂબ જ શાનદાર છે જેમાં તમને ઘણી કોમેડી જોવા મળશે. આનંદ તિવારી દ્વારા નિર્દેશિત ફિલ્મ બેડ ન્યૂઝ 19 જુલાઈ, 2024ના રોજ સિનેમાઘરોમાં રિલીઝ થશે. આ ફિલ્મમાં ઘણા સ્ટાર્સ મહત્વની ભૂમિકા ભજવશે પરંતુ વાર્તા વિકી કૌશલ, તૃપ્તિ ડિમરી અને એમી વિર્કની આસપાસ ફરતી જોવા મળશે.

‘બેડ ન્યુઝ’નું જબરદસ્ત ટ્રેલર રિલીઝ

‘બેડ ન્યુઝ’ ફિલ્મની રિલીઝ ડેટ બે દિવસ પહેલા જાહેર કરવામાં આવી હતી. આ સાથે ફિલ્મના કેટલાક પોસ્ટર પણ રિલીઝ કરવામાં આવ્યા હતા. ધર્મા પ્રોડક્શનના ઈન્સ્ટાગ્રામ પેજ પર લખવામાં આવ્યું હતું કે, 'સ્ટાર્ટ રોલિંગ ડ્રમ્સ...‘બેડ ન્યુઝ’નું ટ્રેલર આવી રહ્યું છે.' જે આજે એટલે કે 28મી જૂને રિલીઝ થઈ છે. આ ફિલ્મને લઈને ઘણા સમયથી ચર્ચાઓ ચાલી રહી હતી પરંતુ હવે તેનું ટ્રેલર જોયા બાદ લાગે છે કે, આ ફિલ્મ સુપરહિટ સાબિત થશે. 'ગુડ ન્યૂઝ' (2019)ની તર્જ પર બનેલી આ ફિલ્મમાં થોડો ફેરફાર કરવામાં આવ્યો છે. ફિલ્મ ‘બેડ ન્યુઝ’ની સ્ટોરી કંઈક આવી છે. જુઓ ટ્રેલર...

વિકી કૌશલ, તૃપ્તિ ડિમરી અને એમી વિર્ક સ્ટારર આ ફિલ્મમાં નેહા ધૂપિયા પણ મહત્ત્વની ભૂમિકામાં જોવા મળશે. ટ્રેલરમાં બતાવવામાં આવ્યું છે કે, એક છોકરી બે છોકરાઓ સાથે પ્રેમમાં છે. જ્યારે તે ગર્ભવતી બને છે, ત્યારે કેટલીક ગૂંચવણોને કારણે તે બંને તે બાળકના પિતા બની જાય છે. હવે ફિલ્મ ક્યાં લઈ જાય છે તે જાણવા માટે તમારે 19 જુલાઈએ થિયેટરમાં જવું પડશે. આ ફિલ્મ શાનદાર બનાવવામાં આવી છે જેમાં ઘણો રોમાન્સ છે પરંતુ કોમેડી જબરદસ્ત હશે. વિકી કૌશલ અને તૃપ્તિ ડિમરીની જોડી સ્ક્રીન પર છવાઈ જવા માટે તૈયાર છે.