'કોઈ સારા સમાચાર છે?' : હોસ્પિટલની બહાર કેમેરામાં કેદ થયા અરબાઝ ખાન-શૂરા, ફેન્સે શરુ કરી અટકળો
અરબાઝ ખાન અને શુરા હિન્દી ફિલ્મ ઈન્ડસ્ટ્રીના સૌથી ફેવરિટ કપલ્સમાંથી એક છે.
અરબાઝ ખાન અને શુરા હિન્દી ફિલ્મ ઈન્ડસ્ટ્રીના સૌથી ફેવરિટ કપલ્સમાંથી એક છે. ચાહકોને આ જોડી ઘણી પસંદ આવે છે. ગયા વર્ષે ડિસેમ્બરમાં અભિનેતાએ શૂરા સાથે નિકાહ કર્યા હતા. હાલમાં બંનેનો એક વીડિયો સોશિયલ મીડિયા પર વાયરલ થયો છે. અરબાઝ ખાન-શુરા હોસ્પિટલની બહાર જોવા મળ્યા હતા. ત્યારે પાપારાઝીએ પૂછ્યું કે શું કોઈ સારા સમાચાર છે?
વીડિયોમાં અરબાઝ અને શુરાને હોસ્પિટલમાંથી બહાર આવતા જોઈ શકાય છે. આ દરમિયાન પહેલાથી જ બહાર હાજર પાપારાઝીએ બંનેની તસવીરો અને વીડિયો લેવાનું શરૂ કરી દીધું હતું. બહાર નીકળતી વખતે, પાપારાઝીએ તેમને સારા સમાચાર વિશે પૂછ્યું. વીડિયોમાં, અરબાઝ ખાન કેઝ્યુઅલ આઉટફિટમાં જોવા મળ્યો હતો, જ્યારે શૂરા ખાને ક્રોપ-ટોપ અને ડેનિમ શોર્ટ્સ સાથે શર્ટ પહેર્યું હતું. વધુમાં, તેણે પોતાને કેપ સાથે સ્ટાઇલ કરી હતી.
વાયરલ વીડિયોમાં પાપારાઝી કપલને પૂછે છે, 'શું છે સારા સમાચાર?' તે જ સમયે, અરબાઝ અને શુરાએ આના પર કોઈ પ્રતિક્રિયા ન આપી અને તેઓ તેમની કારમાં બેસી ગયા અને કંઈપણ બોલ્યા વિના ત્યાંથી નીકળી ગયા. અરબાઝ અને શુરાના અંગત જીવનની વાત કરીએ તો બંનેએ એક વર્ષથી વધુ સમય સુધી ડેટિંગ કર્યા બાદ ડિસેમ્બર 2023માં લગ્ન કર્યા હતા.
બંનેના લગ્ન ઘણા લોકો માટે સરપ્રાઈઝ હતા, કારણ કે આ કપલ ક્યારેય સાથે જોવા મળ્યું ન હતું. પાછળથી, અરબાઝે ખુલાસો કર્યો કે તેઓ લગભગ એક વર્ષ સુધી ડેટ કરે છે અને તેઓ નિયમિતપણે રેસ્ટોરન્ટમાં જતા હતા. જો કે, તે ક્યારેય પાપારાઝી સામે કેમેરામાં કેદ થયો ન હતો.
હાલમાં જ શૂરાનો એક વીડિયો વાયરલ થયો હતો, જેમાં તે અરબાઝને મળવા એરપોર્ટની બહાર દોડી હતી. આ વીડીયોમાં તે અભિનેતાનો હાથ પકડીને ત્યાંથી પરત જતી પણ જોવા મળી હતી. આ વીડિયોમાં ચાહકોએ વિવિધ પ્રકારની પ્રતિક્રિયાઓ પણ આપી હતી.
