રશ્મિકા મંદાનાનો થયો અકસ્માત, 'એનિમલ' એક્ટ્રેસે ખુદ કહ્યું હવે કેવી છે તેની તબિયત
'એનિમલ' એક્ટ્રેસ રશ્મિકા મંદાના સાથે જોડાયેલા મોટા સમાચ
'એનિમલ' એક્ટ્રેસ રશ્મિકા મંદાના સાથે જોડાયેલા મોટા સમાચાર સામે આવ્યા છે. એક્ટ્રેસે ખુદ સોશિયલ મીડિયા પર એક લાંબી પોસ્ટમાં આ માહિતી આપી હતી. આ પોસ્ટમાં રશ્મિકાએ જણાવ્યું હતું કે તે તેના અકસ્માતને કારણે છેલ્લા કેટલાક સમયથી પબ્લિકલી નથી દેખાતી. હાલ ડૉક્ટરે રશ્મિકાને આરામ કરવાની સલાહ આપી છે. રશ્મિકાની આ પોસ્ટથી ફેન્સ નારાજ છે અને એક્ટ્રેસના જલ્દી સ્વસ્થ થવાની પ્રાર્થના કરી રહ્યા છે.
હવે કેવી છે તબિયત?
રશ્મિકાએ સોશિયલ મીડિયા પર મેકઅપ વગરનો ફોટો શેર કર્યો છે. આ ફોટો સાથેના કેપ્શનમાં તેણે લખ્યું છે - 'હા, હું જાણું છું કે, ઘણો સમય થઈ ગયો છે. ન તો હું અહીં એક્ટિવ હતી અને ન તો જાહેર કાર્યક્રમોમાં દેખાતી હતી. તેનું કારણ એ છે કે ગયા મહિને મારો અકસ્માત થયો હતો. આ અકસ્માત બહુ મોટો ન હતો પરંતુ ડૉક્ટરે મને હાલ આરામ કરવા કહ્યું છે. હવે હું પહેલા કરતાં વધુ સારી છું અને હવે લાગે છે કે, હું કેટલીક વસ્તુઓ કરવામાં વધુ એક્ટિવ થઈ ગઈ છું. હું તમને ફક્ત એટલું જ કહી શકું છું કે, તમારે તમારી જાતની વધુ કાળજી લેવી જોઈએ. જીવનમાં કશું કહી શકાતું નથી, તે ખૂબ જ અણધારી છે. આવતીકાલ હશે કે નહીં તે આપણે જાણતા નથી, તેથી હમણાં માટે ખુશ રહો.
ફેન્સ કરી રહ્યા છે પ્રાર્થના
રશ્મિકાની આ પોસ્ટ બાદ ફેન્સ એક્ટ્રેસની પોસ્ટ પર સતત કોમેન્ટ કરી રહ્યા છે અને તેના સ્વસ્થ થવાની પ્રાર્થના કરી રહ્યા છે. આ પહેલા રશ્મિકાએ તેના પાલતુ કૂતરા સાથેનો એક ક્યૂટ વીડિયો શેર કર્યો હતો, જેમાં તે તેના કૂતરા સાથે મસ્તી કરતી જોવા મળી હતી. આ વીડિયો શેર કરતા રશ્મિકાએ લખ્યું હતું- 'તમે બધા મને પૂછતા હતા કે ઓરા હવે કેવી છે. હું અત્યારે તેનાથી દૂર છું પણ મારી ફોન ગેલેરીમાં આ સુંદર વીડિયો મળ્યો છે. ઉલ્લેખનીય છે કે, રશ્મિકા મંદાનાની અપકમિંગ ફિલ્મોમાં 'પુષ્પા 2 ધ રૂલ', 'છાવા', 'સિકંદર' સામેલ છે. આ સિવાય જો રિપોર્ટ્સનું માનીએ તો તે આયુષ્માન ખુરાના સાથે 'વેમ્પાયર્સ ઑફ વિજયનગર'માં પણ જોવા મળી શકે છે. 'એનિમલ પાર્ક' પણ છે. આ સિવાય ત્રણ વધુ ફિલ્મોના નામ ચર્ચામાં છે જેમાં 'ધ ગર્લફ્રેન્ડ', 'રેનબો' અને 'કુબેર'નો સમાવેશ થાય છે.
