VIDEO: અનંત-રાધિકાના લગ્નમાં પ્રિયંકા સાથે ડાન્સ કરવા માટે અનન્યાએ નિકને માર્યો ધક્કો તો યુઝર્સે કરી ટ્રોલ
અનંત અંબાણી અને રાધિકા મર્ચન્ટના લગ્નમાં બોલિવૂડથી લઈને હોલિવ
અનંત અંબાણી અને રાધિકા મર્ચન્ટના લગ્નમાં બોલિવૂડથી લઈને હોલિવૂડ અને દુનિયાભરની હસ્તીઓએ હાજરી આપીને ધૂમ મચાવી હતી. આ લગ્નમાં હાજરી આપવા માટે પ્રિયંકા ચોપરા પણ તેના પતિ નિક જોનાસ સાથે પહોંચી હતી. લગ્નમાં જાન દરમિયાન સ્ટાર્સે જોરશોરથી ડાન્સ કર્યો હતો. રણવીર સિંહ, પ્રિયંકા ચોપરા, અનન્યા પાંડેએ પોતાના ડાન્સથી દિલ જીતી લીધા હતા.
અનન્યા પાંડેએ નિકને જાનમાં ધક્કો માર્યો?
અનંત અંબાણી અને રાધિકા મર્ચન્ટના લગ્નની ઘણી તસવીરો અને વીડિયો સોશિયલ મીડિયા પર વાયરલ થઈ રહ્યા છે અને ફેન્સ તેને લઈને ઉત્સાહિત છે. એક વીડિયોમાં અનન્યા, પ્રિયંકા અને નિક 'ચિકની ચમેલી' ગીત પર ડાન્સ કરતા જોવા મળ્યા હતા. વીડિયોમાં અનન્યા જાન દરમિયાન નિકને ધક્કો મારતી જોવા મળી હતી કારણ કે, તેને પ્રિયંકા સાથે ડાન્સ કરવો હતો. વાયરલ વીડિયોમાં જોઈ શકાય છે કે, કેવી રીતે અનન્યા દેશી ગર્લ સાથે ડાન્સ કરવા માટે ઉત્સુક છે, તે નિકને એક તરફ ધક્કો મારીને આગળ જતી રહી છે.
જ્યારે અનન્યા તેને ધક્કો મારે છે ત્યારે નિક જોનાસ પાછળ ઉભો રહે છે, પરંતુ પછી રણવીર સિંહ પરિસ્થિતિને સંભાળે છે અને નિકનો હાથ પકડીને તેને આગળ લાવે છે. આ પછી પ્રિયંકા તેના પતિ નિકને પણ આગળ કરે છે. હવે સોશિયલ મીડિયા પર આ વીડિયો જોઈને ફેન્સ અનન્યાને ટ્રોલ કરી રહ્યા છે અને રણવીરના વખાણ કરી રહ્યા છે. ઉલ્લેખનીય છે કે, અનંત-રાધિકાના લગ્નમાં હાજરી આપવા માટે પ્રિયંકા ગુરુવારે નિક સાથે મુંબઈ પહોંચી હતી. તે અનંતની બહેન અને નીતા-મુકેશ અંબાણીની દીકરી ઈશા અંબાણી સાથે મજબૂત બોન્ડ શેર કરે છે.
પ્રિયંકા ઉપરાંત સુહાના ખાન, માધુરી દીક્ષિત, ક્રિતી સેનન, અનન્યા પાંડે, સારા અલી ખાન, જાહ્નવી કપૂર, શનાયા કપૂર, ખુશી કપૂર, અર્જુન કપૂર, વરુણ ધવન, રજનીકાંત, અનિલ કપૂર અને અન્ય ઘણા સેલેબ્સે અનંત અંબાણી અને રાધિકા મર્ચન્ટના લગ્નમાં હાજરી આપી હતી.
